Біздің компаниямыз жайлы жалпы ақпарат.
Дәрілік затты медициналық қолдану
жөніндегі нұсқаулық
ЛИЗАК®
Саудалық атауы
Лизак®
Халықаралық патенттелмеген атауы
Жоқ
Дәрілік түрі
Анис және жалбыз дәмімен соруға арналған таблеткалар
Құрамы
Бір таблетканың құрамында құрғақ затына шаққанда 10 мг лизоцим гидрохлориді, 100 % құрғақ затына шаққанда 0,25 мг деквалиний хлориді бар;
қосымша заттар: лактоза моногидраты (200); маннит (Е 421), повидон; магний стеараты; анис және жалбыз.
Сипаттамасы
Сызығы мен ойығы бар, жалпақ беткейлі, анис және жалбыз дәмімен түсі ақ немесе ақ дерлік таблеткалар.
Фармакотерапиялық тобы
Тамақ ауруларын емдеуге арналған препараттар. Антисептиктер. Басқа да препараттар
АТХ коды R02АА20
Фармакологиялыққасиеттері
Фармакокинетикасы
Деквалиний хлориді елеусіз мөлшерде сіңіріледі. Лизоцим асқазан-ішек жолынан жақсы сіңеді. Қандағы концентрация шыңына 1-1,5 сағаттан соң жетеді. Лизоцим организм тіндеріне кең таралады, әсіресе шырышты қабықта жиналады. Ішек ферменттерімен гидролизденеді, метаболиттер түрінде несеппен шығарылады.
Фармакодинамикасы
Лизак® – жергілікті антисептикалық, бактерияға қарсы және зеңге қарсы әсері жақсы көрінетін біріктірілген препарат. Препараттың емдік әсері оның құрамына кіретін компоненттерге байланысты.
Деквалиний хлориді – квинолиндер тобының жергілікті антисептигі, антисептикалық әсерге иеленген - көбіне жергілікті; бактерияға қарсы әсері – негізінен грамоң және грамтеріс микроорганизмдерге қатысты; зеңге қарсы әсері - негізінен Candida albicans, Trychophyton кейбір түрлеріне және эпидермофиттерге қарсы білінеді.
Бактерицидтік әсері еріту және деполимеризациялау жолымен қоздырғыштың ақуыздары менферменттерін денатурациялауға, сондай-ақ гликолизбен және дегидрогеназдар белсенділігін жоюға; рибосомалар деңгейінде ақуыздар синтезін бұзуға; жасушалық жарғақшаның цитолизіне негізделген. Бактериостатикалық әсерінің негізінде беткейлік белсенді катионды әсері жатыр, ол грамтеріс микроорганизмдерге қарағанда грамоңдарға қатысты күштірек білінеді.
Лизоцим – бұл жасушалық қабырғалардың ерімейтін полисахаридтерінің еритін мукопептидтерге айналуы салдарларынан грамоң бактерияларға қатысты тиімді мукополисахарид. Ол сондай-ақ грамтеріс бактерияларға, вирустарға және зеңдерге қатысты тиімді.
Лизоцим жергілікті қабынуға қарсы әсер етеді және организмнің арнайы емес қорғанысын арттырады.
Қолданылуы
- препаратқа сезімтал қоздырғыштар туындатқан ауыз қуысы мен тамақтың қабыну үдерістерін жергіліктіантисептикалық емдеуде (катаральді, ойық жаралы, фиброзды гингивиттер; афтозды стоматиттер; ауыз қуысы мен жұтқыншақ кандидозы; фарингиттер; тонзиллиттер; ларингиттер және глосситтер)
- ауыз қуысы мен тамаққа операциялық араласуға дейінгі және кейінгі инфекциялардың профилактикасында
Қолдану тәсілі және дозалары
Ересектер мен 12 жастан асқан балаларға ұсынылатын доза.
Соруға арналған 1 таблеткадан әр 2-3 сағат сайын (тәулігіне 10 таблеткадан көп емес) қолданылады. Қабыну симптомдары азайған соң – 1 таблеткадан әр4 сағат сайын.
4-тен 12 жасқа дейінгі балаларға ұсынылатын доза.
Соруға арналған 1 таблеткадан әр 3 сағат сайын (тәулігіне 5 таблеткадан көп емес) қолданылады. Қабыну симптомдары азайған соң – 1 таблеткадан әр 4 сағат сайын.
Белсенді компоненттерінің біртіндеп босатылуы және ауыз қуысы мен жұтқыншақ шырышты қабығымен жанасуын ұзарту үшін таблетканы шайнамай, баяу сору керек, осының нәтижесінде әсер етуші заттар патологиялық ошаққа тиімді жеткізіледі. Препаратты қабылдағаннан кейінгі 30 минут ішінде пациенттің тамақтанудан және ішуден бас тарта тұрғаны жөн.
Емдеуді ауру симптомдары жойылғаннан кейін тағы да 1-2 тәулік бойы жалғастыру ұсынылады.
Лизакты® ауру симптомдары жойылғанша қолдану керек. Егер симптомдар 5-7 тәулік емдеуден кейін жойылмаса, емдеудің мұнан арғы тактикасын белгілеу үшін дәрігерге жүгіну қажет.
Жағымсыз әсерлері
Мынадай жағымсыз реакциялар болуы мүмкін:
асқазан-ішек жолының тарапынан
Сирек: жүрек айнуы, ауыздың құрғауы, ауыз қуысы дисбактериозы (үлкен дозада ұзақ қолданғанда);
тері және тері асты өзегі тарапынан
Өте сирек: аллергиялық реакциялар болуы мүмкін, есекжем, бөртпе, қышынуды қоса;
жергілікті реакциялар
Сирек: тамақта және ауыз қуысының шырышты қабығында күйдіруді және тітіркенуді сезіну.
Сирек жағдайларда, атап айтқанда мөлшерден тыс қолданғанда, ойық жараның және некроздың пайда болуы мүмкін.
Қандай да бір жағымсыз реакциялар пайда болған жағдайда препаратты қолдануды тоқтатып және міндетті түрде әрі қарайғы емге қатысты дәрігерден кеңес алған жөн.
Қолдануға болмайтын жағдайлар
- препараттың әсер ететін затына немесе қосымша заттардың қандай да біріне аса жоғары сезімталдық
- төрттік аммоний байланысына аллергия (мысалы, бензалконий хлориді)
Дәрілермен өзара әрекеттесуі
Кайексалатпен (гиперкалиемияны емдеуге арналған дәрі) бір мезгілде қолданғанда тері мен шырышты қабықтың, әсіресеасқазан-ішек жолы шырышты қабығында некротикалық ауыр зақымданулардың даму ықтималдығы бар.
Деквалиний хлоридінің бактерияға қарсы белсенділігі анионды детергенттерді, мысалы, тіс пастасын бір мезгілде қолданған кезде төмендейді.
Препаратты холинэстераза тежегіштерімен бірге қолданбаған жөн.
Лизоцим пенициллин, хлорамфеникол сияқты бактерияға қарсы препараттардың тиімділігін күшейтеді.
Айрықша нұсқаулар
Препарат құрамында қант жоқ, сондықтан оны қант диабетімен науқастарды емдеу үшін қолдануға болады.
Инфекцияның жайылуының негізгі клиникалық симптомдары болғандажүйелі бактерияға қарсы емдеу тағайындау қажет. Қандай да бір жағымсыз әсерлері пайда болған кезде Лизак® таблеткаларын қабылдауды дереу тоқтатып, басқа дәрілік зат тағайындау қажет.
Жергілікті емдеу үшін басқа препараттармен бір мезгілде қолданғанда сақ болу керек.
Педиатрияда қолданылуы
Препарат осы дәрілік түрінде аспирацияның даму қауіптілігіне байланысты болғандықтан 4 жасқа дейінгі балаларға қолданылмайды.
Жүктілік және лактация кезеңінде қолданылуы
Бақылау зерттеулері жүргізілген жоқ. Осыған байланысты, егер балаға әсерінің ықтимал қатерінен емдік әсері артып түскен жағдайда,препаратты жүктілік немесе емшек емізу кезеңінде дәрігермен кеңескеннен кейін қолдануға болады.
Препараттың көлікті және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Артық дозалануы туралы деректер жоқ.
Препарат аз мөлшерде сіңіріледі, сондықтан артық дозалану ықтималдығы төмен.
Шығарылу түрі және қаптамасы
10 таблеткадан мөлдір емес поливинилхлоридті (пигменттелген ақ) және тесілген немесе тесілмеген баспалы лакталған алюминий фольгадан жасалған пішінді ұяшықты қаптамаға салынған.
1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші
«Фармак» ЖАҚ, Украина, 04080, Киев қ., Фрунзе к-сі, 74.
Тіркеу куәлігінің ұстаушысы
«Фармак» ЖАҚ, Украина
Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
Қазақстан Республикасындағы «Фармак» ЖАҚ өкілдігі
Қазақстан Республикасы, Алматы қ., индексі 050012, Амангелді к-сі 59 «А» «Шартас» бизнес орталығы, 9-қабат.
Тел +7 (727) 267 64 63, факс +7 (727) 267 63 73, электрондық пошта: a.liadobruk@gmail.com
