Элафра 20 мг №30 табл

Сипаттама

Дәрілік препаратты медициналық қолдану

жөніндегі нұсқаулық (Қосымша-парақ)

Саудалық атауы

Элафра

Халықаралық патенттелмеген атауы

Лефлуномид

Дәрілік түрі, дозалануы

Үлбірлі қабықпен қапталған таблеткалар, 20 мг

Фармакотерапиялық тобы

Антинеопластикалық және иммуномодуляциялайтын препараттар. Иммуносупрессанттар. Селективті иммуносупрессанттар. Лефлуномид.

АТХ кодыL04AA13

Қолданылуы

- ревматоидты артриттің белсенді түрі ауру түрлендіретін ревматизмге қарсы препараттар ретінде (АТАРП)

- псориаздықартриттің белсенді түрі

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді затқа (Стивенс-Джонсон синдромы, уытты эпидермальды некролиз немесе эозинофилия және жүйелік белгілері бар дәрілік реакция (DRESS–синдромы) пайда болуы), негізгі белсенді метаболиттерифлуномидке немесе қосымша заттардың кез келгеніне жоғары сезімталдық

- бауыр жеткіліксіздігі

- ауыр иммунитет тапшылығы жай-күйі (оның ішінде ЖИТС)

- сүйек кемігі функциясының айқын бұзылуы немесе басқа себеп салдарынан (ревматоидтық немесе псориаздық артриттен басқа) болатын анемия, лейкопения, нейтропения, тромбоцитопения

- ауыр инфекциялар

- орташа немесе ауырбүйрек жеткіліксіздігі

- ауыр гипопротеинемия (оның ішінде нефроздық синдромда)

- жүктілік,Элафрамен ем уақытында және одан кейінұрықтануға қарсы сенімді заттар қолданбайтын бала тууға қабілетті жастағы әйелдерде, егер белсенді метаболиттің плазмасындағы деңгейі 0,02 мг/л жоғары болса

• емшекпен емізу кезеңі
• 18 жасқа дейінгі балалар және жасөспірімдер
• тұқым қуалайтын лактоза, галактоза жақпаушылығы, лактаза тапшылығы, глюкоза және галактоза мальабсорбция синдромы.

Қолдану кезінде қажетті сақтық шаралары

Элафрапациенттерге тек мұқият медициналық зерттеуден кейін ғана тағайындалуы мүмкін.

Элафра препаратымен емдеуді бастар алдында артериялық қысымды тексереді және одан әрі қарай оны мезгіл-мезгіл тексеріп тұру керек.

Элафрапрепаратымен емдеуді бастар алдында бұрын гепато- және гематоуытты әсерге ие, ревматоидты артритті емдеуге арналған басқа да базисті дәрілерді қабылдаған пациенттерде жағымсыз әсерлер саны ұлғаюы мүмкіндігі туралы есте ұстау керек.

Лефлуномидтің белсенді А771726 метаболиті әдетте 1 аптадан 4 аптаға дейінді құрайтын, ұзақ жүретін Т_1/2сипатталады. Лефлуномидтің белсенді А771726 метаболиті ұзақ жүретін Т_1/2 салдарынан тіпті лефлуномидпен ем тоқтатылғаннан кейін де күрделі қолайсыз әсерлер (мысалы, гепатоуыттылық, гематоуыттылық немесеаллергиялық реакциялар – төмендегіні қараңыз) туындауы немесе сақталуы мүмкін. Уыттылық дамыған жағдайда, немесе қандай да бір басқа себептермен организмнен А771726 жылдам шығару талап етіледі – «шайып кетіру» емшарасын жүргізу қажет. Клиникалық қажеттілікте бұл емшараны қайталауға болады.

Бауыр тарапынан реакциялар

Лефлуномидпен емдеу уақытындабауырдың ауыр зақымдануының сирек жағдайлары, оның ішінде өліммен аяқталатыны болуы мүмкін. Бұл жағдайлардың көбі емдеудің бастапқы 6 айы бойына бақыланды. Бұл қолайсыз әсерлердің лефлуномидпен өзара байланысының себебі анықталмаса да, және көп жағдайларда қауіптің қосымша бірнеше факторлары болса да, емдеуді бақылау бойынша ұсыныстарды дәл орындау міндетті болып саналады.

Лефлуномидпен емдеуді бастар алдында, ал содан кейін емдеудің бастапқы 6 айы бойына әрбір екі апта сайын, соңынан әрбір 8 апта сайынбір рет аланинаминотрансфераза (АЛТ) немесе глутаматпируваттранс-фераза (ГПТ) деңгейі тексерілуі тиіс.

Дозалау режимін түзету немесе АЛТ (ГПТ) деңгейі жоғарылауының айқындығы және тұрақтылығына байланысты препарат қабылдауды тоқтату бойынша мынадай ұсыныстар бар. АЛТ (ГПТ) қалыптың жоғарғы шегінен 2-3 есе нақтыланған артуында дозаны тәулігіне 20 мг-дан 10 мг-ға дейін төмендету,егер бұл көрсеткіштерді апта сайын мұқият бақылаған жағдайда, Элафраны қабылдаудыжалғастыруға мүмкіндік береді. Егер АЛТ (ГПТ) қалыптың жоғарғы шегінен 2-3 есе артуы сақталса, немесе егерАЛТ (ГПТ) деңгейінің қалыптың жоғарғы шегінен 3 еседен астам артатын нақтыланған көтерілуі бар болса, Элафра қабылдау тоқтатылуы тиіс және «шайып кетіру» емшарасын бастау керек. Бауыр ферменттері мониторингін бауыр ферменттері деңгейі қалпына келгенше жалғастыру ұсынылады.

Лефлуномидтің белсенді А771726 метаболиті ақуыздармен байланыста болғандықтан, және бауыр метаболизмі және өт секрециясы арқылы шығарылады, сондықтан гипопротеинемиясы бар науқастарда қан плазмасындағыА771726 мөлшерініңдеңгейі артуы мүмкін деп болжанады.

Қосымша гепатоуыттылық әсері болуы мүмкіндігінен Элафрамен емдеуде алкоголь қабылдаудан аулақ болу ұсынылады.

Гематологиялық реакциялар

Клиникалық толық қан талдауы, лейкоцитарлық формуланы және тромбоциттер санын анықтауды қоса, Элафра препаратымен емдеуді бастағанға дейін, ал содан кейін емдеудің бастапқы 6 айы бойына әрбір екі апта сайын, соңынан әрбір 8 апта сайынжүргізілуі тиіс.

Бұрын анемиясы, лейкопениясы және/немесетромбоцитопениясы болған науқастарда, сондай-ақ сүйек кемігі функциясы бұзылуы бар немесе сондай бұзылулар даму қаупі бар науқастарда гематологиялық бұзылулар туындау қаупі артады. Осы тектес құбылыстар туындағанда қан плазмасындағыА771726 деңгейін төмендету үшін «шайып кетіру» емшарасынпайдалану керек.

Панцитопенияны қоса, күрделі гематологиялық реакциялар даму жағдайында Элафра және сүйек кемігінде қан түзілуін бәсеңсітетін кез келген басқа қатарлас препараттарды қабылдауды тоқтату және «шайып кетіру» емшарасынбастау керек.

Басқа емге көшу

Лефлуномид организмде ұзақ сақталатындықтан «шайып кетіру» емшарасынтиісіншежүргізбей басқа базистік препарат (мысалы метотрексат) қабылдауға өту тіпті өткеннен кейін ұзақ уақыт өткен соң да қосымша қауіптің (мысалы, кинетикалық өзара әрекеттесу, ағзаның уыттануы) туындау мүмкіндігін ұлғайтуы мүмкін.

Осыған ұқсас түрде гепатоуытты немесе гематоуытты препараттармен (мысалы метотрексатпен) жуырда емдеу жағымсыз әсерлер санын ұлғайтуға алып келуі мүмкін, сондықтан лефлуномидпен ем бастай отырып, аталған препаратты қабылдауға байланысты болатын барлық оң және теріс аспектілерді мұқият қарастыру керек және бастапқы кезеңде мұқият бақылау ұсынылады.

Инфекциялар

Иммуносупрессиялық қасиеттерге ие және Элафраға ұқсас препараттардың оппортунистік инфекцияларды (тек иммунитет төмендеген жағдайда инфекцияларды туындатуға қабілетті зеңдерден және микроорганизмдерден туындайтын инфекциялар) қоса, әртүрлі текті инфекцияларды қабылдағыштықты арттыратыны белгілі. Туындаған инфекциялы аурулар әдетте ауыр жүреді және ерте бастан және қарқынды ем жасауды талап етеді. Ауыр инфекциялы аурулар туындағанда лефлуномидпен емді үзіп және «шайып кетіру» емшарасын бастау қажет

болады.

Басқа иммунодепрессанттар арасында лефлуномид алған пациенттерде Үдемелі Мультифокальді Лейкоэнцефалопатия (PML) сирек жағдайлары жарияланды.

Емдеу алдында барлық пациенттер жергілікті ұсынымдарға сәйкес белсенді және белсенді емес (латентті) туберкулездің бар-жоғына тексерілуі тиіс. Бұл аурудың тарихын, туберкулезбен болуы мүмкін алдыңғы қарым-қатынасты және/немесе өкпені рентгенологиялық зерттеу, туберкулинді тест және/немесе интерферон-гамма бөлінуіне талдау сияқты тиісті скринингті қамтуы мүмкін. Медицина қызметкерлері туберкулинді тері сынамасының жалған теріс нәтижелерінің, әсіресе ауыр аурулары бар немесе иммунитеті әлсіреген емделушілерде қаупі туралы есте ұстаған жөн. Туберкулездің реактивациялану қаупіне байланысты туберкулинге оң реакциялы науқастарды мұқият бақылау керек.

Аллергиялық реакциялар

Лефлуномид қабылдаған пациенттерде Стивенс-Джонсон синдромы, уытты эпидермальді некролиз немесе эозинофилия және жүйелік белгілері бар дәрілік реакция (DRESS-синдромы) туындауының өте сирек жағдайлары туралы хабарланған. Тері реакциялары және/немесе шырышты қабық тарапынан реакциялар (ойық жаралы стоматит дамуы) туындаған жағдайдаЭлафражәне сонымен байланысты кез келген басқа препартты қабылдауды тоқтату керек және дереу «шайып кетіру» емшарасын бастау қажет. Препараттың организмнен толық шығарылуына қол жеткізу керек.

Бұған ұқсас жағдайларда Элафраны қайта тағайындауға болмайды.

Лефлуномидті қолданғаннан кейін пустулезді псориаз және псориаздың өршуі туралыхабарланды. Пациенттіңауруымен анамнезін ескере

отырып, емдеуді тоқтатуды қарастыруға болады.
Тыныс алу жүйесі тарапынан реакциялар

Лефлуномидпен емдеу кезінде интерстициальді өкпе процесінің сирек жағдайлары, сондай-ақ өкпе гипертензиясының сирек жағдайлары байқалды. Анамнезінде өкпенің интерстициальды аурулары бар емделушілерде олардың пайда болу қаупі артады. Өкпенің интерстициальды аурулары лефлуномидпен емдеу кезінде өткір туындауы мүмкін ықтимал өліммен аяқталатын аурулар болып табылады. Жөтел мен ентігу сияқты симптомдар лефлуномид қабылдауды және одан әрі тиісті тексеруді тоқтатуға себеп болуы мүмкін.

Шеткі нейропатия

Лефлуномидпен ем қабылдаған пациенттерде перифериялық нейропатия жағдайлары туралы хабарламалар болды. Көптеген пациенттерде перифериялық нейропатия лефлуномидті тоқтатқаннан кейін басылды. Дегенмен, соңғы нәтиженің кең өзгергіштігі байқалды, яғни кейбір пациенттерде перифериялық нейропатия тоқтады, ал басқаларында тұрақты симптомдар болды. 60 жастан асқан, нейротоксикалық препараттарды бірге қабылдау және қант диабеті шеткі нейропатияның даму қаупін арттыруы мүмкін. Лефлуномид қабылдайтын пациенттерде перифериялық нейропатия дамыған кезде лефлуномидпен емдеуді тоқтату және препаратты «шайып кетіру» жүргізу туралы мәселені қараған жөн.

Колит

Лефлуномид алған пациенттерде колит, соның ішінде микроскопиялық колит туралы хабарланған. Лефлуномид қабылдайтын және түсініксіз созылмалы диарея пайда болатын емделушілерде тиісті диагностикалық процедуралар жүргізу қажет.

Артериялық қысым

Лефлуномидпен емдеуді бастамас бұрын және ол басталғаннан кейін мезгіл-мезгіл қан қысымын бақылау керек.

Еркектерге арналған ұсынулар

Элафра қабылдап жүрген еркектер, шаранаға әкесі арқылы берілетін уыттылықтың болуы мүмкіндігі туралыбілуі тиіс. Шарана үшін әкесі арқылы берілетін уыттылық қаупі туралы арнайы деректер жоқ. Лефлуноидті еркектер пайдаланғанда фетоуыттылық туындау қаупі (препараттың әке сперматозоидтарына уытты әсеріне байланысты) туралы деректер жоқ.

Элафра қолдану кезеңінде сенімді контрацепцияны қамтамасыз ету керек.

Еркектерге бала пайда болуын жоспарлау кезінде болуы мүмкін қаупін ең жоғары дәрежеде азайту үшін Элафра қабылдауды тоқтату керек және «шайып кетіру» емшарасын пайдалану керек – 11 күн бойына күніне 3 рет 8 г дозада колестирамин, немесе 11 күн бойына күніне 4 рет 50 г белсендірілген көмір ұнтақ тағайындайды. Басында қан плазмасындағы А771726 белсенді метаболиттіңконцентрациясын өлшейді. 14 күннен кейін плазмалық концентрацияны А771726 қайтадан анықтайды. Екі концентрация да 0.02 мг/л төмен болса және күту кезеңінен кейін кемінде 3 ай - фетоуыттылық қаупі өте аз болады.

Әйелдерге арналған ұсынулар

Бала туатын жастағы әйелдер емдеу барысында және емдеу аяқталғаннан кейін 2 жыл бойына («Күту» кезеңін» қараңыз) немесе емдеу аяқталғаннан кейін 11 күнге дейін («Шайып кетіру» емшарасын» қараңыз) тиімді контрацепциялық дәрілер пайдалануы тиіс.

Қандағы лефлуномидтің белсенді метаболиті концентрациясын тез төмендету үшін дәрілерді шығару бойынша емшаралар қосылыстың ұрыққа қаупін азайтуы мүмкін.

Элафра препаратымен ем бастамас бұрын жүктілік бар-жоқтығын анықтау керек.

Етеккірдің кез келген іркілісі жағдайында немесе жүктілік бар деп болжауға мүмкіндік беретін кез келген басқа да себептер болуындажүктілікке тест тапсыру үшін дереу дәрігерге ол туралы хабарлауы тиіс екенін пациенттерге ескерту керек. Егер ол оң болса, онда дәрігер мен науқас жүктілікке түсетін қауіпті талқылауы тиіс. Етеккірдің іркілген сәтінде-ақ организмнен дәрілік заттың төменде сипатталған емшара көмегімен шығарылуынан қанда белсенді метаболит концентрациясының тез төмендеуі шарананың лефлуномид тарапынан кезігетін қаупін азайтуы мүмкін.

Лефлуномид қабылдайтын және жүкті болғысы келетін әйелдерге шарананың А771726 уытты концентрациясы (белгіленген концентрациясы 0.02 мг/л-ден төмен) әсеріне ұшырамайтынынасенімді болу үшін келесі емшаралардың бірін жүргізу ұсынылады.

«Күту» кезеңі

Қан плазмасындағы А771726 концентрациясы ұзақ уақыт бойы 0.02 мг/л-ден асуы мүмкін және оның концентрациясы лефлуномидпен емдеуді тоқтатқаннан кейін 2 жыл өткеннен кейін 0.02 мг/л-ден төмен болуы мүмкін деп күтуге болады.

А771726 плазмалық концентрациясын бірінші рет екі жылдық "күту" кезеңі өткеннен кейін анықтайды. Бұдан әрі, 14 күндік кезеңнен ерте емес, А771726 плазмалық концентрациясын қайта өлшеу керек. Егер екі өлшем де 0.02 мг/л-ден төмен концентрацияны көрсетсе, онда тератогенді тәуекел күтілмейді.

«Шайып кетіру» емшарасы

Элафрамен емдеу тоқтатылғаннан кейін:

- 11 күн бойына күніне 3 рет 8 г дозада колестирамин, немесе 11 күн бойына күніне 4 рет 50 г белсендірілген көмір ұнтақ қабылдайды.

«Шайып кетірудің» кез келген емшарасынан кейін аралығы 14 күннен аз болмайтын жеке екі тесттің көмегімен бақылау керек және плазмалық концентрациясының 0.02 мг/л төмен бірінші көрсеткішімен ұрықтану арасындағы бір жарым айлық күту кезеңін сақтау керек.

Бала көтеруге қабілетті жастағы әйелдерді жүкті болмас бұрын Элафра препааратымен емді тоқтатқан соң 2 жылдық күту кезеңін сақтау қажеттігі туралы хабардар ету керек. Егер сенімді контрацепция жағдайында 2 жылға жуық ұзақтықтағы күту кезеңі ыңғайсыз болса, профилактикалық «шайып кетіру» емшарасын жүргізуге кеңес беріледі.

Колестирамин және белсендірілген көмір эстрогендердің және прогестогендердің абсорбциясына әсер етуі мүмкін, сондықтан колестирамин және белсенділендірілген көмір ұнтағы көмегімен «шайып кетіру» емшарасы уақытында ішу арқылы қабылдантын контрацепциялық препараттардың сенімділігіне кепілдік болуы мүмкін емес.Контрацепцияның альтернативті әдістерін пайдалану ұсынылады.

Лактоза

Элафра құрамында лактоза моногидраты бар. Галактоза жақпаушылығы, лактаза жеткіліксіздігі немесе глюкоза мен галактоза мальабсорбция синдромы сирек тұқым қуалайтын жай-күйлері бар пациенттер осы препаратты қабылдамауы тиіс.

Иондалған кальций деңгейін анықтауға араласу

Иондалған кальцийдің деңгейін өлшеу иондалған кальцийдің пайдаланылатын анализаторының түріне байланысты (мысалы, қан газдарының анализаторы) лефлуномидпен және/немесе терифлуномидпен (лефлуномидтің белсенді метаболиті) емдеу кезінде жалған азайтылған мәнге әкелуі мүмкін. Осылайша, лефлуномидпен ем қабылдап жүрген емделушілерде иондалған кальцийдің бақыланатын төмен деңгейінің дұрыстығы күмәндануға тиіс. Күмәнді өлшеулер жағдайында альбуминнің құрамына түзетумен қан сарысуындағы кальцийдің жалпы концентрациясын анықтау ұсынылады.

Басқа дәрілік препараттармен өзара әрекеттесуі

Өзара әрекеттесуді зерттеу тек ересектерде жүргізілді.

Жағымсыз реакциялардың күшеюі гепатоуытты немесе гематоуытты препараттарды жақын арада немесе қатарлас қолдану жағдайында немесе бұл препараттарды қабылдауды «шайып кетіру» емшарасынсыз лефлуномидпен емдеуден кейін бастағанда орын алуы мүмкін. Демек, басқа емге көшкеннен кейін бастапқы фазада бауыр ферменттері мен гематологиялық параметрлерді қатаң бақылау қажет.

Лефлуномид және үш фазалы пероральді контрацептивтерді,қабынуға қарсы стероидты емес препараттарды (ҚҚСП),глюкокортикостероидтарды, циметидинді, рифампицинді бір мезгілде қолданғанда клиникалық елеулі өзара әрекеттесуі анықталмаған.

In vitro зерттеулер лефлуномидтің А771726 метаболиті P450 2С9 цитохромының белсенділігін бәсеңсітетінін көрсетті. Лефлуномидті осы ферменттік жүйемен метаболизденетін препараттармен(фенитоин, варфарин, толбутамид) сақтықпен тағайындау керек.

Циметидинмен (Р450 цитохромының спецификалық емес тежегіші) өзара әрекеттесуін зерттеу елеулі өзара әрекеттесу жоқтығын дәлелдейді.

Лефлуномидтің бір реттік дозасын рифампициннің (Р450 цитохромының спецификалық емес индукторы) көп реттік дозасын қабылдаған пациенттерге қатарлас енгізуден кейін А771726 ең жоғары деңгейі шамамен 40%-ға өсті, ал концентрация-уақыт (AUC) қисығы астындағы аудан елеулі өзгермеді. Бұл әсердің механизмі түсініксіз.

Лефлуномид қабылдаушы науқастарға колестирамин немесе белсендірілген көмір беру ұсынылмайды, өйткені бұл қан плазмасындағы А771726 (лефлуномидтің белсенді метаболиті) концентрациясының жылдам және елеулі төмендеуіне алып келеді. Бұл А771726 бауырдағы және аш ішектегі рециркуляциясы бұзылуымен және/немесе оның асқазан-ішек диализі бұзылуымен байланысты деп саналады.

Қазіргі уақытта лефлуномидті ревматологияда пайдаланылатын малярияға қарсы препараттармен (мысалы хлорохин және гидроксихлорин), алтын препараттарымен(б/і немесе пероральді), D-пеницилламинмен, азатиопринмен және басқа даиммунодепрессивті ДЗ (метотрексат бұған қосылмайды) үйлестіре қолдануға қатысты мәліметтер жоқ. Кешенді ем жүргізуге байланысты, әсіресе ұзақ уақыт емдеуге қатысты қаупі белгісіз. Емнің бұған ұқсас түрі қосымша немесе тіпті синергиялық уыттылық дамуына (мысалы гепато- немесе гемауыттылығына)) алып келуі мүмкіндігінен бұл препараттың басқа базистік препараттармен (мысалы метотрексатпен) біріктірілімі жағымсыз.

Лефлуномид (10-20 мг/тәулік) және метотрексаттың (аптасына 10-25 мг)

арасында фармакокинетикалықөзара әрекеттесу анықталмаған.

Потенциалды миелоуытты агенттерді жуық арадағы қатарлас немесе келесі пайдалану гематологиялық әсерінің үлкен дәрежедегі қаупіне байланысты болуы мүмкін. Иммунодепрессанттар инфекциялардың, сондай-ақ қатерлі, әсіресе лимфопролиферативті аурулардың даму қаупін жоғарылатады.

Терифлуномидті лефлуномидпен бір мезгілде қолдану ұсынылмайды, өйткені лефлуномид терифлуномидтің ұқсас қосындысы болып табылады.

Лефлуномидпен емдеу жағдайында вакцинацияның тиімділігі мен қауіпсіздігіне қатысты ешбір клиникалық дерек жоқ. Дегенмен, тірі әлсіреген вакциналармен вакцинациялау ұсынылмайды. Тірі әлсіреген вакциналармен вакцинациялауды жоспарлаған кезде лефлуномидті тоқтатқаннан кейін оның Т_1/2ұзақтығын ескеру керек.

CYP2C8 изоферменті (мысалы, репаглинид, паклитаксел, пиоглитазон немесе росиглитазон) арқылы метаболизденетін дәрілік заттарды бір мезгілде қабылдайтын пациенттерді мұқият бақылау ұсынылады.

CYP1A2 изоферменті (мысалы, дулоксетин, алосетрон, теофиллин және тизанидин) арқылы метаболизденетін препараттармен бірге қолданғанда сақ болу керек, өйткені бұл осы ДЗ тиімділігінің төмендеуіне әкелуі мүмкін.

Лефлуомид пен ОАТЗ субстраттарын бір мезгілде қолданғанда, мысалы, цефаклор, бензилпенициллин, ципрофлоксацин, индометацин, кетопрофен, фуросемид, циметидин, метотрексат, зидовудин, сақ болу ұсынылады.

BCRP басқа субстраттары (мысалы, метотрексат, топотекан, сульфасалазин, даунорубицин, доксорубицин) және органикалық аниондарды тасымалдаушы белок субстраттары (OATP), әсіресе ГМГ-КоА-редуктаза тежегіштері (мысалы, симвастатин, аторвастатин, правастатин, метотрексат, натеглинид, репаглинид, рифампицин) үшін де оларды бірге қолданған кезде сақ болу керек. Пациенттер осы дәрілік заттардың жүйелі экспозициясының ұлғаюын көрсететін белгілер мен симптомдарды анықтау үшін мұқият бақылауда болуы тиіс, сондай-ақ бұл пациенттерде осындай дәрілік заттардың дозасын азайту туралы мәселені қараған жөн.

Арнайы ескертулер

Педиатрияда қолдану

Препараттың ювенильдік ревматоидты артритті емдеудегіқауіпсіздігі мен тиімділігіанықталмағандықтан 18 жастан кіші пациенттер үшін ұсынылмайды.

Фертильділігі

Жануарлардың фертильділігін зерттеу нәтижелері ерлердің және әйелдердің фертильділігіне әсер еткен жоқ, бірақ ерлердің репродуктивті органдарына жағымсыз әсерлер қайталама дозалардың уыттылығын зерттеулерде байқалды.

Жүктілік немесе лактация кезінде

Лефлуномидтің белсенді А771726 метаболиті дамудың ауыр ақауларын тудырады, сондықтан Элафраны жүктілік кезінде қолдануға болмайды.

Жануарларға жүргізілген зерттеулер лефлуномид пен оның метаболиттері емшек сүтіне енетінін көрсетті. Сондықтан Элафраны емшек емізу кезінде қолдануға болмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Бас айналуы сияқты жағымсыз әсерлер туындаған жағдайда науқастың зейін шоғырландыру және талапқа сай реакциялар беру қабілеті бұзылуы мүмкін. Бұндай жағдайларда науқас автокөлікті және қауіпті механизмдердібасқарудан бас тартуы керек.

Қолдану жөніндегі нұсқаулар

Дозалау режимі

Элафра препаратымен емдеу ревматоидтық және псориаздық артритті емдеуде тәжірибесі бар дәрігер бақылауында басталуы тиіс.

Таблеткаларды ішке тұтас жұтып, жеткілікті мөлшердегі сұйықтықпенішіп қабылдайды. Тамақ ішу препараттың сіңуіне әсер етпейді.

Элафрапрепаратымен емдеуді 3 күн бойына 100 мг екпінді дозаны бір рет қабылдаумен бастайды.

Ревматоидты артритте демеуші доза ретінде тәулігіне 1 рет10-20 мгқабылдау, псориаздық артритте - тәулігіне 1 рет20 мг қабылдау ұсынылады.

Әдетте емдік әсері 4-6 аптадан кейін білінеді және одан әрі қарай 4-6 айға дейін ұлғаюы мүмкін.

Жеңіл дәрежедегі бүйрек жеткіліксіздігі бар науқастар үшінпрепаратты дозалауға қатысты ешбір ұсыныстар жоқ.

65 жастан асқан пациенттер үшін дозаны түзету қажет емес.

Сарысудағы АЛТ немесе ГПТ белсенділігі және қан жасушаларының толық талдауы, оның ішінде лейкоциттер мен тромбоциттердің дифференцияланған талдауы бір мезгілде және бірдей жиілікпен тексерілуі тиіс:

- Элафра препаратымен ем бастар алдында

- емдеудің бастапқы алты айы бойына әр екі апта сайын

- содан кейінгі әрбір 8 аптада.

Артық дозалану жағдайында қабылдануы қажет шаралар

Симптомдары: іш ауыруы,жүрек айнуы, диарея, бауыр ферменттерінің деңгейі жоғарылауы,лейкопения, анемия, қышыну және бөртпе.

Емі: артық дозаланған немесе уыттанған жағдайда организмнің тазалануын тездету үшін колестирамин немесе белсендірілген көмір қабылдау ұсынылады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қолданар алдында медициналық қызметкерден кеңес сұраңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден < 1/10-ға дейін), жиі емес (≥ 1/1000-ден < 1/100-ге дейін), сирек (≥ 1/10000-ден < 1/1000-ге дейін), өте сирек (< 1/10000), белгісіз (қолда бар деректер негізінде бағалау мүмкін емес).

Жиі (≥ 1/100-ден < 1/10-ға дейін)

- лейкопения (лейкоциттер саны>2 г/л)

- аллергиялық реакциялар

- тәбет жойылуы, диарея, жүрек айнуы, құсу, іш ауыруы

- колит (лимфоцитарлы колит, коллагенді колит сияқты микроскопиялық колитті қоса алғанда)

- салмақтың аздап кемуі

- шаршағыштық (әлсіздік)

- бас ауыруы, бас айналуы

- парестезиялар

- шеткі нейропатия

- артериялық қысымның орташа жоғарылауы

- ауыз қуысы шырышты қабығының эрозиялық-ойық жаралы зақымдануы

- бауыр функциясының көрсеткіштерінің (трансаминазалардың, әсіресе, АЛТ, сирек – гамма-глутамилтрансфераза (ГГТП), сілтілік фосфатаза (СФ),

билирубинніңжоғарылауы

- креатинфосфокиназа (КФК) деңгейініңжоғарылауы

- шаштың қатты түсуі, экзема, терінің құрғауы, бөртпе, қышыну

- тендовагинит.

Жиі емес (≥ 1/1000-ден < 1/100-ге дейін)

- эритроциттер жәнетромбоциттер санының азаюы(тромбоциттер саны<100г/л)

- қандағы калий, фосфаттар деңгейінің төмендеуі

- мазасыздық

- дәм сезудің бұзылуы

- есекжем

- қандағы холестерин деңгейінің жоғарылауы

-сіңірлердің үзілуі.

Сирек (≥ 1/10000-ден < 1/1000-ге дейін)

- эозинофилия,лейкопения,панцитопения

- жоғары артериялық қысымның ауыр түрі

- бауыр жеткіліксіздігі (гепатит, холестаз, сарғаю)

- инфекцияға сезімталдықтың жоғары болуы, оның ішінде оппортунистік (ішінара, ринит, бронхит және пневмония), сондай-ақ ауыр инфекцияларға, оның ішіндеөліммен аяқталуы мүмкін сепсис

-өкпенің интерстициальді ауруы, оның ішінде өліммен аяқталуы мүмкін интерстициальді пневмонит. Жөтел және ентігу емді тоқтатуға және одан

әрі тексеру жүргізуге негіз болуы мүмкін.

- лактатдегидрогеназа (ЛДГ) белсенділігінің шамалы жоғарылауы.

Өте сирек (< 1/10000)

- агранулоцитоз

- ауыр аллергиялық реакциялар, Стивенс-Джонсон синдромы, уытты эпидермальді некролиз, мультиформалы эритема

- васкулит

- панкреатит

- өлімге әкелуі мүмкін бауыр жеткіліксіздігі және бауырдың жедел некрозы.

Белгісіз (қолда бар деректер негізінде бағалау мүмкін емес)

- гипоурикемия

- бүйрек жеткіліксіздігі

- шауһат концентрациясының, сперматозоидтардың жалпы санының және

жылдам түсу қозғалғыштығының қайтымды төмендеуі

- қатерлі жаңа түзілімдер даму қаупі

- тері қызыл жегі, пустулезді псориаз немесе псориаздың асқынуы, эозинофилия және жүйелік белгілері бар дәрілік реакция (DRESS–синдром)

- өкпе гипертензиясы.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Біртаблетканың құрамында

белсенді зат - 20.0 мг лефлуномид,

қосымша заттар: лактоза моногидраты, орын алмасуы төмен дәрежедегі гидроксипропилцеллюлоза, шарап қышқылы, натрий лаурилсульфаты, магний стеараты,

үлбірлі қабық: поливинил спирті, титанның қостотығы (Е 171), тальк, лецитин, ксантан шайыры.

Сыртқы түрінің, иісінің, дәмінің сипаттамасы

Екі беті дөңес дөңгелек пішінді, ақ немесе ақ дерлік түсті үлбірлі қабықпен қапталған, бір жағында сызығы бар таблеткалар.

Шығарылу түрі және қаптамасы

30 таблеткадан пластик құтыға салынған.

Бір құтыдан медициналық қолдану жөніндегі қазақ және орыс тілдеріндегінұсқаулықпен бірге картон қорапшаға салынған.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

Құрғақ, жарықтан қорғалған жерде, 25⁰С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Хаупт Фарма Мюнстер ГмбХ, Германия

48159, Мюнстер, Шлеебрюггенкамп, 15

Тіркеу куәлігінің ұстаушысы

Ромфарм КомпаниС.Р.Л., Румыния

Ероилор к-сі, №1А,Отопень қ.,

тел. +4 021 350 46 40,факс: +4 021 350 46 41.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ROMPHARM COMPANY» СРЛ («РОМФАРМ КОМПАНИ» СРЛ) Қазақстан Республикасындағы Коммерциялық Қоғамөкілдігі,

050013, Алматы қ., Бұқар Жырау бульвары, 33 үй, «Жеңіс» БО, 41 кеңсе,

телефон: 8 (727) 247-07-85, факс: 8 (727) 376-35-88,

электронды пошта: amangul-62@mail.ru

Дәріханалар