Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Геделикс® s.a.
Саудалық атауы
Геделикс® s.a.
Халықаралық патенттелмеген атауы
Жоқ
Дәрілік түрі
Ішуге арналған тамшылар
Құрамы
100 мл ерітіндінің құрамында
белсенді зат - шырмауық жапырақтары экстрактісі (2.2 – 2.9:1) -
қосымша заттар: пропиленгликоль, глицерин, жұлдызды анис майы,эвкалипт майы, ментол, жалбыз майы (суда еритін).
Сипаттамасы
Мөлдір, хош иісті жасылдау-қоңыр тұтқыр сұйықтық. Бұлыңғырлануы және шөгінді түзілуі мүмкін, бұл препараттың сапасына және әсер етуіне ықпал етпейді.
Фармакотерапиялық тобы
Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Қақырық түсіретін препараттар. Шырмауық жапырақтарының экстрактісі.
ATХ коды R05CА12
Фармакологиялық қасиеттері
Фармакокинетикасы
Фармакокинетикасы бойынша деректер жоқ.
Фармакодинамикасы
Геделикс® s.a., ішуге арналған тамшылар – бұл өсімдік текті дәрілік зат.
Қақырық түсіретін әсері, асқазанның шырышты қабығын бронхтың шырышты қабығының парасимпатикалық шырышты без жүйесінің сезімтал талшықтары арқылы рефлекторлы стимуляциялай отырып,тітіркендірумен жүзеге асады.
Қолданылуы
- тыныс алу жолдарының жедел қабыну ауруларын кешенді емдеуде
- бронхтың созылмалы қабыну ауруларын симптоматикалық емдеуде.
Қолдану тәсілі және дозалары
Ішуге арналған.
Тамшыларды судың жеткілікті мөлшерімен қабылдау керек. Кішкентай балаларға препаратты шаймен немесе жеміс шырынымен сұйылту ұсынылады.
Қабылдау ұзақтығы:
Геделикс® s.a., ішуге арналған тамшыларды дәрігердің кеңесінсіз қабылдау ұзақтығы жеті күннен аспауы тиіс.
Ересектер мен егде жастағы пациенттерге, 12-ден 18 жасқа дейінгі балаларға:
31 тамшыдан тәулігіне 3 рет
6-дан 11 жасқа дейінгі балаларға:
21 тамшыдан тәулігіне 3 рет
2-ден 5 жасқа дейінгі балаларға:
16 тамшыдан тәулігіне 3 рет
Жағымсыз әсерлері
Өте сирек
- ентігу, ісінулер, терінің қызаруы, қышыну, Квинке ісінуі, есекжем, экзантема
Кейде
- сезімталдығы жоғары пациенттерде жүрек айнуы, құсу, іш өту.
Емшек еметін нәрестелерде және 2 жасқа дейінгі балаларда Геделикс® s.a., ішуге арналған тамшылар, соңынан тыныс алудың ауыр бұзылуы болатын ларингоспазмды туындатуы мүмкін.
Келтірілген жағымсыз реакциялардың немесе бұл нұсқаулықта көрсетілмеген жағымсыз әсерлердің бірі анық байқалған жағдайда бұл туралы Сіз өз дәрігеріңізге немесе фармацевтке хабарлаңыз.
Қолдануға болмайтын жағдайлар
Дәрілермен өзара әрекеттесуі
Осы уақытқа дейін басқа дәрілік заттармен өзара әрекеттесуі туралы белгісіз.
Айрықша нұсқаулар
Препаратты ұсынылатын тәуліктік дозасынан асырмау керек.
Егер ауру симптомдары жойылмаса немесе ентігу, дене температурасының жоғарылауы, сондай-ақ жөтелген кездегі іріңді немесе қанды қақырық пайда болса, дереу дәрігермен кеңескен жөн.
Жөтелге қарсы препараттармен, мысалы кодеин немесе декстрометорфанмен бір мезгілде дәрігердің кеңесінсіз қолдану ұсынылмайды.
Гастрит немесе асқазаннның ойық жарасы бар пациенттерге сақтықпен қолдану керек.
Қант диабетімен науқастар үшін нұсқаулар:
Геделикс® s.a., ішуге арналған тамшылар, құрамында қант және алкоголь жоқ, және сондықтан қант диабетімен науқастарға және алкоголь қабылдауға болмайтын пациенттерге қолдануға ыңғайлы.
Педиатрияда қолдану
2-4 жастағы балаларға қолдануға дәрігердің ұсынымы қажет етіледі.
Жүктілік және лактация кезінде
Жүктілік және бала емізу кезеңінде қолдану ұсынылмайды (клиникалық деректер жеткіліксіздігіне байланысты).
Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Ерекше сақтық шаралары талап етілмейді.
Артық дозалануы
Препаратты үш еселенген тәуліктік дозадан асатын үлкен дозада қабылдау жүрек айну, құсу, диарея және қозуды туындатуы мүмкін.
Емі: симптоматикалық
Шығарылу түрі және қаптамасы
50 мл препараттан тамшылатқыш дозаторы және бұрандалы пластик қалпақшасы бар қоңыр шыныдан жасалған шыны құтыға құйылады.
1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау шарттары
25°С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
5 жыл.
Құтыны ашқаннан кейінгі қолдану кезеңі - 6 ай.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
Кревель Мойзельбах ГмбХ
Кревельштрассе 2
53783 Айторф
Германия.
Тіркеу куәлігінің ұстаушысы
Кревель Мойзельбах ГмбХ, Германия.
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«КФК «Медсервис Плюс» ЖШС
050004, Қазақстан Республикасы, Алматы қ-сы, Мәметова к-сі, 54
Телефон/Факс: (727) 279 98 21
E-mail: pharmanadzor@medservice.kz
