Сипаттама
Дәрілік затты медициналық қолдану
жөніндегі нұсқаулық
ТОКСИВЕНОЛ
Саудалық атауы
Токсивенол
Халықаралық патенттелмеген атауы
Жоқ
Дәрілік түрі
Қабықпен қапталған таблеткалар, 300 мг/3 мг
Құрамы
Бір таблетканың құрамында
белсенді заттар:300 мг троксерутин
3 мг карбазохром,
қосымша заттар: арабия шайыры, жүгері крахмалы, тазартылған тальк, повидон, коллоидты кремнийдің қостотығы, магний стеараты,
қабықтың құрамы: титанның қостотығы (Е171), кальций карбонаты, каолин, «күн батар түстес» сары FCF (E110),индигокармин (Е132), сахароза.
Сипаттамасы
Екі беті дөңес, дөңгелек пішінді, қызғылт түсті қабықпен қапталған таблеткалар.
Фармакотерапиялық тобы
Ангиопротекторлар. Капиллярлардың өткізгіштігін төмендететін препараттар. Биофлавоноидтар. Троксерутин басқа препараттармен біріктірілімде.
АТХ коды С05СА54
Фармакологиялық қасиеттері
Фармакокинетикасы
Ішке қабылдағаннан кейін троксерутин асқазан-ішек жолынан жылдам сіңеді.
Қан плазмасындағы троксерутиннің ең жоғары концентрацияларына (Сmax) 1 сағаттан соң жетеді және 81,00±2,94 нг/млқұрайды, биологиялық жартылай ыдырау кезеңі (Т0,5) – 8, 73±0,88 сағат.
Плазмалық протеиндермен байланысуы 30%-ға жуықты құрайды. Бауырда моно-, ди- және тригидроксиэтилрутозидтердің, глюкуронидтердің және арилсірке қышқылының туындыларының аглюкогонды түрлеріне дейін метаболизденеді. Жартылай шығарылу кезеңі 10 – 25 сағатқа дейін ауытқиды. 25% жуығы несеппен, өтпен –70% жуығы шығарылады.
Карбазохромның қан плазмасындағы концентрациясы қолданғаннан кейін 10 минут өткенде анықталады, қан плазмасындағы орташа шектік концентрациясы (Сmax) 21,0±8,4 нг/мл құрайды, ал шегіне жету уақыты Tmax 1,2±0,5 сағ құрайды. Жартылай шығарылу кезеңі Т1/2, орташа ұстап тұру уақыты (ОҰУ) және концентрацияның уақытқа тәуелділігінің қисық астындағы ауданы 2-ден 8 сағатқа дейін сәйкесінше 2,5±0,9 сағ., 4,1±1,1 сағ. және 65,9±25,3 сағ. нг/м құрайды.
Фармакодинамикасы
Құрамдас компоненттері троксерутиннің және карбазохромның ұтымды біріктірілімі препараттың жоғары фармакологиялық тиімділігіне жағдай жасайды, бұл капиллярлардың қабырғаларының әлсіздігі жоғары болған кезде тамыр ауруларына және қан кету синдромдарына мақсатты түрде ем жүргізуге мүмкіндік береді.
Троксерутин Р – дәрумендік белсенділікке ие, айқын ангиопротективті қасиеттер көрсетеді, капиллярлық тамырлардың бұзылған өткізгіштігін қалпына келтіреді, капиллярлардың жарылғыштығын азайтады, олардың иілгіштігін, серпімділігін және жарақаттық зақымдануларға төзімділігін қамтамасыз етеді.
Препараттың фармакологиялық әсері жарғақшаның өткізгіштігінің қорғаныш функциясын орындайтын С дәруменінің әсері күшеюіне жағдай жасайды және тамыр қабырғаларының тығыздығына жауап беретін гиалурон қышқылын – мукополисахаридті өндіруді белсенділендіреді. Бұдан басқа, тамырды кеңейтетін және ісінуді тудыратын заттың, гистаминнің босап шығуы азайғаны байқалады.
Карбазохром – ортохинон, екінші дәрежедегі амин тобының және о-дифенол тобының болмауы салдарынан симпатомиметикалық белсенділігі жоқ адреналиннің тотығу өнімі. Қан кеткен аймақтың ұсақ тамырларына тамыр тарылтқыш жергілікті әсері қан кету ұзақтығының қысқаруына ықпал етеді. Бұл құбылыс артериялық қысымның көтерілуінсіз және жүрек қызметіне ықпал етусіз жүреді. Карбазохром капиллярлардың беріктігі мен өткізгіштігіне, сондай-ақ тамырлардың тонусына және жиырылғыш күшіне айқын әсер ететіні анықталған.
Қолданылуы
- созылмалы вена жеткіліксіздігі, веналардың варикоздық кеңеюі, беткейлік тромбофлебит, перифлебит, жарақаттан кейінгі ісіну, гематомалар, созылмалы вена жеткіліксіздігі кезіндегі трофикалық бұзылыстар (дерматиттер, трофикалық ойық жаралар);
- геморрой
Қолдану тәсілі және дозалары
Тағам қабылдау кезінде ішу керек.
Емдеу басында күніне 1 таблеткадан 2-3 рет қабылдайды. Ауыру симптомдары әдетте 2 аптадан соң қайтады. Симптом толық кеткенге дейін осы дозаны ұстап тұру ұсынылады.
Демеуші ем: күніне 1 таблеткадан 3-4 апта.
Тәуліктік доза 600 мг (күніне 1 таблеткадан 2 рет) құрайды.
Ең жоғарғы тәуліктік доза 900 мг (күніне 1 таблеткадан 3 рет) құрайды.
Жағымсыз әсерлері
- жүрек айну;
- есекжем;
- беттің қызаруы;
- бас ауыру;
- іштің кебуі және ауыруы
Қолдануға болмайтын жағдайлар
- препараттың компоненттеріне жоғары сезімталдық;
- асқазанның және он екі елі ішектің ойық жара ауруы, созылмалы гастрит (асқыну фазасында)
- 18 жасқа дейінгі балалар мен жасөспірімдер;
- жүктілік және лактация кезеңі
Дәрілермен өзара әрекеттесуі
Аскорбин қышқылының тамыр қабырғасының құрылымы мен өткізгіштігіне әсерін күшейтеді.
Айрықша нұсқаулар
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Дәрілік заттың жағымсыз әсерлерін ескере отырып көлік құралдарын немесе қауіптілігі зор механизмдерді басқарғанда сақ болу керек.
Артық дозалануы
Симптомдары – препараттың жағымсыз әсерлерінің күшеюі.
Емі – симптоматикалық.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.
3 пішінді ұяқшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
Құрғақ жерде, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші/қаптаушы
Өндіруші«КЛЕВА С.А.», Парнитос д-лы 189, 13671 Афины, Грекия
«АКАРПИА Сервикос Фармацеутикос ЛДА» лицензиясы бойынша, Португалия.
Тіркеу куәлігінің иесі
«Ротафарм», Ұлыбритания
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымныңмекенжайы
ҚР, Алматы, Түрксіб ауданы, Сүйінбай д-лы, 222 б
Тел/факс: 8(7272) 529090
www.worldmedicine.kz
Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«TROKA-S PHARMA» ЖШС, Алматы қ., Сүйінбай д-лы, 222-б
Ұялы тел +7 701 786 33 98, (24 сағат бойы).
е-mail: pvpharma@worldmedicine.kz
