Сипаттама
Дәрілік затты медициналық қолдану
жөніндегі нұсқаулық
ЛАКСИГАЛ
Препараттың саудалықатауы
Лаксигал
Халықаралық патенттелмеген атауы
Натрий пикосульфаты
Дәрілік түрі
Ішуге арналған тамшылар
Құрамы
1 мл ерітіндінің құрамында
белсенді зат - 7,5 г натрий пикосульфаты,
қосымша заттар: сорбитол ерітіндісі 70%, натрий этилпарагидроксибензоаты, 35 % хлорсутек қышқылы, тазартылған су.
Сипаттамасы
Мөлдір,түссіз немесе сәл сарғыштау түсті сұйықтық.
Фармакотерапиялық тобы
Іш жүргізетіндер. Жанаспалы іш жүргізетіндер. Натрий пикосульфаты.
АТХ коды А06АВ08
Фармакологиялық қасиеттері
Фармакокинетикасы
Әсер етуші заты – натрий пикосульфаты, гидрофильді зат ретінде ішектің липофильді жарғақшаларымен әлсіз сіңіріледі. Ішу арқылы қабылдағаннан кейін өзгермеген күйінде асқазан мен жіңішке ішек арқылы өтеді. 3 сағаттан кейін препараттың қабылданған мөлшерінің шамамен 70%-ы жуан ішекке түседі. Мұнда натрий пикосульфатының бактериялық микрофлорамен гидролизі жүреді. Липофилин метаболиті биологиялық жарғақшалар арқылы өтеді. Жуан ішекте 12 сағаттан кейін алынған дозаның тек 8%-ы ғана болады. 72 сағат өткеннен кейін заттың 21%-ы несеппен және 72%-ы нәжіспен натрий пикосульфаты метаболиті түрінде шығарылады.
Фармакодинамикасы
Іш жүргізетін препарат. Жуан ішек деңгейінде әсер етеді: натрий пикосульфаты ішек микрофлорасының әсерімен белсенді түрі – бос дифенолды түзе отырып, гидролизденеді. Дифенол жуан ішек шырышты қабығының рецепторларын көтермелейді және оның жиырылуын күшейтеді.
Қолданылуы
«Лаксигал»жедел функционалдық іш қатулар кезінде қолданылады; сондай-ақ препарат созылмалы іш қату кезінде дефекацияны жеңілдету үшін мезгіл-мезгіл қабылдауға арналған.
Қолдану тәсілі және дозалары
4-10 жастағы балалар 6-12 тамшы ұйықтар алдында
Ересектер мен 10 жастан асқан балалар 12-24 тамшы ұйықтар алдында
Лаксигалдың әсері 6-12 сағаттан соң басталады.
Лаксигалды сұйықтықпен немесе онсыз қабылдауға болады. Қажет етілетін үлкен дәрет консистенциясына қол жеткізу үшін ұсынылатын дозаны арттыру немесе төмендету арқылы ұтымды дозасын таңдап алуға болады.
Төмен дозадан бастау ұсынылады. Дозаны ішектің ұдайы қозғалыстары индукциясы үшін ұсынылған ең жоғары дозаға дейін реттеуге болады. Ұсынылатын ең жоғары тәуліктік доза көрсетілген дозадан аспауы тиіс. Дәрігердің бақылауынсыз 10 күннен артық пайдалануға болмайды.
Препаратты ұзақ қабылдау қажет болған жағдайда дәрігермен кеңесу қажет.
Жағымсыз әсерлері
- жүрек айну, құсу, шаншу, диарея және іштің ауыруы
- дегидратация және электролитті теңгерімнің бұзылуы: едәуір жоғары дозада ұзақ қабылдаған кезде калий мен басқаэлектролиттердің азаюы мүмкін.
- препаратты ұзақ пайдаланған кезде салмақ жоғалту
- етеккір оралымның бұзылуы
- тәбеттің болмауы
- депрессия
- ішектің бұлшықет қабырғалары тонусының өзгеруі
- бас айналу, естен тану
- аса жоғары сезімталдық реакциялары (тері реакциялары, ангионевроздық ісіну)
Ұзақ қолданғанда лаксативті синдром (іш жүргізетін дәрілерді асыра қолдану) дамуы мүмкін: диарея, іштің ауыруы, жүрек айну, құсу, салмақ жоғалту, астения, етеккір бұзылыстары, анорексия, депрессия; ішек бұлшықет қабырғасындағы өзгерістер, ойық жаралы колит және мегаколонға ұқсас ішек дилатациясы.
Қолдануға болмайтын жағдайлар
- пикосульфатқа және басқа да қосымша заттарға, парабендерге жоғары сезімталдық
- ішек бітелісі
- іш қуысы мүшелерінің жедел қабыну аурулары
- асқазан-ішектен және жатырдан қан кету
- шығу тегі айқындалмаған жүрек айнуы және құсу
- қысылған жарық
- организмнің айқын сусыздануы
- іш қуысына жасалған операциядан кейінгі жағдай
- перитонит
- генезі айқын емес абдоминальді ауырулар
- цистит
- спазмдық іш қатулар
- сирек тұқым қуалайтын фруктоза жақпаушылығы
- жүктіліктің І триместрі, лактация кезеңі
- 4 жасқа дейінгі балалар
Дәрілермен өзара әрекеттесуі
Әсер ету ауқымы кең бактерияға қарсы препараттармен бір мезгілде қолданған кезде Лаксигалдың тиімділігі азаяды. Диуретиктермен және кортикостероидтармен бір мезгілде қолдану сулы-электролитті теңгерімніңбұзылуына және жүрек гликозидтеріне сезімталдықтың жоғарылауына ықпал етуі мүмкін.
Айрықша нұсқаулар
Құрсақ қуысына хирургиялық операциядан кейін «Лаксигал» пайдаланбаған жөн.
Басқа іш жүргізетін дәрілер сияқты, іш қатудың себебін анықтап алмай, Лаксигал препаратын күнделікті немесе ұзақ уақыт қабылдауға болмайды. Бұл сулы-электролитті теңгерімнің бұзылуына әкелуі, сондай-ақ гипокалиемияны туындатуы мүмкін.
Бас айналу және / немесе естен тану пикосульфат негізіндегі препараттар қабылдаған пациенттерде тіркелген. Осы жағдайлар туралы алынған деректер дефекацияда (немесе дефекация кезінде күшенгенде естен тану) естен тану, немесе натрий пикосульфатын қабылдаумен байланысты болмауы мүмкін іш қату салдарынан іштің ауыруына вазовагальді реакция ықтималдығын болжамдауға мүмкіндік береді.
Алдын ала дәрігердің кеңесінсіз балаларға қолдану ұсынылмайды. Сирек тұқым қуалайтын фруктозаны көтере алмаушылық проблемасы бар пациенттер, құрамында сорбит болғандықтан, бұл препаратты қолданбағандары жөн.
Балалар
Препарат 4 жасқа дейінгі балаларға арналмаған.
Жүктілік және лактация
Жүкті және бала емізетін әйелдерге препаратты қолдану туралы жеткілікті деректер жоқ, сондықтан оны сақтықпен және медициналық байқаумен қолданған жөн. Препаратты қолдану қажетболғанда емнің анаға ықтимал пайдасы мен нәрестеге төнетін қаупін таразылып алған дұрыс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралдарын жүргізу және механизмдерді басқару қабілетіне әсері туралы зерттеулер жүргізілмеген.
Дегенмен, пациенттерде вазовагальді жауап салдарынан (мысалы, іштегі түйілуге байланысты) бас айналу және / немесе естен тану болуы мүмкін. Егер пациенттер құрсақ қуысының түйілуін сезінетін болса, онда оларға көлік құралдарын жүргізу және механизмдерді басқару сияқты ықтималдығы зор қауіпті міндеттерден аулақ болғандары дұрыс екендігін ескерту керек.
Артық дозалануы
Симптомдары: іш маңындағы ұстама тәрізді ауыру, сұйық нәжістің жиілеуі, калий және басқа электролиттердің клиникалық мәнді деңгейде азаюы.
Емі: симптоматикалық.
Шығарылу түрі және қаптамасы
10 мл және 25 мл препараттан тамшылатқышы және алғашқы ашылуы бақыланатын қақпақпен жабдықталған қоңыр шыны құтыға құйылған.
1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.
Сақтау шарттары
Жарықтан қорғалған жерде, 10 0С-ден 25 0С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші/Қаптаушы
«Тева Чех Кәсіпорны с.р.о.», Остравска 29, 74779 Опава Комаров, Чех Республикасы.
Тіркеу куәлігінің иесі
«Тева Чех Кәсіпорны с.р.о.», Чех Республикасы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы Тау БО, 5Б, 6 қабат. Телефон: (727)3251615
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ. 17/1, Нұрлы Тау БО, 5Б, 6 қабат. Телефон: (727)3251642, ұялы телефон: +7(701)9240368, е-mail: safety.kazakhstan@tevapharm.com
