Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Нью Не-бол 400 мг № 10 табл

452
Қолжетімділігі
Сатылымда бар
Үлгі
8904036001593
Елі
Индия
Өндіруші
Интерфарма
0-0-4 бөліп төлеу
113 x 4 ай
  • Сипаттама
  • Дәріханалар

Сипаттама

Саудалық атауы

Нью Не-Бол

Халықаралық патенттелмеген атауы

Ибупрофен

Дәрілік түрі, дозасы

Үлбірлі қабықпен қапталған таблеткалар, 400 мг

Фармакотерапиялық тобы

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Пропион қышқылының туындылары. Ибупрофен

АТХ коды М01АЕ01

Қолданылуы

ДП ересектерде, балаларда, 12 жастан асқан жасөспірімдерде қолданылады

  • бас ауыруы, бас сақинасы
  • миалгия, невралгия
  • люмбалгия, радикулит
  • тіс ауыруы, тіс жұлғаннан кейінгі ауырсыну
  • жарақаттан кейінгі ауырсыну, оның ішінде спорттық (созылу, соғылу, шығып кету)
  • бурсит, тендинит
  • тұмау, «суық тию» және басқа да инфекциялық-қабыну аурулары кезіндегі қызбалық синдром

-ревматоидты артрит, остеоартроз, шорбуынданатын спондилит кезіндегі буын ауруында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

-ибупрофенге немесе препарат құрамына кіретін компоненттердің кез келгеніне жоғары сезімталдық

-анамнезінде ацетилсалицил қышқылын (салицилаттарды) немесе басқа ҚҚСП қолданумен байланысты аса жоғары сезімталдық реакцияларының (бронх демікпесі, бронх түйілуі, ринит, риносинусит, мұрынның немесе мұрын маңы қойнауларының қайталанатын полипозы, Квинке ісінуі, есекжем) болуы

-айқын сусыздану (құсу, диарея немесе сұйықтықты жеткіліксіз тұтыну салдарынан)

-асқазан-ішек жолы ағзаларының эрозиялық-ойық жара аурулары (оның ішінде асқыну сатысындағы асқазан мен он екі елі ішектің ойық жара ауруы, Крон ауруы, ойық жаралы колит, пептидтік ойық жара) немесе белсенді фазада немесе анамнезінде ойық жаралы қан кету (ойық жара ауруының немесе ойық жаралы қан кетудің екі немесе одан да көп расталған көріністері)

-ҚҚСП қолданудан туындаған анамнездегі асқазан-ішек жолы ойық жарасының қан кетуі немесе тесілуі

-ішектің қабыну аурулары

-бауырдың ауыр жеткіліксіздігі немесе белсенді фазадағы бауыр ауруы

-ауыр бүйрек жеткіліксіздігі (креатинин клиренсі < 30 мл/мин), расталған гиперкалиемия

-үдемелі бүйрек аурулары

-артериялық гипертензияның ауыр ағымы

- ауыр жүрек жеткіліксіздігі (NYHA IV), аортокоронарлық шунттауды

жүргізуден кейінгі кезең

-гемофилия және қан ұюының басқа да бұзылулары (оның ішінде гипокоагуляция), геморрагиялық диатездер

-көру жүйкесінің аурулары, түсті көрудің бұзылуы, амблиопия, скотома

-есту қабілетінің төмендеуі, вестибулярлық аппараттың патологиясы

-фруктоза жақпаушылығы (глюкоза-6-фосфат дегидрогеназа тапшылығы)

-бассүйекішілік қан кетулер

-жүктілік және лактация кезеңі

-12 жасқа дейінгі балалар

Салыстырмалы қарсы көрсетілімдер:

  • егде жас
  • асқазан мен он екі елі ішектің ойық жарасы (анамнезінде), гастрит, энтерит, колит
  • шығу тегі белгісіз қан ауруы (лейкопения және анемия)

Қолдану кезінде қажетті сақтық шаралары

Клиникалық сынақтардың нәтижелері ибупрофенді қабылдау арасында, әсіресе жоғары дозаларда (тәулігіне ≥ 2400 мг), артериялық тромбоздық құбылыстардың (мысалы, миокард инфарктісі және инсульт) даму қаупі шамалы жоғары өзара байланыстың болуын болжайды. Эпидемиологиялық зерттеулер ибупрофеннің төмен дозаларын (тәулігіне ≤1200 мг) қабылдау мен артериялық тромбоздық құбылыстардың даму қаупінің артуы арасындағы өзара байланысты болжамайды.

Бақыланбайтын артериялық гипертензиясы, NYHA II-III класс жіктемесі бойынша іркілісті жүрек жеткіліксіздігі, анықталған жүректің ишемиялық ауруы, шеткері артерия аурулары және/немесе цереброваскулярлық аурулары бар пациенттерге ибупрофенді пайда-қауіп арақатынасын мұқият бағалағаннан кейін ғана тағайындау керек, бұл ретте ибупрофеннің жоғары дозаларын (тәулігіне 2400 мг) қолданудан аулақ болу керек.

Ибупрофенмен, әсіресе жоғары дозалармен (тәулігіне ≥ 2400 мг) ұзақ емдеу басталғанға дейін жүрек-қантамыр асқынуларының (мысалы, гипертония, гиперлипидемия, қант диабеті, темекі шегу) даму қаупі факторлары бар пациенттерде пайда-қауіп арақатынасына мұқият бағалау жүргізу қажет.

Асқазан-ішек жолдарының эрозиялық-ойық жаралы зақымдануларының дамуын болдырмау үшін препаратты тамақтану кезінде қабылдау керек.Қабылдаулар арасындағы аралық кем дегенде 4 сағатты құрауы тиіс.

Гастропатия симптомдары пайда болған кезде мұқият бақылау, оның ішінде эзофагастродуоденоскопия, гемоглобинді, гематокритті анықтай отырып, қан талдауын, жасырын қанға нәжіс талдауын жүргізу тағайындалған.

ҚҚСП-гастропатияның дамуын болдырмау үшін простагландин Е (мизопростол) препараттарымен біріктіру ұсынылады.

17-кетостероидтарды анықтау қажет болғанда препаратты зерттеуге дейін 48 сағат бұрын тоқтату керек.

Емдеу кезеңінде этанолды қабылдау ұсынылмайды. АІЖ тарапынан жағымсыз құбылыстардың даму қаупін төмендету үшін ең аз ықтимал қысқа курспен ең аз тиімді дозаны пайдалану керек.

Сақтықпен

Порталдық гипертензиясы бар бауыр циррозы, гипербилирубинемия, асқазанның және 12-елі ішектің ойық жарасы (анамнезінде), гастрит, энтерит, колит; бауыр және/немесе бүйрек жеткіліксіздігі (креатинин клиренсі
30-60 мл/мин), нефроздық синдром; созылмалы жүрек жеткіліксіздігі, артериялық гипертензия; жүректің ишемиялық ауруы, цереброваскулярлық аурулар, дислипидемия/гиперлипидемия, қант диабеті, шеткері артерия аурулары, темекі шегу, Helicobacter pylori инфекциясының болуы, ҚҚСП ұзақ уақыт пайдалану, алкоголизм, ауыр соматикалық аурулар, бір мезгілде пероральді глюкокортикостероидтарды қабылдау (с.і. преднизолон),антикоагулянттар (с.і. варфарин), антиагреганттар (с.і. клопидогрел), серотонинді қайта қармаудың селективті тежегіштері (с. і. циталопрам, флуоксетин, пароксетин, сертралин), этиологиясы белгісіз қан аурулары (лейкопения және анемия)

Ибупрофенді жағымсыз әсерлердің туындау мүмкіндігіне байланысты циклооксигеназа-2 селективті тежегіштерін қоса, ҚҚСД-мен бір мезгілде қолданудан аулақ болу керек. Ибупрофен тромбоциттер функциясын уақытша бәсеңдетуі мүмкін (тромбоциттер агрегациясы). Кез-келген ауырсынуды ұзақ уақыт қолданғанда, бас ауруы туындауы мүмкін, оны осы дәрінің дозасын жоғарылату арқылы емдеуге болмайды.

Егде жастағы пациенттер

Егде жастағы пациенттерде ҚҚСД-ға жағымсыз реакциялардың туындау жиілігінің жоғарылауы, әсіресе асқазан-ішектен қан кету және перфорация байқалады, олар өлімге әкелуі мүмкін.

Асқазан-ішек жолының уытты зақымдану анамнезі бар пациенттерге, әсіресе егде жастағы адамдарға іш аймағындағы кез келген ерекше симптомдар (әсіресе асқазан-ішектен қан кету) туралы хабарлау қажеттігі туралы нұсқау берілуі тиіс, өте маңызды – емнің бастапқы кезеңінде.

Асқазан-ішектен қан кету немесе ойық жара пайда болған кезде ибупрофенмен емдеуді тоқтату керек.

Терінің ауыр реакциялары

Эксфолиативтік дерматитті, Стивенс-Джонсон синдромын және уытты эпидермалдық некролизді қоса, кейбіреуі өліммен аяқталатын елеулі тері реакциялары туралы ҚҚСП қолдануға байланысты өте сирек хабарланған. Пациенттер емдеу курсының басында осы реакциялардың ең жоғары қаупіне ұшырайды, көп жағдайда реакцияның басталуы емдеудің бірінші айында болады. Құрамында ибупрофен бар өнімдерге қатысты жедел жайылған экзантематозды пустулез (AGEP) туралы хабарланды. Ибупрофенмен емдеуді тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері алғаш пайда болған кезде тоқтату керек.

Ерекше жағдайларда терінің және жұмсақ тіндер тарапынан асқынулары желшешектен туындауы мүмкін. Қазіргі уақытта ҚҚСД мұндай инфекциялар көріністерінің нашарлауына әсері жоққа шығарылмайды. Сондықтан желшешек жағдайында ибупрофенді қабылдаудан аулақ болу ұсынылады.

ЖҚЖ және дәнекер тінінің аралас ауруы (Шарп синдромы)

Ибупрофенді жүйелі қызыл жегі (ЖҚЖ) және дәнекер тінінің аралас ауруы бар пациенттерге сақтықпен қабылдау керек. Бұл ретте асептикалық менингит қаупі жоғарылауы мүмкін.

Бүйрекке әсері

Бүйрек жеткіліксіздігінің туындау қаупіне байланысты ибупрофенді сусызданған жағдайдағы пациенттерге, әсіресе балаларға, жасөспірімдерге және егде жастағы пациенттерге сақтықпен қабылдау керек. Ауырсынуды басатын дәрілерді тұрақты қабылдау, әсіресе ауырсынуды басатын бірнеше белсенді затты біріктіргенде, бүйрек жеткіліксіздігінің даму қаупі бар бүйректің қайтымсыз зақымдалуына (анальгетикалық нефропатия) әкелуі мүмкін. Дене жүктемесі кезінде тұздардың жойылуы мен сусыздануға байланысты қауіп жоғарылауы мүмкін. Сондықтан физикалық жүктемеден аулақ болу керек. Ибупрофенді гипертензиясы және / немесе жүрек жеткіліксіздігі бар пациенттерге сақтықпен қабылдау керек, себебі бүйрек функциясы нашарлауы мүмкін.

Ибупрофен поллинозбен, мұрын полиптері немесе созылмалы обструктивті тыныс алу бұзылыстарымен ауыратын адамдарға сақтықпен тағайындалады, өйткені олар аллергиялық реакциялар қаупі жоғары. Олар демікпе ұстамалары (анальгетикалық демікпе деп аталатын), Квинке ісінуі немесе есекжем түрінде көрінуі мүмкін.

Инфекция

Нью Не-Бол қызу және ауырсыну сияқты инфекция белгілерін жасыруы мүмкін. Сондықтан асқыну қаупінің жоғарылауына әкелуі мүмкін. Бұл бактериялардан туындаған пневмонияда және желшешекпен байланысты бактериялық тері инфекцияларында байқалды. Егер сіз бұл дәріні инфекция кезінде қабылдасаңыз және инфекция симптомдары сақталса немесе нашарласа, дереу дәрігерге қаралыңыз.

Басқа дәрілік препараттармен өзара әрекеттесуі

Микросомальді тотығу индукторлары (фенитоин, этанол, барбитураттар, рифампицин, фенилбутазон, трициклді антидепрессанттар) ауыр гепатоуытты реакциялардың даму қаупін арттыра отырып, гидроксилденген белсенді метаболиттердің өндірісін ұлғайтады.

Микросомальді тотығу тежегіштері гепатоуытты әсер ету қаупін төмендетеді.

Нью Не-Бол гипотензивті дәрілік заттардың әсерін (оның ішінде баяу кальций өзекшелерінің блокаторлары мен ангиотензин-өзгертуші фермент тежегіштері), фуросемид пен гидрохлоротиазидтің натрийуретикалық және диурездік белсенділігін төмендетеді.

Нью Не-Бол урикозуриялық дәрілік заттардың тиімділігін төмендетеді, тікелей емес антикоагулянттардың, антиагреганттардың, фибринолитиктердің әсерін күшейтеді (геморрагиялық асқынулардың пайда болу қаупін арттыру)

Нью Не-Бол глюкокортикостероидтармен, колхицинмен, эстрогенмен, этанолмен бір мезгілде қолданғанда қан кетумен жүретін ульцерогенді әсер етеді.

Нью Не-Бол пероральді гипогликемиялық дәрілік заттар мен инсулиннің әсерін күшейтеді.

Антацидтер мен колестирамин ибупрофен абсорбциясын төмендетеді.

Нью Не-Бол қандағы дигоксин, литий және метотрексат препараттарының концентрациясын арттырады.

Кофеин Нью Не-Бол препаратының анальгезиялық әсерін күшейтеді.

Бір мезгілде Нью Не-Бол қолданған кезде ацетилсалицил қышқылының қабынуға қарсы және антиагрегантты әсерін төмендетеді (ибупрофен қабылдауды бастағаннан кейін ацетилсалицил қышқылының аз дозаларын алатын антиагрегантты дәрі ретінде науқастарда жедел коронарлық жеткіліксіздіктің даму жиілігінің жоғарылауы мүмкін).

Антикоагулянтты және тромболитикалық дәрілік заттармен (алтеплаза, стрептокиназа, урокиназа) Нью Не-Бол препаратын бір мезгілде қолданғанда қан кетудің даму қаупі артады.

Цефамандол, цефоперазон, цефотетан, вальпрой қышқылы, пликамицин гипопротромбинемияның даму жиілігін ұлғайтады.

Миелоуытты дәрілік заттар препараттың гематоуыттылық көріністерін күшейтеді.

Циклоспорин және алтын препараттары ибупрофеннің бүйректегі простагландин синтезіне әсерін күшейтеді, бұл нефроуыттылықтың жоғарылауымен көрініс табады.

Нью Не-Бол циклоспориннің плазмалық концентрациясын және оның гепатоуытты әсерінің даму ықтималдығын арттырады.

Өзекшелік секрецияны бәсеңдететін дәрілік заттар ибупрофеннің шығарылуын азайтады және плазмалық концентрациясын ұлғайтады.

Арнайы ескертулер

Педиатрияда қолдану

12 жасқа дейінгі балаларға қолдануға болмайды

Жүктілік немесе лактация кезінде

Жүктіліктің соңында, басқа ҚҚСП сияқты, ибупрофенді қабылдауға болмайды, өйткені ол артериялық түтіктің мерзімінен бұрын жабылуына әкелуі мүмкін.

Лактация кезеңінде пайдалану: емшек сүтінде ҚҚСП концентрациясының өте төмен деңгейіне әкелуі мүмкін. Ибупрофенді емізетін әйелдерге тағайындау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданған кезде орталық жүйке жүйесі тарапынан шаршау немесе бас айналуы сияқты жағымсыз құбылыстар пайда болуы мүмкін, бұл автомобильді жүргізу және қозғалатын механизмдерді басқару қабілетіне әсер етуі мүмкін. Аса назар аударуды, жылдам психикалық және қимыл реакциясын талап ететін барлық қызмет түрлерінен аулақ болу керек.

Қолдану жөніндегі нұсқаулар

Дозалау режимі

Жағымсыз реакциялардың даму қауіптерін барынша азайту мақсатында ибупрофенді ең аз тиімді дозада және клиникалық әсерге қол жеткізу үшін қажетті ең аз қысқа кезең бойы қабылдаған жөн.

Ересектер мен 12 жастан асқан балаларға: 1 таблеткадан (400 мг) тәулігіне 2-3 рет.

Ең жоғары тәуліктік доза - 3 таблетка (1200 мг).

Бүйрек, бауыр немесе жүрек функциясы бұзылған пациенттерде препараттың дозасын азайту қажет.

Енгізу жолы және тәсілі

Препарат тамақ ішу кезінде бір стақан сумен (200 мл) іше отырып, диспепсиялық әсерлердің даму қаупін азайту үшін ішке қабылданады.

Емдеу ұзақтығы

Емдеу ұзақтығы - 7 күннен аспайды. Ұзақ емдеу кезінде дәрігердің кеңесі қажет.

Ең төмен тиімді доза симптомдарды жеңілдету үшін қажетті ең қысқа уақыт кезеңі ішінде пайдаланылуы тиіс. Егер сізде инфекция болса, симптомдар (мысалы, безгегі және ауырсыну) сақталса немесе нашарласа, дереу дәрігерге қаралыңыз («Қолдану кезіндегі қажетті сақтандыру шаралары» бөлімін қараңыз).

Артық дозалану жағдайында қабылдануы қажет шаралар

Симптомдары: жүрек айнуы, құсу, эпигастрий аймағындағы ауырсыну, бас ауыруы. Кейде ұйқышылдық пен атаксия пайда болады. Артериялық гипотония, ацидоз, бүйрек немесе бауыр функциясының бұзылуы және асқазан-ішектен қан кету, брадикардия, тахикардия, жүрекшелер фибрилляциясы, тыныс алудың тоқтауы сирек байқалады.

Емі: артық дозаланудың ерте сатысында асқазанды шаю, белсендірілген көмір қабылдау тағайындалады. Қажет болса, демеу шаралары мен симптоматикалық емдеу жүргізіледі.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі

  • бас ауыруы, бас айналу, ұйқысыздық, мазасыздық, күйгелектік және ашушаңдық, психомоторлық қозу, ұйқышылдық немесе шаршау
  • гастропатия (жүрек айнуы, құсу, іш ауыруы, қыжыл, тәбеттің төмендеуі, диарея, іш қату, метеоризм, эпигастрий аймағындағы ауырсыну және жайсыздық), асқазан-ішек жолдарының шырышты қабығының эрозиялық-ойық жаралы зақымдануы (кейбір жағдайларда тесілумен және қан кетумен қиындайды); ауыз қуысының шырышты қабығының тітіркенуі, құрғауы немесе ауыздың ауыруы, қызыл иек шырышты қабығының ойық жарасы, афтозды стоматит, панкреатит, гепатит, бауыр трансаминазалары белсенділігінің жоғарылауы

Кейде

  • қан кету (асқазан-ішек, қызыл иек, жатыр, геморроидальді)
  • тері бөртпесі (әдетте эритематоздық, есекжем), терінің қышуы, сондай-ақ демікпе ұстамалары (кейде артериялық қысымның түсуімен)
  • ісіну, әсіресе артериялық гипертония немесе бүйрек жеткіліксіздігі бар пациенттерде

Өте сирек

  • есту қабілетінің төмендеуі, құлақтың шыңылдауы немесе шуылы, көру жүйкесінің қайтымды уытты невриті, көру қабілетінің анық еместігі немесе диплопия, көздің құрғауы және тітіркенуі, конъюнктиваның және қабақтың ісінуі (аллергиялық генез), скотома, көрудің бұзылуы (түсті көрудің бұзылуы, скотома, амблиопия)
  • асептикалық менингит (аутоиммунды аурулары бар пациенттерде жиі кездеседі)
  • желке бұлшықетінің сіресуі, сананың төмендеуі, депрессия
  • жүрек жеткіліксіздігінің дамуы немесе күшеюі, тахикардия, артериялық қысымның жоғарылауы
  • анемия (оның ішінде гемолитикалық, апластикалық), тромбоцитопения және тромбоцитопениялық пурпура, агранулоцитоз, лейкопения, қан кету уақытының ұлғаюы
  • эзофагит, панкреатит
  • бауыр функциясының бұзылуы
  • жедел бүйрек жеткіліксіздігі, аллергиялық нефрит, нефроздық синдром (ісінулер), полиурия, цистит, несеп қышқылы концентрациясының жоғарылауы
  • ангионевроздық ісіну, анафилактоидтық реакциялар, анафилаксиялық шок, бронх түйілуі, қызба, мультиформалы экссудативті эритема (оның ішінде Стивенс-Джонсон синдромы), уытты эпидермальді некролиз (Лайелл синдромы), эозинофилия, аллергиялық ринит
  • тері инфекциясы (некроздайтын фасцит), тері және тері асты шелі аурулары
  • жедел жайылған экзантематозды пустулез

Белгісіз

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 400 мг ибупрофен,

қосымша заттар: сусыз коллоидты кремний (аэросил), жүгері крахмалы, натрий лаурилсульфаты, натрий крахмалы гликоляты, тазартылған тальк, магний стеараты, повидон К 30,

қабықтың құрамы: бояғыш White SC-SP 3180 (Spraycel).

Сыртқы түрінің, иісінің, дәмінің сипаттамасы

Ақ түсті, капсула тәрізді, екі беті дөңес, бір жағында сызығы бар, үлбірлі қабықпен қапталған таблеткалар.

Шығарылу түрі және қаптамасы

10 таблеткадан поливинилхлоридті үлбірден және лакталған басылған алюминий фольгадан жасалған пішінді ұяшықты қаптамаға салады.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 30 оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

«Lincoln Pharmaceuticals Ltd», Үндістан

Trimul Estate, Khatraj, Tal-Kalol,

City: Khatraj Dist. Gandhinagar

Phone: +91-02764-665000

Telefax: +91-02764-281809

E-mail: info@lincolnpharma.com

Тіркеу куәлігінің ұстаушысы

«КазЕвроФарм» ЖШС

050000, Қазақстан Республикасы, Алматы қ., Құрманғазы к-сі, 48а, 9 кеңсе

тел./факс: +7 (727) 2615141, 2614466

электронды пошта: registration1@kazeuropharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КазЕвроФарм» ЖШС

050000, Қазақстан Республикасы, Алматы қ., Құрманғазы к-сі, 48а, 9 кеңсе

тел./факс: +7 (727) 2615141, 2614466

электронды пошта: registration1@kazeuropharm.com

Дәріханалар

Тауар артығымен бар
Тауар аз қалды
Аптека №276
Рыскулбекова д.16/3
Круглосуточно
Аптека №47 ПТ Астана (БЦ Кайнар)
г.Астана, ул. Иманова 50 (БЦ Кайнар)
Круглосуточно
Аптека № 90, Нур-Султан, (13 магистраль)
г.Нур-Султан, ул. Бауыржан Момышулы, 16 Ж/К "Восток"
Круглосуточно
Аптека № 55, Нур-Султан, (Нурсая)
г.Нур-Султан, ул.Конаева, 14/2 Ж/К "Нурсая"
Круглосуточно
Аптека №277, Нур-Султан (Империал)
г. Нур-Султан, ул.Кенесары, д.47, ВП-3
09:00-00:00