Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ТРОКСЕВАЗИН®
Саудалық атауы
Троксевазин®
Халықаралықпатенттелмеген атауы
Троксерутин
Дәрілік түрі
Сыртқа қолдануға арналған2% гель
Құрамы
100 г гельдің құрамында
белсенді зат - 2 г троксерутин,
қосымшазаттар: карбомер, ЭДТА-ның динатрий тұзы, бензалконий хлориді, триэтаноламин, тазартылғансу.
Сипаттамасы
Сарыдан ашық-қоңыр түске дейінгі біртекті гель.
Фармакотерапиялықтобы
Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Троксерутин.
АТХ коды С05СА04
Фармакологиялық қасиеттері
Фармакокинетикасы
Троксевазин® гелін жергілікті қолданған кезде препараттың құрамына кіретін белсенді зат гельдің құрамындағы суда еритін негізден оңай босап шығады және тері арқылы 30–60 минуттан соң сіңеді, ал теріастылық май қабатына – қабынған тіндерде жоғары концентрациясына жете отырып, бірнеше сағаттан кейін сіңеді.
Фармакодинамикасы
Троксевазин® – биофлавоноидтар жиынтығы, оның құрамында кем дегенде 95% троксерутин бар. Ол капиллярлар өткізгіштігін және сынғыштығын төмендетеді, вена тамырлары тегіс бұлшықеттерінің тонусын жоғарылатады, ісінуге қарсы әсер етеді, паравенозды тіндердің қабынуын жояды. Капиллярлардың қабырғаларын тұрақтандырады және орташа антиагреганттық әсер көрсетеді. Тіндердің трофикасын жақсартады, вена жеткіліксіздігіне байланысты ауыру сезімін және басқа да патологиялық белгілерді басады. Гистамин, брадикинин, ацетилхолин вазодилатациялық әсерлерінің антагонисі болып табылады. Соған байланысты Троксевазин® вена тонусын, капилляр протекторлы, экссудацияға қарсы және гемостатикалық әсерлерін көрсетеді. Антиоксиданттар түрінде әсер етіп, липидтердің асқын тотықты тотығуын тежейді.
Қолданылуы
- созылмалы вена жеткіліксіздігінен болған аяқтың ауыруында және ісінуінде
- веналардың варикозды кеңеюінде
- жарақаттан пайда болатын ауыруда және ісінуде, гематомаларда, шығып кетулерде, созылуларда, соғылуларда, бұлшықеттердің түйілуінде.
Қолдану тәсілі мен дозалары
Гельді терінің зақымданған жеріне таңертең және кешке теріге толық сіңгенге дейінжеңіл уқалай отырып жағу керек. Гельдікомпресс жасау үшін де қолданады. Адекватты емдік нәтижеге жету үшін гельді ісінулер мен басқа да симптомдар толық кеткенге дейін тұрақты қолдану керек. Одан кейін емдеуде үзіліс жасауға болады. Симптомдар қайталанса, емдеуде қайта бастау керек. Емдеу курсын дәрігер тағайындайды
Егер препаратты қолданып жүрген кезде ауру симптомдарының айқындығы азаймаса, дәрігермен кеңесу керек.
Жағымсыз әсерлер
Сирек
- аллергиялық тері реакциялары(есекжем, экзема, дерматит)
Қолдануға болмайтын жағдайлар
- препараттың кез келген компоненттерінің бірінежоғары сезімталдық
- жүктіліктің I триместрі
- 15 жасқа дейінгі балалар
Дәрілерменөзараәрекеттесуі
Аскорбин қышқылының қантамырлары қабырғаларының құрылымына және өткізгіштігіне тигізетін әсерін күшейтеді.
Айрықша нұсқаулар
Гельді терінің зақымданған жеріне жағады. Ашық жараларға, көзге және шырыш қабығына жағуға болмайды.
Препарат егде жастағыларға да қолданылуы мүмкін.
Жүктілік және лактация кезеңі
Троксевазин® препаратын жүктілікте (II және III триместрде) және лактация кезеңінде, егер ана үшін күтілген пайдасы шарана мен балаға төнетін қауіптен асып түсетін жағдайда ғана қолданылуы мүмкін.
Дәрілік заттардың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері
Дәрілік препарат айрықша назар аудару мен жылдам реакцияларды қажет ететін қауіптілігі зор қызмет түрлерін орындауға әсер етпейді.
Артық дозалануы
Троксевазин® препаратын сыртқа қолданған кезде артық дозалану қаупі жоқ.
Шығарылу түрі және қаптамасы
40 г немесе 100 г препараттан алюминий немесе ламинат сықпада.
1 сықпа медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші
Балканфарма-Троян АД
Болгария, 5600, Троян қ., “Крайречна” к-сі № 1
Тіркеукуәлігініңиесі
Балканфарма-Троян АД, Болгария
Қазақстан Республикасы аумағында тұтынушылардан дәрілік заттыңсапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«ратиофарм Қазақстан» ЖШС, 050059 (А15Е2Р) Алматы қ., Әл- Фараби даңғ. 17/1, «Нұрлы-Тау» БО,5Б,6 қабат. Телефон: (727)3251615; е-mail: safety.kazakhstan@tevapharm.com; веб сайт: www.teva.kz