Фарматекс 1,2%, 72 гр, крем
Тауарлардың көрінісі фотосуретте көрсетілгеннен өзгеше болуы мүмкін

Фарматекс 1,2%, 72 гр, крем

3441
Қолжетімділігі
Сатылымда бар
Үлгі
3400970001040
Елі
Франция
Өндіруші
Иннотек
0-0-4 бөліп төлеу
860 x 4 ай
  • Сипаттама
  • Дәріханалар

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Фарматекс®

Халықаралық патенттелмеген атауы

Бензалконий хлориді

Дәрілік түрі, дозасы

Қынаптық крем 1,2% 72 г

Фармакотерапиялық тобы

Несеп-жыныс жүйесі және жыныс гормондары.Гинекологиялық ауруларды емдеуге арналған басқа препараттар. Жергілікті қолдануға арналған контрацептивтер. Қынапішілік контрацептивтер.

АТХ коды G02BB

Қолданылуы

Жергілікті контрацепцияның бұл әдісі контрацепцияны қажет ететін кез келген әйелге арналған, сондай-ақ мынадай жағдайларда:
- гормональді контрацептивтер немесе жатырішілік спиральдар (ЖІС) қолдануға уақытша немесе нақты қарсы көрсетілімдер болғанда

- босанудан кейінгі кезең және бала емізу кезінде

- менопауза алдындағы кезеңде

- жүктіліктен эпизодты сақтану қажеттілігінде

- қынаптық диафрагма, цервикальді қалпақша немесе жатырішілік спираль пайдаланылғанда (әсіресе, қабынуға қарсы стероидты емес дәрілер сияқты дәрілік препараттарды ұзақ қолданғанда) қосымша жергілікті контрацепция ретінде.

- ішуге арналған гормональді контрацептивтер қабылдауды өткізіп немесе кешіктіріп алғанда қосымша контрацепция әдісі ретінде.Мұндай жағдайда контрацепцияның екі әдісін де етеккір оралымының қалған күндері бойына бірге қолдану ұсынылады.

Қолданудың басталуына дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық,

- кольпит,вагинит

- қынап пен жатырдың шырышты қабығының ойық жаралануы және тітіркенуі

- психикасы бұзылған тұлғаларда немесе контрацептив пайдалануғакедергі келтіретін, жыныс мүшелеріне жасалатын кез келген араласуларға жол бермейтін тұлғаларда Фарматексті дұрыс қолдану мүмкін болмағанда

- контрацепцияның осы түрін түсінбейтін немесе келіспейтін кез келген тұлғаға.

Қолдану кезіндегі қажетті сақтандыру шаралары

Фарматекс® оны дұрыс қолданған жағдайда жүктіліктен сақтануда тиімді препарат болып табылады. Алайда, спермицидтік жергілікті контрацепцияның, гормональді контрацепциямен, жатырішілік контрацептивтермен, диафрагмамен, цервикальді қалпақша немесе мүшеқаппен салыстырғанда әрқашан тиімділігі аздау. Контрацепцияның тиімділігі тек қана оны пайдалану ережелерін қатаң қадағалауға байланысты.

• Әр жыныстық қатынас алдында жүйелі түрде қолдану керек.

• Жыныстық қатынастан 2 сағат бұрын және жыныстық қатынастан кейінгі 2 сағат ішінде жыныс мүшелерін жуып-шаю үшін сабынды пайдалануға тыйым салынады, өйткені сабын, тіпті қалдық мөлшерінде де Фарматекстің әсер етуші затын ыдыратады.

• Жыныстық қатынастан кейін бірден жыныс мүшелерінің сыртынан ғана тек жай сумен жуып-шаюға болады. Қынапты бүркіп-шаймас бұрын жыныстық қатынастан кейін 2 сағат күте тұру керек.

• Қынапқа енгізілген Фарматекспен, оның контрацептивтік әсерінің төмендеуін болдырмас үшін, ванна қабылдауға, теңізде, бассейнде және су қойнауларында шомылуға болмайды.

• Егер қынап ауруларын емдеу қажеттілігі туындаған және/немесе қынаптық кез келген басқа дәрілік зат тағайындалған жағдайда Фарматекс көмегімен контрацепцияны жаңғыртпас (бастау) бұрын, емнің аяқталуын күте тұру қажет.

• Контрацепцияның бұл әдісі жыныс жолымен берілетін немесе адамныңиммунтапшылығы вирусы туындатқан инфекциялардан қорғамайды. Мұндай аурулардан қорғайтын бөгеттік контрацепцияның бір ғана әдісі бар – ол мүшеқап.

Басқа дәрілік препараттармен өзара әрекеттесуі

Қынапқа енгізілген кез келген дәрі Фарматекстің жергілікті спермицидтік әсерінің белсенділігін жоя алады. Әсер етуші зат – бензалконий хлориді сабынмен ыдырайды, сондықтан жыныс мүшелерін жуып-шаюға, тіпті өте аз мөлшерде де сабынды пайдалануға тыйым салынады.

Жүктілік немесе лактация кезінде

Жүктілік

Жүктілік кезінде препаратты пайдалануға байланысты қандай да бір зиянды әсері анықталмаған: әсер етуші заттың өзінің тератогенді қасиеттерінің сараптамасы сияқты, соңғы өнімінің де тератогенді қасиеттерінің сараптамасы теріс нәтижелер берді.

Емшек емізу

Ана сүтіне өтуі қандай да болмасын белгілі жайсыз зардаптарсыз, өте елеусіз мөлшерде болуы мүмкін.Препаратты бала емізу кезеңінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Дозаторды қақпақшаның орнына сықпаға жалғау керек. Оны ауа көпіршігі пайда болмайтындай етіп толығымен толтырады (сақина тәріздес белгіге дейін немесе поршень тірелгенге дейін). Оны сықпадан ажыратады. Шалқадан жатып, жыныстық қатынасқа дейін кремді дозалаушы құрылғының көмегімен, поршеньді баяу баса отырып, қынапқа терең енгізеді. Дозалаушы құрылғыны шығарады.

Енгізу әдісі және жолы

Қынапқа қолдануға арналған.

Қабылдау уақытының көрсетілуімен қолдану жиілігі

Қорғаныс әсері дереу басталадыжәне ең кемі 10 сағатқа созылады. Әр қайталанатын жыныстық қатынас алдында міндетті түрде кремнің жаңа порциясы енгізіледі. Бір реттік доза: бір порция крем бір жыныстық қатынасқа есептелген. Пайдалану жиілігі әсер етуші заттың жекелейкөтерімділігімен және жыныстық қатынастар жиілігімен шектелген. Фарматексті қынаптық диафрагмамен немесе ЖІС-мен бірге қолдануға болады.

Жыныстық актіден кейін бірден сыртқы жыныс мүшелерін жай сумен ғана жууға болады.

Артық дозалану жағдайында қабылдау қажет болатын шаралар

Артық дозалану жағдайы анықталмаған.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты әрдайым осы нұсқаулықта сипатталғандай, немесе дәрігердің немесе фармацевтің ұсынымдарымен дәл қабылдаңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сирек

- қышыну, ашыту, жұптардың біреуінде немесе екеуінде де болатын жергілікті тітіркендіргіш әсер

Белгісіз (қолда бар деректердің негізінде бағалау мүмкін емес)

- аллергия болуы мүмкін, жанаспалы дерматит

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті "Дәрілік заттар мен медициналық бұйымдарды сараптау ұлттық орталығы" ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 г кремнің құрамында

белсенді зат – 1,2 г бензалконий хлоридіне сәйкес келетін 2,4 г 50% бензалконий хлоридінің ерітіндісі,

қосымша заттар: сусыз лимон қышқылы, динатрия гидрофосфатының додекагидраты, макрогол және этиленгликоль пальмитостеараты (Тефоз® 63), лаванда майының эссенциясы, тазартылған су.

Сыртқы түрінің, иісінің, дәмінің сипаттамасы

Ақ біртекті лаванда иісі бар крем.

Шығарылу түрі және қаптамасы

72 г препараттан алюминий сықпада. 1 сықпадан аппликатор-дозаторымен (немесе онсыз) және медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Лаборатории Шемино

93 Рю де Моннэ, 37210 Вувре, Франция

Тел.: +33 (0)2 47 52 70 30

Факс: +33 (0)2 47 52 61 43

Веб сайт: https://chemineau.com/

Тіркеу куәлігінің ұстаушысы

Лаборатория Иннотек Интернасиональ

22 авеню, Аристид Бриан, 94110, Аркей, Франция

Тел.: +33 1 46 15 29 00

Факс: +33 1 45 46 40 15

Электронды пошта: licensing@innothera.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Иннотек Интернасиональ С.А.С.» Лабораториясының ҚР өкілдігі

050059, Қазақстан Республикасы,Алматы қ., Әл-Фараби д-лы, 7, «Нұрлы Тау» бизнес орталығы,5 А блок,214 кеңсе, тел./факс: +7-727-311-09-71, +7-727-311-09-72, электроды пошта: innotech@innotech.kz

Дәріханалар

Тауар артығымен бар
Тауар аз қалды
Аптека №277, Нур-Султан (Империал)
г. Нур-Султан, ул.Кенесары, д.47, ВП-3
09:00-00:00