Біздің компаниямыз жайлы жалпы ақпарат.
Дәрілік препаратты медициналық қолдану
жөніндегі нұсқаулық (Қосымша парақ)
Дип Рилиф
Халықаралық патенттелмеген атауы
Жоқ
Дәрілік түрі, дозалануы
Сыртқа қолдануға арналған гель, 15 г, 50 г, 100 г
Фармакотерапиялық тобы
Сүйек-бұлшықет жүйесі. Буындар мен бұлшықеттің ауыруы кезінде жергілікті қолданылатын препараттар. Басқалары.
АТX коды: М02AX10
Қолданылуы
- бұлшықет және буын ауыруын, байламдардың созылуы, соғылулар, спорттық жарақаттар кезінде жергілікті симптоматикалық емдеуде.
- ревматизм кезіндегі ауыру синдромын кешенді емдеуде.
- тек сыртқа қолдануға арналған. Ересектерге, егде жастағы тұлғаларға және 12 жастан асқан балаларға арналған
Қолданудың басталуына дейінгі қажетті мәліметтер тізбесі
Қолдануға болмайтын жағдайлар
- ибупрофен, левоментол, ацетилсалицил қышқылы немесе препараттың басқа да компоненттеріне, не басқа да ҚҚСП-ға жоғары сезімталдық
- ацетилсалицил қышқылын немесе басқа да ҚҚСП қабылдау түрткі болған бронх демікпесі
- зақымданған немесе қабынған тері
- жергілікті инфекцияның болуы
- бір аумаққа жергілікті қолдануға арналған басқа да дәрілік заттармен бір мезгілде қолдану
- жүктіліктің соңғы триместрі
- 12 жасқа дейінгі балаларға.
Басқа дәрілік препараттармен өзара әрекеттесуі
Ацетилсалицил қышқылы немесе басқа ҚҚСП бір мезгілде қолдану қажетсіз жағымсыз әсерлерінің туындау қаупін ұлғайтуы мүмкін. Қалыпты жағдайдағы жүйелік сіңірілуінің төмендігін ескере отырып, ішу арқылы қабылданатын ҚҚСП үшін сипатталған өзара әрекеттесулері күтілмейді.
Арнайы ескертулер
Қолданар алдында терінің бір кішкентай жеріне тексеріп көру қажет. Препаратты көзге және шырышты қабыққа тигізіп алмау керек. Гельді қабынған немесе зақымданған теріге жағуға болмайды.
Бөртпе немесе тітіркену пайда болғанда, қолдануды тоқтату қажет.
Жаққаннан кейін окклюзиялық (ауа өткізбейтін) таңғышты тағуға болмайды.
ДипРилифті қолданғаннан кейін, егер ол емдеу объектісі болып табылмаса, қолды әрдайым жуып отыру керек.
Жағымсыз әсерлерін емдеу ұзақтығы ең қысқа уақыттың ішінде ең төменгі тиімді дозаны қолдана отырып, азайтуға болады.
Гельді кездейсоқ жұтып қойғанда дәрігерге көрінген жөн.
Жағымсыз әсерлері пайда болғанда, егер дәрілік затты қолдану уақытында жақсару болмаса немесе жағдайы нашарлап бара жатса, дәрігерге қаралу керек.
Препарат дәрігердің рецептісінсіз босатылады.
Дип Рилиф препаратының құрамында әсер ететін зат ретінде циклооксигеназа синтезінің тежегіші болып табылатын ибупрофен болады, бұның орын алу ықтималдығы өте аз болғанымен, жүйелі өтуі кезінде фертилдікке әсер етуі мүмкін.
Дип Рилиф жүкті болуда проблемалары бар немесе бедеулік жағынан тексеріліп жүрген әйелдерге қолдануға ұсынылмайды.
Педиатрияда қолдану
12 жасқа дейінгі балаларға қолдануға болмайды.
Жүктілік немесе лактация кезеңінде
Ибупрофенді жүктіліктің алғашқы алты айы ішінде жергілікті емдеуге арналған препараттардың құрамында қолдануға болмайды.
Ибупрофен мен оның метаболиттері емшек сүтіне бөлінеді, сондықтан бала емізіп жүрген уақытта қолдануға ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Жергілікті қолдануға арналған ибупрофенді пайдалану автомобиль басқару және механизмдермен жұмыс істеу қабілетіне әсер етпейді.
Қосымша заттарға қатысты айрықша нұсқаулар, мысалы кейбір қанттардың жақпаушылығында
Мәлімет жоқ.
Қолдану бойынша ұсыным
Дозалану режимі
Бір реттік доза: гель (50 г және 100 г сықпадағы 1-4 см гель, 15 г сықпадағы 4-10 см гель).
Ең жоғарғы бір реттік доза: гель (50 г және 100 г сықпадағы 4 см гельден асырмай, 15 г сықпадағы 10 см гельден асырмай).
Тәуліктік және ең жоғарғы тәуліктік доза: күніне 3 реттік жағудан аспау керек.
Енгізу тәсілі және жолы: ауырған аймаққа гельді жағып, сіңгенге дейін ысқылау керек.
Қолдану уақыты көрсетілген қолдану жиілігі: әр қолдану арасындағы 4 сағаттан кем емес аралықты сақтай отырып, қажеттілігіне қарай қайталаңыз.
Емдеу ұзақтығы: егер екі аптадан соң жақсару байқалмаса, дәрігерге қаралыңыз.
Артық дозалану жағдайында қабылдау қажет болатын шаралар
Жергілікті қолданғанда артық дозалану ықтималдығы аз.
Ибупрофенге байланысты симптомдар: жүрек айну, бас ауыру, ұйқышылдық, артериялық гипотензия.
Емі: симптоматикалық. Электролиттік теңгерімді түзету ұсынылады.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет кезде)
Жиілік санаты клиникалық зерттеулер деректері негізінде тіркелген жиілікке сәйкес жағымсыз реакцияның әрбір түрі үшін анықталады: Өте жиі (≥1/10), Жиі (≥1/100 <1/10 дейін), Жиі емес (≥1/1000 <1/100 дейін), Сирек (≥1/10000 <1/1000 дейін), Өте сирек (<1/10000)
Жиі (≥1/100 <1/10 дейін)
- тері тарапынан болатын бұзылулар: бөртпе, қышыну, есекжем, терінің құрғауы, қызару, ашытуды сезіну, жанаспалы дерматит.
Сирек(≥1/10000 <1/1000 дейін)
Ибупрофенмен байланысты аса жоғары сезімталдық реакциялары:
- спецификалық емес аллергиялық және анафилаксиялық реакциялар
- тыныс алу жолы тарапынан болатын жоғары сезімталдық реакциялары: демікпе, демікпенің өршуі, бронх демікпесімен немесе дәрілік затты пайдаланған сәтте аллергиялық аурулармен ауырып жүрген немесе анамнезінде осы аурулар бар пациенттерде туындауы мүмкін бронх түйілуі және ентігу
- тері жабындары тарапынан болатын әртүрлі бұзылулар: бөртпе, қышыну, есекжем, пурпура, ангионевроздық ісіну, сиректеу буллезді дерматоздар (эпидермалық некролиз, мультиморфты эритема).
Өте сирек (≥1/10000 <1/1000 дейін)
- ҚҚСП жергілікті қолданғанда гельдің жағылған мөлшеріне, өңделетін беткейдің ауқымына, терінің бүтіндік дәрежесіне, емдеу ұзақтығы мен окклюзиялық таңғыштың пайдаланылуына байланысты іштің ауыруы, диспепсия, бүйрек жеткіліксіздігі сияқты жүйелік әсерлері байқалуы мүмкін.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
«Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті» «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
1 г гель құрамында
белсенді заттар:ибупрофен 50 мг,
левоментол 30 мг,
қосымша заттар: тазартылған су, денатурацияланған этанол 96%, пропиленгликоль, диизопропаноламин, карбомер.
Сыртқы түрінің, иісінің, дәмінің сипаттамасы
Ментол иісі бар, көрінетін бөлшектерсіз, түссізден сарғыш түске дейінгі мөлдір гель.
Шығарылу түрі және қаптамасы
15 г, 50 г немесе 100 г гельден полиэтиленнен жасалған бұрандалы қақпағы бар алюминий сықпада.
1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.
Сақтау мерзімі
3 жыл.
Жарамдылық мерзімі өткеннен кейін қолдануға болмайды.
Сақтау шарттары
25 0С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Дәрігердің рецептісінсіз
Өндіруші туралы мәліметтер
Ментолатум Компани Лимитед,
1 Редвуд Авеню, Пил Парк Кампус, Ист Килбрайд G74 5PE,
Шотландия, Ұлыбритания,
тел:. 01355 848484.
Тіркеу куәлігінің ұстаушысы
Ментолатум Компани Лимитед, 1 Редвуд Авеню, Пил Парк Кампус,
Ист Килбрайд G74 5PE, Шотландия, Ұлыбритания, тел:. 01355 848484.
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
Дельта Медикел Промоушнз АГ (Швейцария) өкілдігі
050040, Алматы қ., Бостандық ауданы, Байзақов к-сі, 280 үй
Tел./факс +7 (727) 332 20 79
Электронды пошта: drugsafety@deltaswiss.eu
