Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Глюкоза
Халықаралық патенттелмеген атауы
Жоқ
Дәрілік түрі, дозалануы
Инфузияға арналған 5 % және 10 % ерітінді
Фармакотерапиялық тобы
Қан алмастырғыштар және перфузиялық ерітінділер. Ирригациялық ерітінділер. Басқа да ирригациялық ерітінділер. Глюкоза.
АТХ коды В05СХ01
Қолданылуы
5 % глюкоза ерітіндісі
10 % глюкоза ерітіндісі
– гипогликемияда
Вена ішіне енгізуге арналған дәрілік препараттар ерітінділерін дайындауда (5 % және 10 % глюкоза ерітіндісі).
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Басқа дәрілік препараттармен өзара әрекеттесуі
Катехоламиндер мен стероидтермен бірге қолдану глюкозаның қорытылуын төмендетеді.
Тиазидті диуретиктермен және фуросемидпен бір мезгілде қолданғанда қан сарысуындағы глюкоза деңгейіне олардың әсер ету қабілетін ескерген жөн. Инсулин глюкозаның шеткері тіндерге түсуіне ықпал етеді. Глюкоза ерітіндісі пиразинамидтің бауырға уытты әсер етуін төмендетеді. Глюкоза ерітіндісінің үлкен көлемін енгізу гипокалиемия дамуына ықпал етеді, бұл бір мезгілде қабылдаған оймақгүл препараттарының уыттылығын жоғарылатады.
Глюкоза ерітінділерде аминофилинмен, еритін барбитураттармен, гидрокортизонмен, канамицинмен, еритін сульфаниламидтермен, цианокобаламинмен үйлеспейді.
Жалған агглютинация туындау мүмкіндігіне байланысты бір жүйеде бір мезгілде немесе гемотрансфузия алдында/ кейін қолдануға болмайды.
Глюкоза натрийдің асқазан-ішек жолынан сіңуін жеңілдетеді. Препараттыаскорбин қышқылымен үйлестіріпенгізуге болады. 4-5 г-ға 1 ӘБ есебіндегі инсулиндібір мезгілде енгізу глюкозаның едәуір толық сіңуіне ықпал етеді.
Глюкоза жеткілікті түрде күшті тотықтандырғыш болып табылуына байланысты оны гексаметилентетраминмен бір шприцте енгізуге болмайды. Глюкозаны алкалоид ерітінділерімен (олар ыдырайды), жалпы анестетиктермен және ұйықтатқыш дәрілермен (олардың белсенділігін төмендетеді) бірге араластыруға болмайды.
Глюкоза сонымен қатар, ауыруды басатын, адреномиметикалық дәрілердің әсерін төмендетеді, стрептомицинді әсерсіздендіреді, нистатиннің тиімділігін төмендетеді.
Арнайы ескертулер
Препарат бассүйек ішіне және жұлын ішіне қан құйылуы, қант диабеті, декомпенсацияланған жүрек жеткіліксіздігі, созылмалы бүйрек жеткіліксіздігі (олигоанурии), гипонатриемия бар науқастарға өте сақтықпен қолданған жөн.
Қандағы қанттың деңгейін бақылау қажет.
Электролитті теңгерімді қадағалау керек!
Препаратты қан препараттарымен бір мезгілде енгізбейді.
Глюкоза ерітіндісін тез немесе ұзақ уақыт енгізуге болмайды. Егер ерітіндіні енгізу үдерісінде қалдырау туындаса, енгізуді дереу тоқтату керек.
Глюкозаның үлкен көлемдерін енгізу, электролиттерді көп жоғалтқан науқастар үшін қауіпті болуы ықтимал. Глюкоза ерітінділерін жедел ишемиялық ұстамаларды өткергеннен кейін тағайындамау қажет, өйткені гипергликемия сауығу үдерісіне теріс әсер етеді.
1 мл препарат құрамындаға Натрий0.26мг құрайды.
Педиатрияда қолдану
Жаңа туылған, әсіресе, шала туғандарда немесе дене салмағы төмен болып туған сәбилерде гипо- немесе гипергликемияның даму қаупі жоғары болады, сондықтан декстроза ерітінділерін венаішілік енгізу кезінде болар-болмас жағымсыз салдарларды болдырмас үшін қандағы глюкоза концентрациясын мұқият бақылау қажет.
Жаңа туылған нәрестелердегі гипогликемия ұзақ құрысуларға, комаға және мидың зақымдалуына әкелуі мүмкін.
Гипергликемияны қарыншаішілік қан кетумен, кідіртілген бактериялық және зеңдік инфекциялық аурулармен, шала туғандар ретинопатиясымен, некроздық энтероколитпен, бронх-өкпе дисплазиясымен, ұзаққа созылған ауруханаға жатқызумен және өліммен байланыстырады.
Жаңа туылғандарда венаішілік препараттардың әлеуетті өлімге әкелетін артық дозалануын болдырмас үшін қолдану тәсіліне ерекше назар аудару қажет.
Жүктілік және лактация
5% глюкоза ерітіндісі басқа дәрілік заттарды (әсіресе, окситоцинді) қолданғанда, жүктілік кезінде гидратациялайтын және тасымалдау құралы ретінде пайдаланылады.
5% және 10% глюкоза ерітінділерін электролиттік теңгерім пен сұйықтықтеңгерімі бақыланатын және физиологиялық норма шегінде болса, жүктілік кезінде және бала емізу кезеңінде қауіпсіз қолдануға болады.
Егер глюкоза ерітіндісі парентеральді енгізілетіндәрілік препаратты еріту және/немесе сұйылту үшін қолданылса, оны жүктілік кезінде және бала емізу кезеңінде қолдану мүмкіндігі жеке қаралады.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат көлік құралдарынбасқару және қауіптілігі зор механизмдермен жұмыс істеу қабілетіне әсер етпейді.
Қолдану жөніндегі нұсқаулар
Дозалау режимі
Изотониялық 5 % ерітіндіні ең жоғары 7 мл/мин жылдамдықпен (1 минутта 150 тамшы немесе 400 мл/сағ.) вена ішіне тамшылатып енгізеді.
Ересектер үшін ең жоғары тәуліктік доза - 2 л.
Клизмада да (300-500 мл) қолданады.
Гипертониялық 10 % ерітіндіні 20-40-50 мл-ден тек вена ішіне енгізеді. Тамшылатып енгізу қажет болғанда 1 минутына 60 тамшыға дейін (3 мл/мин) енгізеді. Ересектерге арналған ең жоғары тәуліктік доза -
Глюкозаның дозасы организмнің жекелей қажетсінуіне байланысты. Зат алмасуы қалыпты ересектерге енгізілетін глюкозаның тәуліктік дозасы тәулігіне 4-6 г/кг аспауы тиіс, яғни тәулігіне 250-450 г шамасында болуы тиіс, бұл орайда енгізілетін сұйықтықтың көлемі тәулігіне 30-40 мл/кг құрайды. Зат алмасу көлемін қарқынды төмендеткенде тәуліктік дозаны 200-300 г-ға дейін азайтады.
Препаратты ұзақ енгізуді қан сарысуындағы глюкоза концентрациясын бақылай отырып жүзеге асыру қажет.
Үлкен дозада енгізілген глюкозаның анағұрлым толық қорытылуы үшін онымен бір мезгілде 4-5 г глюкозаға 1 ӘБ есебінен инсулин тағайындайды.
Глюкозаны диабетпен науқастарға оның қандағы және несептегі мөлшерін бақылай отырып енгізеді.
Балалар тәжірибесінде қолданылуы.
Балаларға парентеральді қоректендіру үшін майлармен және аминқышқылдармен қатар, бірінші күні 6 г глюкозаны/кг/тәул, одан кейін – 15 г/кг/тәул дейін енгізеді. 5 % және 10 % ерітіндіні енгізгенде глюкозаның дозасын есептеу кезінде енгізілетін сұйықтықтың жол берілетін көлемін назарға алу керек: салмағы 2-10 кг балалар үшін 100-165 мл/кг/тәул, салмағы 10-40 кг балалар үшін 45-100 мл/кг/тәул.
Электролиттік теңгерілімін қадағалау қажет!
Енгізу жолы және тәсілі
Изотониялық 5 % ерітіндіні ең жоғары 7 мл/мин жылдамдықпен (1 минутта 150 тамшы немесе 400 мл/сағ) вена ішіне тамшылатып енгізеді.
Гипертониялық 10 % ерітіндіні 20-40-50 мл-ден тек вена ішіне енгізеді. Тамшылатып енгізу қажет болғанда 1 минутына 60 тамшыға дейін (3 мл/мин) енгізеді.
Енгізу жылдамдығы: зат алмасудың қалыпты жағдайында енгізудің ең жоғары жылдамдығы ересектерге - 0,25-0,5 г/кг/сағ (зат алмасу қарқындылығы төмендегенде енгізу жылдамдығын 0,125-0,25 г/кг/сағ дейін төмендетеді). Балаларда глюкозаны енгізу жылдамдығы 0,5 г/кг/сағ аспауы тиіс, бұл 5% ерітінді үшін - 10 мл/мин немесе 200 тамшы/мин (20 тамшы = 1 мл) жуықты құрайды.
Артық дозалану жағдайында қабылдануы қажеті шаралар
Симптомдары: жағымсыз әсерлерінің айқын симптомдары. Гипергликемияның пайда болуы мүмкін. Глюкозаның құрамы (55 ммоль/л-ден жоғары, кейде 100 ммоль/л дейін және одан да жоғары) артқанда гиперосмолярлық кома және шок пайда болуы мүмкін. Бұл жай-күйлердің патогенезінде негізгі рөлді су мен электролиттердің қан арнасына осмостық ауысуы, сондай-ақ полиурия атқарады. Бұл орайда шұғыл дегидратация мен жасушалық сусыздану, гемоконцентрация, қан коагуляциясы жүйесінің белсенділенуі дамиды, бұл артериялар мен веналардағы шектелген және диссеминацияланған тромбтар түзілуін жиі туындатады.
Емі: глюкоза енгізуді тоқтатып, инсулин енгізу, симптоматикалық емдеу.
Тоқтату симптомдарының болу қаупіне нұсқау
Жаңа туылғандарда венаішілік препараттардың әлеуетті өлімге әкелетін артық дозалануын болдырмас үшін қолдану тәсіліне ерекше назар аудару қажет.
Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар
Дәрілік препаратты қолдану тәсілін түсіндіру үшін дәрігерге жүгіну қажет. В/і енгізуге арналған. Препаратты тек маман енгізуі керек. Препаратты артерия ішіне енгізуден немесе қоршаған тіндерге түсуін болдырмау керек.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажет болса)
Белгісіз
– аллергиялық реакциялар (гипертермия, тері бөртпелері, ангионевроздық ісіну, шок)
– жоғары сезімталдық
– гипергликемия
– гипокалиемия
– гипомагниемия
– гипофосфатемия
– гемодилюция
– гиперволемия
– сусыздану
– веналық тромбоз
– тромбофлебит
– қатты терлеу
– полиурия
– қалтырау
– қызба
– сол жақ қарыншаның жедел жеткіліксіздік
Ұзақ қолдану немесе ерітіндінің үлкен көлемдерін жылдам инфузиялау ісінуге немесе сумен уыттануға, бауырдың функционалдық жағдайының бұзылуына және ұйқы безі инсулярлық аппараты қызметінің сарқылуына әкеп соғуы ықтимал. Енгізілген жерде инфекцияның дамуы, тромбофлебит, сондай-ақ қан құйылу жағдайында тіндер некрозының болуы ықтимал. Мұндай реакциялар автоклавтаудан кейін пайда болатын ыдырау өнімдерінен туындауы немесе препаратты енгізудің техникасы дұрыс болмағанда пайда болуы мүмкін. Венаға енгізу электролиттік алмасудың бұзылуын, соның ішінде гипокалиемияны, гипомагниемияны және гипофосфатемияны туғызуы ықтимал. Пациенттерде жағымсыз әсерлердің алдын алу үшін, препараттың дозасы мен енгізу техникасын қатаң сақтау қажет.
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Бір мл ерітінді құрамында
белсенді зат -50.0 мг немесе 100.0 мг глюкоза
қосымша заттар: хлорсутек қышқылы, натрий хлориді, инъекцияға арналған су
Сыртқы түрінің, иісінің, дәмінің сипаттамасы
Түссіз немесе сәл сарғыштау мөлдір сұйықтық
Шығарылу түрі және қаптамасы
Бір немесе екі порты бар полипропилен контейнерлерге 100 мл, 200 мл, 250 мл, 400 мл, 500 мл құйылған. Контейнерлерді медициналық қолдану жөніндегі қазақ және орыс тіліндегі нұсқаулықпен бірге картоннан жасалған топтық қорапқа қаптайды.
Сақтау мерзімі
2 жыл
Жарамдылық мерзімі өткеннен кейін қолдануға болмайды!
Сақтау шарттары
30°С-денаспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Кемел ы.а., Ақсуат к-сі, 104 үй
тел: + 7 (727) 2603974
е-mail: office@nm-pharm.kz
Тіркеу куәлігінің ұстаушысы
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Кемел ы.а., Ақсуат к-сі, 104 үй
тел: + 7 (727) 2603974
е-mail: office@nm-pharm.kz
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Кемел ы.а., Ақсуат к-сі, 104 үй
тел: + 7 (727) 2603974
е-mail: office@nm-pharm.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«НУР-МАЙ ФАРМАЦИЯ» ЖШС, Қазақстан Республикасы, Алматы қ., Жетісу ауд., Кемел ы.а., Ақсуат к-сі, 104 үй
тел: + 7 (727) 2603747
е-mail: safety@nm-pharm.kz
