Повидон йодин 200 мг №14,вагин.супп
Тауарлардың көрінісі фотосуретте көрсетілгеннен өзгеше болуы мүмкін

Повидон йодин 200 мг №14,вагин.супп

1868
Қолжетімділігі
Сатылымда бар
Үлгі
4840456000393
Елі
Молдова, республика
Өндіруші
FARMAPRIM SRL
0-0-4 бөліп төлеу
467 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану жөніндегі нұсқаулық

ПОВИДОН-ЙОДИН

Саудалық атауы

Повидон-йодин

Халықаралық патенттелмеген атауы

Жоқ

Дәрілік түрі

Қынаптық суппозиторийлер, 200 мг

Құрамы

Бір суппозиторий құрамында

белсенді зат: 200 мг повидон-йод,

қосымша зат: полиэтиленгликоль1000.

Сипаттамасы

Қоңыр түсті, йодтың өзіне тән иісі бар, цилиндрконус пішінді суппозиторийлер. Кесіндісінде кеуекті стержень немесе шұңғыл тәрізді ойық болуы мүмкін.

Фармакотерапиялық тобы

Гинекологиялық ауруларды емдеуге арналған басқа да антисептиктер мен микробқа қарсы препараттар.

АТХ коды G01AX11

Фармакологиялық қасиеттері

Фармакокинетикасы

Қынаптың шырышты қабығымен жанасқанда йод біртіндеп біркелкі босанып шығады (тек кешеннің 30% йодидқа айналады).

Сіңу барысында йодтың таралу көлемі 38% құрайды, жартылай шығарылу кезеңі 2 күнді құрайды. Бүйрекпен шығарылады.

Қалқанша безінің функциясы қалыпты пациенттерде йодтың жоғары сіңуі оның гормональдық функциясында ешбір елеулі өзгерістер туындатпайды.

Йод плацентарлық кедергі арқылы өтеді жәнеемшек сүтімен бөлінеді.

Повидонның сіңуі және оның бөлінуі молекулярлық салмаққа тәуелді.

Фармакодинамикасы

Препарат антисептикалық, дезинфекциялайтын, зеңге қарсы және протозойға қарсы әсер етеді. Микробқа қарсы кең ауқымды әсері бар. Грамоң және грамтеріс бактерияларға, Gardnerella vaginalis, микоплазмалар, Treponema pallidum, хламидиялар, зеңдерге (мысалы,Candida тұқымдастығына), вирустарға, қарапайымдыларға (оның ішінде трихомонадаларға) және спораларға қатысты алғанда белсенді.

Белсенді зат – йод - йод поливинилпирролидоны кешені түрінде берілген. Бұл кешеннен элементтік йод біртіндеп және біркелкі босап шығады, бұл белсенді бос йодтың тұрақты концентрациясын қамтамасыз етеді.

Белсенді йод концентрациясы 0,1-1% құрайды.

Әсер ету механизмі: бактериялық қабырға ақуыздарымен немесе ферментті ақуыздармен жанасудайодаминдер түзеді, және олардың әсерін бөгей отырып микроорганизмдерге бактерицидті әсер етеді. Препарат қынаптың қалыпты флорасының қалпына келуін жеңілдетеді.

Йодтың біртіндеп босап шығуы есебінен препарат ұзақ уақыт әсер етеді.

Йод поливинилпирролидонмен кешенде жергілікті тітіркендіруін елеулі жоғалтады және сондықтан шырышты қабыққа, теріге және жарақатты беткейлерге жаққанда жағымды, жақсы әсер береді.

Қолданылуы

Жедел және созылмалы қынаптық инфекцияларда, аралас инфекцияларда:

- спецификалық емес инфекцияларда (бактериялық вагинозда, Gardnerella vaginalis), антибиотиктермен және стероидты препараттармен ем салдарынан болған кандидозды қоса алғандағы зеңдік инфекцияларда (Candida albicans)

- генитальді герпесте

- трихомониазда (қажет болған жағдайда жүйелік біріктірілген ем жүргізу керек).

- қынапқа жасалатын хирургиялық операцияларға дейін және кейінгі операция алдындағы және операциядан кейінгі өңдеуде (профилактика мақсатында), сондай-ақ акушерлік және диагностикалық емшараларда.

Қолдану тәсілі және дозалары

Қынап ішіне.

Суппозиторий қабығынан шығарылады және қынапқа терең енгізіледі. Белсенді зат әбден еруі үшін және жергілікті тітіркенуді болдырмау үшін суппозиторийді енгізер алдында ылғалдау керек.

Жедел вагиниттер: 1 суппозиторийден тәулігіне 2 реттен 7 күн бойы.

Жеделге жуық және созылмалы вагиниттер: 1 суппозиторийден тәулігіне 1 рет 14 күн бойы ұйықтар алдында.

Хирургиялық араласулар мен диагностикалық емшаралар алдында: күніне 1 суппозиторийден бірнеше күн бойы.

Емдеу кезінде гигиеналық төсеуіш қолдану ұсынылады. Препаратты етеккір оралымы фазасына байланыссыз күнде қолдану керек.

Жағымсыз әсерлері

Сирек:

- псориаз сияқты қызыл майда буллезды элементтер түзілумен жүретін жанаспалы дерматит түріндегі аса жоғары сезімталдық реакциялары

Жекелеген жағдайларда:

- қынаптық суппозиторийлерді ұзақ қолданғандағы бейім тұлғалардағы йодпен индукцияланған гипертиреоз

- артериялық қысым төмендеуімен және/немесе тыныс алудың қиындауымен (анафилаксиялық реакциялар) жүретін жайылған жедел тері реакциялары

Қолдануға болмайтын жағдайлар

- йодқа және препараттың басқа компоненттеріне жоғары сезімталдықта

- гипертиреоз немесе қалқанша без функциясының басқа да айқын бұзылуында

-герпес пішінді Дюринг дерматиті

- гипертиреозды емдеудегі (толық жазылғанға дейінгі) радиоактивті йод қолданғанға дейінгі және одан кейінгі күйде

- жыныстық жағынан толық жетілмеген қыз балаларға

Дәрілермен өзара әрекеттесуі

Повидон-йод пен сутегі асқын тотығын, сондай-ақ жараны өңдеуге арналған құрамында күміс және толуидин бар ферментті препараттарды, антисептикалық препараттарды бірге қолдану өзара тиімділігін төмендетуге алып келеді.

Препарат құрамында сынап, тотықтырғыштар, сілтілік тұздар және қышқыл реакциялы заттар бар дезинфекциялайтын дәрілік заттармен үйлесімсіз.

Повидон-йодин қынаптық суппозиторийларын литий препараттарын қабылдайтын науқастарда ұдайы қолданбаған дұрыс. Литий карбонаты құрамында йод препараттарымен бірге тағайындау ауыр гипотиреозды туындатуы мүмкін. Құрамында йод бар препараттар сияқты литий қалқанша без аурулары бар немесе өткерген адамдарда Т3 және Т4 деңгейіне күшті әсер етеді. Литиймен емделіп жүрген пациенттерде Повидон-йодин суппозиторийін сақтықпен және қысқа курспен пайдаланған жөн.

Қанда болуы бактерицидтік әсерді төмендетуі мүмкін.

Айрықша нұсқаулар

Препаратты қолдану қалқанша бездің йодты сіңіруін төмендетуі мүмкін, бұл кейбір зерттеулер мен емшаралардың нәтижесіне әсер етуі мүмкін (қалқанша бездің сцинтиграфиясы, йодтың ақуызбен байланысуын анықтау, радиоактивті йод қолданумен жасалатын диагностикалық емшаралар), осыған байланысты қалқанша без ауруларын йод препараттарымен емдеуді жоспарлау мүмкіндігі болмауы мүмкін.Препарат қолдануды тоқтатқаннан кейін 1-4 аптадан кем болмайтын аралықты сақтау керек.

Препараттың тотықтырғыш әсері әртүрлі диагностикалық сынамалардың жалған-оң нәтижесіне алып келуі мүмкін (мысалы, несеп пен нәжісте толуидин және гваяк шайырын қолдану арқылы гемоглобин мен глюкозаны анықтау).

Клиникалық қалпына келетін гипертиреоз, латентті гипертиреоз және басқа да қалқанша без аурулары жағдайында (әсіресе егделерде) препаратты тек дәрігер бақылауымен ғана қолдану керек.

Жыныстық жұптасы инфекция жұқтырған жағдайда және қайтадан инфекция жұқтыру мүмкіндігін жоққа шығару үшін екі жұпты да бір уақытта емдеу міндетті болып табылады. Жоғары сезімталдықтың бірінші симптомдары білінісімен препаратты қолдануды тоқтату керек.

Препарат тоқыма немесе басқа да материалдардан жылы сабынды сумен жеңіл тазаланады. Тазалануы қиын дақты аммиак ерітіндісімен немесе натрий тиосульфатымен өңдеу керек.

Жүктілік және бала емізу

Йод плацентарлық кедергі арқылы енеді және емшек сүтімен бөлінеді. Препаратты жүктілік кезінде қолдану шаранада және жаңа туған нәрестеде өтпелі гипотериоз дамуын туындатуы мүмкін.

Екі айдан жоғары жүктілік мерзімінде, сондай-ақ бала емізу кезеңінде препаратты тек қатаң көрсетілімдермен ғана қолдануға болады, ана мен баланың қалқанша без функциясын мұқият бақылауды талап етеді.

Бұл жағдайларда препаратты тек қысқа мерзімге ғана қабылдау мүмкіндігі бар.

Препаратты жүктіліктің екінші триместрінен бастап қолдануға болмайды.

Повидон-йодин суппозиторийлерінің спермицидті әсері бар, сондықтан жоспарланған жүктілікте оларды қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлік және қауіптілігі зор механизмдерді жүргізу қабілетіне әсер етпейді.

Артық дозалануы

Жедел йодты уыттанудың симптомдары төмендегідей: ауыздағы дәмнің темір татуы, сілекейдің бөлінуінің ұлғаюы, ауызда немесе жұтқыншақта күйдіру немесе ауыру сезімдері; көздің тітіркенуі және ісінуі, тері реакциялары; асқазан-ішек бұзылулары және диарея, бүйрек функциясы бұзылулары және анурия; қан айналымының жеткіліксіздігі; көмей ісінуімен салдарлы асфиксия, өкпе ісінуі, метаболизмдік ацидоз, гипернатриемия.

Емі: бүйрек және қалқанша без функциясына, электролиттік теңгерімді ерекше бақылауымен демеуші және симптоматикалық ем. Қан сарысуындағы йодтың уыттылық концентрациясын перитонеальді диализбен немесе гемодиализбен тиімді төмендетуге болады. Одан басқа, қалқанша без функциясын мұқият клиникалық бақылау йодтан туындаған гипертиреозды ерте анықтауға немесе бар-жоғын анықтау үшін жүргізілуі тиіс.

Ішке қабылдағаннан кейінгі уыттану: құрамында крахмал немесе ақуыз бар тамақ өнімін дереу енгізу (мысалы, крахмалдың судағы немесе сүттегі ерітіндісі). Асқазанды қажетіне қарай үш сағаттық аралықпен тиосульфат натрийдің 5% ерітіндісімен шаю (тиосульфат натрийдің 10 мл 10% ерітіндісін вена ішіне енгізу).

Шығарылу түрі және қаптамасы

7 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамада.

2 пішінді ұяшықты қаптамадан қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

ФАРМАПРИМ ЖШҚ

Кринилор к-сі, 5, Порумбень а., Криулень ауд.

Молдова Республикасы, MD-4829

www.farmaprim.md

Тіркеу куәлігінің иесі

ФАРМАПРИМ ЖШҚ, Молдова Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«ФАРМАПРИМ СРЛ» фирмасының Қазақстан Республикасындағы өкілдігі, Алматы қ., Гоголь к-сі, 86, 528 кеңсе,

тел. 8-727-2796518, tatiana.abdulkhairova@farmaprim.md

Дәріханалар

Тауар артығымен бар
Тауар аз қалды
Аптека № 56, Нур-Султан, (Хайвилл)
ул.Байтурсынова 3, Ж/К "Хай вил"
09:00-00:00
Аптека №17 ПТ, Нур-Султан (Мангилик)
г. Нур-Султан Мангилик Ел 19
Круглосуточно