Клотрим (клотримазол) №10, вагин. табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Клотрим (клотримазол) №10, вагин. табл.

Қолжетімділігі
Тауар қолда жоқ
Үлгі
8908007157142
Елі
Индия
Өндіруші
Деново Импекс
  • Сипаттама

Сипаттама

Дәрілік затты медициналық қолдану

жөніндегі нұсқаулық

КЛОТРИМ

Саудалық атауы

Клотрим

Халықаралық патенттелмеген атауы

Клотримазол

Дәрілік түрі

Қынаптық таблеткалар

Құрамы

Бір таблетканың құрамында

белсенді зат - клотримазол 100 мг

қосымша заттар: крахмал, магний стеараты, лактоза

Сипаттамасы

Сопақша пішінді, екі жағы дөңес, ақ түсті таблеткалар.

Фармакотерапиялық тобы

Урогенитальді ағзалар ауруларын емдеуге арналған препараттар және жыныс гормондары. Антисептиктер және гинекологиялық ауруларды емдеуге арналған микробқа қарсы препараттар. Имидазол туындылары.

АТХ коды G01AF02

Фармакологиялық қасиеттері

Фармакокинетикасы

Клотримазол шырышты қабықтар арқылы нашар сіңеді және іс жүзінде жүйелік әсер етпейді.

Қынап ішіне енгізген кезде сіңірілуі енгізілген дозаның 3%-дан 10%-ға дейінді құрайды. Қынап секретінде жоғары концентрациялар және қанда төмен концентрациялар 48-72 сағат бойы сақталады. Бауырда несеппен шығарылатын белсенді емес қосылыстарға дейін жылдам метаболизденеді.

Фармакодинамикасы

Клотримазол жергілікті қолдануға арналған, әсер ету ауқымы кең, зеңге қарсы синтетикалық дәрі болып табылады. Клотримазол бөлінетін және өсетін зең жасушаларына әсер етеді. Аз концентрацияларда фунгистатикалық ал үлкен концентрацияларда фунгицидті әсер етеді, оның үстіне тек пролифирацияланатын жасушаларға ғана емес. Фунгицидті концентрацияларда митохондриальді ферменттермен және пероксидазалармен өз ара әрекеттеседі, бұның нәтижесінде сутегі асқын тотығының концентрациясы уытты деңгейге дейін ұлғаяды, бұл зең жасушаларының бұзылыстарына алып келеді. Клотримазол сондай-ақ триглицеридтердің, ДНҚ және фосфолипидтердің биосинтезін тежейді, оксидаз және пероксидаз белсенділігін төмендетеді. Жоғары концентрацияларда микробтық қабырға жасуша жарғақшаларының құрамдас бөлігі болып табылатын стеролдар синтезіне тәуелді механизмдер арқылы жасуша жарғақшаларын зақымдайды. Эргостерол синтезін тежеу ланостеролдың эргостеролға айналуын катализдейтін зеңдік цитохром Р450 және 14-α дисметилаза ферментінің қосылысының мықтылығын төмендетуге алып келеді.

Қолданылуы

- кандида тектес зең туындатқан қынаптық кандидозда

Қолдану тәсілі және дозалары

Қынаптық таблетканы кешке, ұйықтар алдында мүмкіндігінше тереңдете қынапқа енгізеді. Препаратты шалқадан жатып, аяқты сәл көтеріп енгізген дұрыс.

Клотрим қынаптық таблеткалары толық еруі үшін қынапта ылғал болуы қажет, олай болмаған жағдайда таблетканың ерімеген бөлшектері қынаптан үгітіліп түсуі мүмкін. Осыны болдырмау үшін препаратты ұйықтар алдында мүмкіндігінше терең енгізу қажет.

Емдеу 100 мг Клотриммен 6 күнге созылады:

Бір қынаптық таблеткадан күнде кешке, ұйықтар алдында 6 күн қатарынан.

Препаратты құрамында клотримазол бар сыртқы гениталийді өңдеуге арналған крем, жақпамай немесе ерітіндімен үйлестіре қолданады. Қайтадан емдеу курсы емдеуші дәрігер кеңесінен кейін ғана.

Жағымсыз әсерлері

- жергілікті реакциялар: гениталий аумағының қабыршықтануы, қышыну, бөртпе, ісіну, қызару, жайсыздық, күйдіру сезімі, тітіркену, жамбас аймағының ауыруы, жыныс жолдарынан қан аралас бөліністер;

- аллергиялық реакциялар: қысымның төмендеуі, ентігу, есекжем, естен тану;

- асқазан-ішек жолы тарапынан: өте сирек іштің ауыруы.

- бауыр ферменттері деңгейінің жоғарылауы

- дизуриялық бұзылулар (жиі несеп бөліну)

Қолдануға болмайтын жағдайлар

- клотримазолға және препараттың басқа компоненттеріне жоғары жекелей сезімталдық

- жүктіліктің бірінші триместрі

- бала емізу кезеңі

- 16 жасқа дейінгі балалар

Дәрілермен өзара әрекеттесуі

Клотримазол амфотерицин В және басқа полиен антибиотиктері белсенділігін төмендетеді. Натамицинмен және нистатинмен бір мезгілде қолданғанда клотримазолдың белсенділігі төмендейді. Дексаметазон жоғары концентрацияларда клотримазолдың зеңге қарсы тиімділігін төмендетеді. Пара-бензой қышқылының пропил эфирі жоғары концентрацияларда клотримазолдың зеңге қарсы әсерін күшейтеді. Қынаптық клотримазол және пероральді такролимусты (FK-506; иммуносупрессант) бір мезгілде үйлестіру қанда такролимус концентрациясы деңгейінің жоғарылауына әкелуі мүмкін және мұндай әсері сирулимуспен бір мезгілде қабылдағанда байқалады. Осылайша, пациенттерде такролимуспен немесе сиролимуспен артық дозалану симптомдары болуын, қажет болғанда плазмада тиісті концентрациясын өлшеу арқылы мұқият бақылап отырған дұрыс.

Айрықша нұсқаулар

Клотримазолды етеккір кезінде қолдану көрсетілмеген.

Инфекция қайталануының алдын алу үшін жыныстық сыңарын да зеңге қарсы препараттармен бір мезгілде емдеу керек.

Етеккір кезеңінде қолдануға болмайды. Емдеу етеккір басталғанға дейін аяқталуы тиіс. Емдеу кезінде жыныстық актілерден тартынып, тампондарды, спермицидтер және т.б. қынапқа енгізілетін дәрілерді қолданбаған жөн. Мүшеқаптар сияқты, латексті өнімдердің тиімділігі мен қауіпсіздігі төмендеуі мүмкін. Аса жоғары сезімталдық немесе шырышты қабық және терінің тітіркену белгілері пайда болған кезде емдеуді тоқтату қажет.

3 күн бойына әсері болмаған жағдайда диагнозды анықтау керек.

Жүктілік және лактация.

Жүктіліктің екінші және үшінші триместрінде Клотримді дәрігердің кеңесінен кейін нұсқаулық бойынша қолдануға болады. Препаратты бала емізетін әйелдерге тағайындағанда сақ болған жөн. Емдеу кезінде бала емізу ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клотримазол көлік құралын басқару қабілетіне және қозғалыстағы механикалық қондырғыларда қызмет етуге әсер етпейді.

Артық дозалануы

Артық дозалану жағдайы анықталмаған.

Шығарылу түрі және қаптамасы

6 немесе 10 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Kwality Pharmaceuticals PVT, Ltd, Үндістан, Амритсар-143601

Тіркеу куәлігінің иесі/Қаптаушы

«Деново Импекс» ЖШС, Алматы қ., Өтеген батыр к-сі, 13, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы: Қазақстан Республикасы, Алматы қ., Өтеген батыр к-сі, 13

Тел.: 8-727 -2437415 E-mail: denovo_kz@mail.ru

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Деново Импекс» ЖШС, Қазақстан Республикасы, Алматы қ., Өтеген батыр к-сі, 13

Тел.: (727) 243 7415, е-mail: denovokz@rambler.ru