ОМК-1 10 мл капли глазные

Сипаттама

Медициналық бұйымды медицинада қолдану жөніндегі нұсқаулық

Медициналық бұйымның атауы

Oмк 1 стерильді көз тамшылары, 10 мл

Бұйымның құрамы мен сипаттамасы

Мөлдір, түссіз ерітінді.

Тамшылардың құрамы:гиалурон қышқылы 0,2%, цитиколин мононатрий тұзы, натрий фосфаты моногидраты, натрий дигидрофосфат додекагидраты, натрий хлориді, бензалконий хлориді, инъекцияға арналған су.

Oмк 1 биотехнологиялық синтез жолымен алынған құрамында молекулалық салмағы жоғары 0,2% гиалурон қышқылы және 2% цитиколин бар офтальмологиялық ерітінді болып табылады. Гиалурон қышқылы көз жасы үлбірінің тұрақтылығын жақсарту үшін пайдалы мукомиметикалық, мукоадгезиялықжәне тұтқыр эластикалық ерітінділерге қосылады және осылайша, шырышты қабықты жағулы, ылғалданған және қорғалған күйінде сақтайды. Бұдан бөлек, құрамында гиалурон қышқылы бар ерітінділер нұрлы қабықтың және эпителий конъюнктивасының зақымдануы жағдайында көз беткейінің қалпына келуі үшін жағымды микроортаны жасауға қабілетті. Oмк 1-де цитоколиннің болуы көздің дегенеративтіпатологиясы (мысалы, глаукома) салдарынан зақымданған жасушалық жарғақшаларының бүтіндігін қалпына келтіруде жағымды құрылымдық демеу көрсетеді.

Қолданылу саласы

Офтальмология.

Тағайындалуы: препараттың ылғалдандырғыш және қорғағыш қасиеттері жел, күн, құрғақ ауа, тұзды су, түтін, қанық жарық сияқты экологиялық факторлардан, кондиционерден, жылытқыштан, маниторды ұзақ уақыт пайдаланудан, көз хирургиясынан, конъюнктивит немесе жанаспалы линзаларды пайдаланудан туындаған тітіркену, ашыту және бөгде денені сезіну жағдайында жеңіл өтуін қамтамасыз етеді.

Омк 1, құрамында цитиколин болуының, және оның торқабықтың ганглиозды жасушаларына құрылымдық әсерінің арқасында, глаукомасы бар науқастарда гипертензияға қарсы ем кезінде қосымша дәрі ретінде тағайындалады.

Сақтық шаралары

Қаптамасы бүлінген жағдайда пайдалануға болмайды.

Препараттың кез келген компонентін көтере алмаушылық жағдайында пайдалануға болмайды.

Қаптамасында көрсетілген жарамдылық мерзімі өткеннен кейін пайдалануға болмайды.

Тамшылатқышты көз беткейіне тиюін болдырмаңыз.

Көзге тамызатын дәріні тамызғаннан кейін жергілікті қолдануға арналған

басқа офтальмологиялық дәрілерді қолданар алдында 10-15 минут күте тұру қажет.

Қаптамасын ашқаннан кейін 30 күннен асырмай сақтау керек.

Балалардың қолы жетпейтін жерде сақтау керек.

Офтальмологияда тек сыртқа қолдануға арналған.

Қолдануға болмайтын жағдайлар

Компоненттерін жекелей көтере алмаушылық

Жағымсыз әсерлері

Тамызғаннан кейін уақытша анық көрмеу байқалуы мүмкін.

Анық көруді қажет ететін кез келген қызметті бастамас бұрын бірнеше секунд күте тұру ұсынылады.

Қолдану тәсілі

Қажетіне қарай күніне 2-3 рет 1 тамшыдан.

Жарамдылық мерзімі

3 жыл.

Қаптамасын ашқаннан кейін 30 күннен асырмайды.

Жарамдылық мерзімі өткеннен кейін қолдануға болмайды.

Сақтау шарттары

25 °С-ден аспайтын температурада сақтау керек.

Шығарылу түрі және қаптамасы

1 стерильді көз тамшылары, 10 мл, полипропиленнен жасалған құты- тамшылатқышта.

Өндіруші ұйым:

Omikron Italia S.r.l., Италия

Заңды мекен жайы: Viale Bruno Buozzi, 5, 00197, Roma (Рим).

Қазақстан Республикасы аумағында тұтынушылардан медициналық мақсаттағы бұйымдардың сапасы жөніндегі шағымдарды (ұсыныстарды) қабылдайтын ұйымның уәкілетті өкілі, Қазақстан Республикасы аумағында қайта тіркеуден кейінгі қауіпсіздігін қадағалауға жауапты ұйымның атауы, заңды (нақты) мекенжайы және байланыс деректері (телефон, факс, электронды пошта)

«Биофармед» ЖШС

Қазақстан Республикасы, 050008, Алматы қ., Мұқанов к-сі, 241 үй, 42 пәтер.

Телефон /факс: +7 (727) 313 74 96.

Электронды поштасы: too.biofarmed@mail.ru

Медициналық қолдану жөніндегі нұсқаулықты соңғы қайта қарау күні

Қараша 2015 жыл

Қаптамасында пайдаланылған символдардың түсіндірілімі:

Дәріханалар