Біздің компаниямыз жайлы жалпы ақпарат.
Дәрілік препаратты медициналық
қолдану жөніндегі нұсқаулық (Қосымша парақ)
Саудалық атауы
Терафлекс® Хондрокрем Форте
Халықаралық патенттелмеген атауы
Жоқ
Дәрілік түрі, дозасы
Сыртқа қолдануға арналған крем
Фармакотерапиялық тобы
Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Буын және бұлшықет ауырулары кезінде жергілікті қолдануға арналған басқа препараттар. Басқалары.
АТХ коды M02AХ10
Қолданылуы
Тірек-қимыл аппаратының дегенеративті-дистрофиялық ауруларының кешенді емі құрамында: остеоартроз, омыртқа бағанының остеохондрозы; ауыру синдромымен қатар жүретін буынның өзге де аурулары.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Басқа дәрілік препараттармен өзара әрекеттесуі
Басқа да дәрілік заттармен өзара әрекеттесуі немесе үйлесімсіздік жағдайлары сипатталмаған.
Арнайы сақтандырулар
Препаратты ашық жараларға тигізіп алмай, тек зақымданбаған теріге ғана жағу керек. Препараттың көзге және шырышты қабықтарға тиіп кетуін болдырмаған жөн.
Терафлекс Хондрокрем Форте кремін басқа да қабынуға қарсы стероидты емес препараттармен бірге қолданар алдында, сондай-ақ препаратты 2 аптадан артық пайдалану қажет болғанда дәрігермен кеңескен жөн.
Қосымша заттар (диметилсульфоксид, пропиленгликоль, цетостеарил, стеарил спирттері) тері тітіркенуін және/немесе жанаспалы дерматит туғызуы мүмкін.
Жүктілік және лактация
Жүктілік және бала емізу кезеңінде қолдануға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Қолдану жөніндегі нұсқаулар
Дозалау режимі
Ересектер мен 12 жастан асқан балалар: кремнің 1-ден 5 см дейінгі жолағын жеңіл уқалай отырып, күніне 2-3 рет жағады. Препараттың қажет мөлшері ауыратын аймақтың шамасына байланысты. Препаратты жаққаннан кейін қолды мұқият жуу қажет. Емдеу курсы көрсетілімдерге және байқалатын әсеріне байланысты. Препаратты 2 апта пайдаланғаннан кейін дәрігермен кеңескен жөн.
Пациенттердің ерекше топтары
Препаратты бүйрек және бауыр функциясы бұзылған, асқазан-ішек жолының айқын патологиясы (өршу сатысындағы ойық жара ауруы), қан жүйесінің айқын патологиясы бар пациенттерге, сондай-ақ егде жастағы адамдарға сақтықпен қолданған жөн.
Енгізу әдісі және жолы
сыртқа.
Қабылдау уақытын көрсететін қолдану жиілігі
Ересектер мен 12 жастан асқан балалар: кремнің 1-ден 5 см дейінгі жолағын жеңіл уқалай отырып, күніне 2-3 рет жағады.
Емдеу ұзақтығы
Препаратты 2 апта пайдаланғаннан кейін дәрігермен кеңескен жөн.
Артық дозаланған жағдайда қолдану қажет шаралар
Сыртқа қолданғанда препарат белсенді компоненттерінің жүйелі сіңірілуі өте төмен болуына байланысты іс жүзінде артық дозалануы мүмкін емес.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Өте сирек:
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ
Қосымша мәліметтер
Дәрілік препараттың құрамы
Бір грамм кремнің құрамында
белсенді заттар: хондроитин натрий сульфаты 50 мг, мелоксикам 10 мг;
қосымша заттар: диметилсульфоксид, пропиленгликоль, макрогол цетостеарил эфирі, цетостеарил спирті [цетил спирті 60 % көп емес, стеарил спирті 40 % кем емес], сұйық парафин, вазелин, имидомочевина, натрий дисульфиті, су.
Сыртқы түрінің, иісінің, дәмінің сипаттамасы
Диметилсульфоксидтің иісі бар, жасылдау реңді ақшыл-сарыдан жасылдау реңді сары түске дейінгі крем
Шығарылу түрі және қаптамасы
30 г, 50 г немесе 100 г-ден алюминий немесе ламинатты полиэтилен сықпада.
1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
«Нижфарм» АҚ, Ресей Федерациясы,
603950, Нижний Новгород қ.,
Салганская к-сі, 7
тел.: (831) 278-80-88
факс: (831) 430-72-28
веб сайт: http://www.nizhpharm.ru
Тіркеу куәлігінің ұстаушысы
Байер Консьюмер Кэр АГ,
СН-4052 Базель, Петер Мериан штрассе, 84, Швейцария
тел. +41 58 272 7542
факс: +41 58 272 7173
e-mail: www.basel.bayer.com
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail:kz.claims@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
