Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
РЕННИ® қантсыз
Саудалық атауы
Ренни® қантсыз
Халықаралық патенттелмеген атауы
Жоқ
Дәрілік түрі
Шайнайтын жалбызды таблеткалар
Құрамы
Бір таблетканың құрамында
белсенді заттар:680 мг кальций карбонаты,
80 мг негізгі магний карбонаты;
қосымша заттар: сорбитол, желатинделген жүгері крахмалы, картоп крахмалы, тальк, магний стеараты, сұйық жеңіл парафин, ментолды қоспа, натрий сахарині.
Сипаттамасы
Беткейлері ойыс квадрат пішінді, екі жақ бетінде «RENNIE» таңбасы бар, жалбыз иісті, крем реңдес ақ таблеткалар.
Фармакотерапиялық тобы
Ас қорыту жолына және зат алмасуға әсер ететін препараттар. Қышқылдылықтың бұзылуымен байланысты ауруларды емдеуге арналған препараттар. Антацидтер. Кальций препараттарының біріктірілімі.
АТХ коды A02AC10
Фармакологиялық қасиеттері
Фармакокинетикасы
Қысқа мерзім ішінде (шамамен 30-дан 45 минутқа дейін) аш қарынға қабылдағаннан кейін антацидтер асқазанда анықталады.
Кальций мен магнийдің сіңірілу деңгейіпрепараттың дозасына байланысты. Ең жоғары сіңірілу деңгейі – кальций 10 % және магний 15-20 %.
Сіңген кальцийдің және магнийдің аздаған мөлшері бүйрек арқылы шығарылады.Бүйрек функциясы бұзылған кезде плазмадағыкальций және магний концентрацияларының деңгейі артуы мүмкін. Еритін тұздардан ішекте нәжіспен бірге шығарылатын ерімейтін қосылыстар түзіледі.
Ренни асқазан сөлімен өзара әрекеттесуі нәтижесінде асқазанда кальцийдің және магнийдің еритін тұздары түзіледі.
Кальций карбонаты және магний карбонаты асқазан сөлінің хлорлы сутегі қышқылымен өзара әрекеттесіп, көмір қышқыл газының (СО2) және судың (Н2О) түзілуіне әкеледі.
Фармакодинамикасы
Препараттың құрамындаантацидтік заттар -кальций карбонаты және магний карбонаты бар, олар асқазан сөліндегі артық тұз қышқылының тез және ұзақ бейтараптануын қамтамасыз етеді, осылайша асқазанның шырышты қабығын қорғауға әсер етеді.
Кальций және магний қосылыстары ішектен сіңуі мардымсыз және сондықтан жүйелік әсері жоқ.
Қолданылуы
Жоғары қышқылдықтан туындайтын симптомдарды: қыжылды, қышқыл кекірікті,сондай-ақ асқазанның артық қышқылдылығын басу үшін.
Қолдану тәсілі және дозалары
Ересектер және 12 жастан асқан балалар: бір реттік доза 1-2 таблетка. Таблетканы шайнауға болады немесе толық ерігенше ауызда ұстау керек.Ас ішкеннен кейін бір сағаттан соң және ұйықтар алдында қабылдаған жөн, алайда қыжыл болған кез келген кезде де қолдануға болады.
Ең жоғары тәуліктік доза – 11 таблетка.
Емдеудің ұзақтығы: егер препаратты қабылдау кезінде симптомдар ұзақ мерзім сақталатын болса (2 аптадан аса), онда тексеру жүргізу және күрделі ауруды жоққа шығару үшін дәрігермен кеңесу қажет.
Жағымсыз әсерлері
Иммун жүйесі тарапынан: өте сирек аллергиялық реакциялар – бөртпе, есекжем, Квинке ісінуі және анафилакcия.
АІЖ тарапынан: жүрек айнуы, құсу, асқазанның бұзылуы және іш өтуі.
Бүйрек және несеп шығару жолдары тарапынан: бүйрек функциясының бұзылуы бар пациенттер препаратты қабылдағанда гипермагниемия, гиперкальциемия, нефролитиаз даму қаупі, бүйрек жеткіліксіздігіне және алкалозға әкеп соғуы мүмкін.
Сүйек-бұлшықет жүйесі және дәнекер тіндер бұзылуларында: бұлшықет әлсіздігі байқалуы мүмкін.
Сүт-сілтілік синдромына байланысты орын алған жағымсыз әсерлер:
Жүйке жүйесінің бұзылулары: дәм сезуден айрылу, бас ауыруы.
Бүйрек функциясы және несеп шығару жолдарының бұзылу: азотемия.
Жалпы бұзылулар және реакциялар: кальциноз және астения (әлсіздік).
Қолдануға болмайтын жағдайлар
– препарат компоненттеріне жоғары жеке сезімталдық
– бүйректің ауыр жеткіліксіздігін
– гиперкальциемия және/немесе гиперкальциемияға әкеп соғатын жағдайлар
– кальций шөгіндісімен нефролитиаз
– гипофосфатемия
– 12 жасқа дейінгі балалар
– фруктозаны тұқым қуалайтын көтере алмаушылығы бар адамдар.
Дәрілермен өзара әрекеттесуі
Антацидтер басқа дәрлік заттармен өзара әрекеттесуі мүмкін.
Бір мезгілде қабылдағанда асқазан-ішек жолдарында ішу арқылы қабылданатын басқа дәрілік заттардың сіңірілуі төмендейді. Сондықтан Ренниді басқа дәрілік заттардан 2 сағаттық аралықпен жеке қабылдау ұсынылады.
Құрамында кальций мен магний бар антацидтер, антибиотиктер (тетрациклиндер, хинолондар) сияқты кейбір заттармен, жүрек гликозидтерімен (дигоксин), левотироксин және эльтромбопагпен жиынтық түзуі мүмкін, ол сіңірілу төмендеуіне әкеп соғады. Мұны аталған препараттарды бір мезгілде тағайындағанда ескергенн жөн.
Кальций тұздары құрамында фторидтер және темір бар өнімдердің сіңірілуін азайтады. Кальций мен магний тұздары фосфаттардың сіңірілуіне кедергі етуі мүмкін.
Тиазидті диуретиктер кальций шығарылуын төмендетуі мүмкін.Гиперкальциемия даму қаупі артуына орай тиазидті диуретиктермен бір мезгілде қабылдағанда қандағыкальций деңгейін тұрақты бақылау керек.
Айрықша нұсқаулар
Ұзақ қолдануға және дозаны арттыруға жол бермеген жөн. Емдеу үшін Ренниді 10 күннен артық пайдалануға болмайды. Егер асқазанның ойық жараларынан зақымдануы сияқты симптомдар сақталса, асқазан-ішек жолдарының ауруларына жол бермеу керек, ол үшін дәрігерге қаралу қажет.
Ренни таблеткаларын сүттің және сүт өнімдерінің мол мөлшерімен бірге және ұзақ уақыт қабылдау бүйректе тас түзілуі қаупін арттырады.
Бүйрек функциясының бұзылуы бар науқастарға препаратты тағайындағанда қан сарысуындағы магний мен кальцийдің концентрациясын тұрақты бақылау керек.
Сорбитолды көтере алмайтын пациенттерге сақтықпен қолдану керек.
Жүктілік және лактация кезеңі
Кальций карбонаты мен магний карбонатын жүктілік кезінде қолданғаннан кейін туа біткенақаулар қаупінің артуы тіркелмеді.
Ренни таблеткаларын жүктілік кезінде ұсынылған дозада қолдану қауіпсіз болады, алайда жоғары дозаларда ұзақ пайдаланбаған жөн.
Препаратты қолдану жөніндегі ұсыныстарды қадағалаған жағдайда лактация кезеңінде қабылдауға болады.
Дәрілік препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Әсер етпейді.
Артық дозалануы
Негізінен бүйрек функциясының бұзылуы бар пациенттерде, препараттың үлкен дозаларын ұзақ қабылдау бүйрек жеткіліксіздігіне, гипермагниемия, гиперкальциемия және алкалозға әкеп соғады, ол асқазан-ішек жолдары тарапынан симптомдарды (жүрек айнуы, құсу, үлкен дәреттің бұзылуы) және бұлшықет әлсіздігін туындатуы мүмкін.
Емі: препаратты қабылдауды тоқтатып, сұйықтықтың жеткілікті мөлшерін қабылдау керек. Емі симптоматикалық.
Шығарылу түрі және қаптамасы
12 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.
2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
25°С-ден аспайтын температурада сақтау керек. Ылғалдан сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші ұйымның атауы және елі
Делфарм Гайярд, Франция
Қаптаушы ұйымның атауы және елі
Делфарм Гайярд, Франция
Тіркеу куәлігі ұстаушысының атауы мен елі
Байер Консьюмер Кэр АГ, Швейцария
Қазақстан Республикасы аумағында тұтынушылардан дәрілік заттыңсапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта):
«Байер КАЗ» ЖШС
Тимирязев к-сі, 42, 15 павильон, 301 кеңсе
050057, Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«Байер КАЗ» ЖШС
Тимирязев к-сі, 42,15 павильон, 301 кеңсе
050057, Алматы, Қазақстан Республикасы,
тел: +7 701 715 78 46 (тәулік бойы)
тел:+7 727 258 80 40, іш. 106(жұмыс уақытында)
факс: +7 727 2588 039
e-mail: pv.centralasia@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
