Біздің компаниямыз жайлы жалпы ақпарат.
Дәрілік препараттың медициналық қолдану жөніндегі нұсқаулық
Саудалық атауы
Бетак
Халықаралық патенттелмеген атауы
Бетаксолол
Дәрілік түрі, дозасы
Үлбірлі қабықпен қапталған таблеткалар, 10 мг
Фармакотерапиялық тобы
Жүрек-қантамыр жүйесі. Бета-адреноблокаторлар. Селективті бета-блокаторлар. Бетаксолол
АТХ коды С07АВ05
Қолданылуы
- артериялық гипертензия
- тұрақты кернеу стенокардиясы ұстамаларының профилактикасы
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Емді тоқтату және «Тоқтату синдромы»
Пациент бетаксололмен емдеуді күрт тоқтатпау керек және дәрігермен алдын-ала кеңесусіз ұсынылған дозаны өзгертпеу керек екендігі туралы хабардар болуы тиіс, өйткені бұл жүрек қызметінің уақытша нашарлауына әкелуі мүмкін.
Бетаксололмен емдеуді, әсіресе ЖИА бар пациенттерде кенеттен тоқтатпаған жөн. Кенеттен тоқтату жүрек ырғағының ауыр бұзылуына, миокард инфарктісіне немесе жүрек тоқтауына әкелуі мүмкін. Дозаны біртіндеп, яғни 2 апта ішінде азайту керек, қажет болса стенокардия ұстамаларының жиілеуін болдырмау үшін басқа антиангинальді дәрімен орын басу емін бір мезгілде бастауға болады.
Бетаксолол қабылдайтын пациенттерде мыналарды бақылау керек: ЖЖЖ және АҚ (емдеудің басында күн сайын, содан кейін - 3-4 айда 1 рет), қант диабеті бар пациенттерде қандағы глюкоза концентрациясы (4-5 айда 1 рет), егде пациенттерде бүйрек функциясы (4-5 айда 1 рет). Пациентті жүрек соғу жиілігін есептеу әдісіне үйрету керек, ал пациентке жүрек соғу жиілігі минутына 50 соққыдан аз болған кезде дәрігерге бару қажеттілігі туралы нұсқау беру керек.
Стенокардиясы бар пациенттердің 20%-ға жуығында бета-блокаторлар тиімсіз. Негізгі себептер - ишемияның шегі төмен ауыр коронарлық атеросклероз (стенокардия ұстамасының даму кезіндегі ЖЖЖ минутына100 соққыдан аз) және субендокардиальді қан ағысын бұзатын сол жақ қарыншаның соңғы диастолалық қысымының жоғарылауы. Клонидинді бір мезгілде қабылдаған кезде оны қабылдау бетаксололды тоқтатқаннан кейін бірнеше күннен кейін ғана тоқтатылуы мүмкін.
Бетаксололдың зертханалық зерттеу нәтижелеріне әсері
Бетаксололды қан мен несептегі катехоламиндердің, норметанефриннің және ванилинминдаль қышқылының концентрациясын, сондай-ақ қандағы антинуклеарлық антиденелердің титрлерін зерттеу алдында тоқтату керек.
Бронх демікпесі және өкпенің созылмалы обструктивті ауруы
Бета-адреноблокаторлар бронх демікпесі және өкпенің созылмалы обструктивті ауруы бар пациенттерге тек орташа ауыр ағыммен тағайындалуы мүмкін. Емдеуді шағын дозалардан және сыртқы тыныс алу функциясының көрсеткіштерін бақылаумен бастаған жөн; бетаксололмен емдеу аясында бронх демікпесі ұстамасы пайда болған кезде ұстаманы басу үшін бета2-адреномиметиктерді қолдануға болады.
Жүрек жеткіліксіздігі
Терапиялық тұрғыдан бақыланатын жүрек жеткіліксіздігі бар пациенттерде бетаксолол қажет жағдайда өте аз бастапқы дозаларда қатаң медициналық бақылаумен қолданылуы мүмкін, қажет жағдайда және көтере алатын жағдайында (созылмалы жүрек жеткіліксіздігінің компенсацияланған күйін сақтау).
Брадикардия
Егер демалу кезінде ЖЖЖ минутына 50-55 соққыдан аз болса, бетаксолол препаратының дозасын азайту керек.
I дәрежедегі атриовентрикулярлық блокада
Бета-адреноблокаторлардың теріс дромотропты әсерін ескере отырып, I дәрежедегі атриовентрикулярлық блокада кезінде препаратты сақтықпен қолдану керек. ЭКГ-бақылауды қоса, мұқият бақылау қажет.
Принцметал стенокардиясы
Бета-блокаторлар Принцметал стенокардиясы бар пациенттерде ұстамалардың жиілігі мен ұзақтығын арттыруы мүмкін. Кардиоселективті бета, - адреноблокаторларды қолдану Принцметал стенокардиясының немесе аралас типті стенокардияның ауырлық дәрежесінің жеңіл дәрежесінде емдеу вазодилататорлармен бірге жүргізілген жағдайда мүмкін болады.
Шеткері қан айналымының бұзылуы
Бета-адреноблокаторлар шеткері қан айналымы бұзылған (Рейн ауруы немесе Рейн синдромы, артериит немесе аяқ артерияларының созылмалы облитерациялаушы аурулары) пациенттер жағдайының нашарлауына алып келуі мүмкін.
Феохромоцитома
Феохромоцитомадан туындаған артериялық гипертензияны емдеу кезінде бета-адреноблокаторларды қолданған жағдайда АҚ мұқият бақылау талап етіледі. Бетаксололды тағайындау альфа-адреноблокаторларды қолдану аясында ғана мүмкін болады.
Егде жастағы пациенттер
Егде жастағы пациенттерді емдеуді шағын дозалардан және мұқият медициналық бақылаудан бастау керек.
Бүйрек жеткіліксіздігі бар пациенттер
Дозаны қан сарысуындағы креатинин концентрациясына немесе креатинин клиренсіне байланысты түзету қажет. КК 20 мл/мин астам болғанда емдеудің алғашқы 4 күні ішінде пациентті мұқият бақылау талап етіледі; КК 20 мл/мин аз болған және/немесе гемодиализ жүргізген кезде дозалау режимін түзету талап етіледі.
Бауыр жеткіліксіздігі бар пациенттер
Бауыр жеткіліксіздігі кезінде емдеудің басында анағұрлым мұқият клиникалық бақылау талап етіледі.
Қант диабеті бар пациенттер
Қант диабеті бар пациенттерде емдеудің басында пациенттің белсенді өзін-өзі бақылауын қоса, қандағы глюкоза концентрациясын тұрақты бақылау қажет. Пациент бетаксолол гипогликемияның бастапқы симптомдарын (әсіресе тахикардия, жүрек қағуы және қатты терлеу) бүркемелеуі мүмкін екендігінен хабардар болуы керек.
Псориаз
Препаратты қолдану қажеттілігін мұқият бағалау қажет, өйткені бета-адреноблокаторлармен емдеу кезінде псориаз ағымының ауырлауы туралы хабарламалар бар.
Аллергиялық реакциялар
Бета-блокаторлар аллергендерге сезімталдықты және бета-адреноблокаторлардың әсерінен адренергиялық компенсаторлық реттеудің әлсіреуіне байланысты анафилаксиялық реакциялардың ауырлығын арттыруы мүмкін. Анафилаксиялық реакцияларды эпинефринмен (адреналинмен) емдеу үнемі күтілетін емдік әсер бермейді.
Ауыр анафилаксиялық реакциялардың дамуына бейім пациенттерде, әсіресе құрамында йод бар контрастылы заттарды, флоктафенинді қолданумен байланысты немесе десенсибилизация жүргізу кезінде бета-адреноблокаторлармен емдеу реакциялардың одан әрі күшеюіне және емдеу тиімділігінің төмендеуіне әкелуі мүмкін.
Хирургиялық араласу және жалпы анестезия
Жалпы анестезия жүргізу кезінде бетаадренорецепторлар блокадасының пайда болу қаупін (ЖЖЖ төмендеуі, жүрек лықсуының төмендеуі, систолалық және диастолалық қан қысымының төмендеуі) ескеру керек.
Бета-адреноблокаторлар рефлекторлық тахикардияны бүркемелейді және артериялық гипотензияның даму қаупін арттырады. Бета-адреноблокаторлармен емдеуді жалғастыру аритмия, миокард ишемиясы және гипертониялық криздердің даму қаупін азайтады. Анестезиолог-дәрігерге пациент бета-блокаторлармен ем алатындығын хабарлау керек.
Жалпы алғанда, операция алдындағы кезеңде бета-адреноблокаторларды қабылдауды айқын қажеттіліксіз тоқтату ұсынылмайды.
Егер хирургиялық араласудан бұрын бетаксололмен емдеуді тоқтату қажет болса, мұны біртіндеп жасау керек және жалпы анестезия жүргізуге дейін 48 сағат бұрын аяқтау керек, себебі емді 48 сағатқа тоқтату рецепторлардың катехоламиндерге сезімталдығын қалпына келтіруге мүмкіндік береді.
Бета-адреноблокаторлармен емдеу кейбір жағдайларда тоқтатылуы мүмкін емес:
- коронарлық жеткіліксіздігі бар пациенттерде бета-адреноблокаторлардың кенеттен тоқтатылуына байланысты қауіпті ескере отырып, емдеуді хирургиялық араласуға дейін жалғастырған жөн:
- шұғыл хирургиялық араласулар жағдайында немесе емдеуді тоқтату мүмкін болмаған жағдайларда пациентті қажет жағдайда қайталай отырып, атропинмен тиісті премедикация жолымен кезбе жүйкенің қозу салдарларынан қорғау керек.
Мұндай пациенттерде жалпы анестезия үшін өте төмен дәрежеде миокардты бәсеңдететін заттарды қолданған жөн және қан жоғалтудың орнын толтырған жөн.
Анафилаксиялық реакциялардың даму қаупін ескеру қажет.
Тиротоксикоз
Бета-адреноблокаторлар тиротоксикоз симптомдарын бүркемелеуі мүмкін.
Спортшылар
Спортшылар препараттың құрамында допингтік бақылау тестілерін жүргізу кезінде оң реакция бере алатын әсер етуші зат бар екенін ескеруі тиіс.
Алкоголь
Емдеу кезінде алкоголь тұтынудан аулақ болу керек.
Глаукома
Бета-адреноблокаторлар көзішілік қысымды төмендетеді және глаукоманың болуына скринингтік тестілерге әсер етуі мүмкін. Пациент офтальмологқа бетаксололды қабылдайтыны туралы хабарлауы керек. Бета-адреноблокаторларды қабылдайтын немесе оларды көз тамшылары ретінде қолданатын пациенттер бета-адреноблокаторлардың потенциалды аддитивті әсеріне байланысты дәрігердің бақылауында болуы тиіс.
Жанаспалы линзалар
Жанаспалы линзаларды пайдаланатын пациенттер бета-адреноблокаторлармен емдеу аясында көз жасы сұйықтығының өндірілуі төмендеуі мүмкін екенін ескеруі тиіс.
Темекі шегу
Темекі шегетін пациенттерде бета-блокаторлардың тиімділігі төмен.
Лактоза моногидраты
Бұл препараттың құрамында лактоза моногидраты бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды.
Басқа дәрілік препараттармен өзара әрекеттесуі
Қолдануға болмайтын біріктірілімдер
Флоктафенинмен
Флоктафенинге байланысты шок немесе артериялық гипотензия жағдайында бета-адреноблокаторлар компенсаторлық жүрек-қантамыр реакцияларының төмендеуіне әкеледі.
Сультопридпен
Брадикардияның дамуын индукциялайтын қосымша әсерге байланысты жүрек автоматизмінің бұзылуы (айқын брадикардия).
Ұсынылмайтын біріктірілімдер
Амиодаронмен
Жиырылғыштықтың, автоматизмнің және өткізгіштіктің бұзылуы (симпатикалық компенсаторлық механизмдердің бәсеңдеуі).
Жүрек гликозидтерімен
Брадикардияның, атриовентрикулярлық блокаданың, жүрек тоқтауының даму немесе өршу қаупі.
МАО тежегіштерімен
Бетаксололдың гипертензияға қарсы әсерінің едәуір күшеюінің салдарынан МАО тежегіштерімен бір мезгілде қолдану ұсынылмайды, МАО тежегіштерін және бетаксололды қабылдау арасындағы аралық кемінде 14 күнді құрауы тиіс.
Финголимодпен
Финголимод бета-адреноблокаторлардың теріс хронотропты әсерін күшейтуі және айқын брадикардияға әкелуі мүмкін. Финголимод пен бетаксололды бір мезгілде қолдану ұсынылмайды. Көрсетілген препараттарды бір мезгілде қолдану қажет болғанда пациенттің жағдайын мұқият бақылау талап етіледі. Стационар жағдайында біріктірілген емді бастау және тиісті мониторингті жүзеге асыру ұсынылады (ЖЖЖ ұзақ бақылау, кем дегенде, финголимодты және бета-блокаторды алғашқы бір мезгілде қабылдағаннан кейін келесі күні таңертеңге дейін көрсетіледі).
Сақтықпен қолдану керек біріктірілімдер
Галогені бар ингаляциялық анестетиктермен
Бета-адреноблокаторлар компенсаторлық жүрек-қантамыр реакцияларын азайтады (бета-адренергиялық рецепторлардың тежелуін бета-адреномиметиктерді енгізу кезінде азайтуға болады). Әдетте, бета-адреноблокаторлармен емдеу тоқтатылмайды және кез келген жағдайда бета-адреноблокаторларды күрт тоқтатудан аулақ болу керек. Анестезиолог-дәрігерге бета-блокаторды қабылдайтыны туралы хабарлау қажет.
«Баяу» кальций өзекшелерінің блокаторларымен (бепридил, дилтиазем и мибефрадил)
Автоматизмнің бұзылуы (айқын брадикардия, синус түйінінің тоқтауы), атриовентрикулярлық өткізгіштіктің бұзылуы, жүрек жеткіліксіздігі [синергетикалық (өзара күшейетін) әсерлер]. Мұндай біріктірілім тек мұқият клиникалық және электрокардиографиялық бақылаумен, әсіресе егде пациенттерде немесе емнің басында қолданылуы мүмкін.
Дилтиаземмен
Дилтиаземмен бета-адреноблокаторларды бір мезгілде қолдану кезінде депрессияның даму қаупінің жоғарылауы туралы хабарланды.
Пропафенонмен және ІА класты аритмияға қарсы дәрілермен (хинидин, гидрохинидин және дизопирамид)
Жиырылғыштықтың, автоматизмнің және өткізгіштіктің бұзылуы (симпатикалық компенсаторлық механизмдердің бәсеңдеуі). Клиникалық және электрокардиографиялық бақылау талап етіледі.
Баклофенмен
Бетаксололдың гипертензияға қарсы әсерінің күшеюі. АҚ бақылау және қажет болса бетаксолол дозасын түзету қажет.
Инсулинмен және ішке қабылдауға арналған гипогликемиялық дәрілермен, сульфонилмочевина туындыларымен
Барлық бета-адреноблокаторлар гипогликемияның белгілі бір симптомдарын, мысалы, жүрек қағуы мен тахикардияны бүркемеленуі мүмкін.
Пациентке қандағы глюкоза концентрациясын, оның ішінде пациенттердің белсенді өзін-өзі бақылауын, әсіресе емдеудің басында тұрақты бақылауды күшейту қажеттілігі туралы ескертілуі тиіс.
Лидокоинмен (10% ерітінді, аритмияға қарсы дәрі ретінде вена ішіне)
Жүрек-қантамыр жүйесі тарапынан жағымсыз неврологиялық симптомдар мен әсерлерді (бауырдағы лидокаин метаболизмінің төмендеуі) ықтимал күшейте отырып, қан плазмасындағы лидокаин концентрациясының ұлғаюы. Бета-адреноблокаторлармен емдеу кезінде және оны тоқтатқаннан кейін клиникалық және электрокардиографиялық бақылау және қан плазмасындағы лидокаин концентрациясын бақылау ұсынылады. Қажет болса лидокаин дозасын түзету жүргізіледі.
Құрамында йод бар контрастылы заттармен
Құрамында йод бар контрастылы заттарды енгізу кезінде шок дамыған немесе АҚ күрт төмендеген жағдайда бета-адреноблокаторлар компенсаторлық жүрек-қантамыр реакцияларын азайтады. Егер мүмкін болса, онда құрамында йод бар контрастылы дәрілерді қолдана отырып рентгенографиялық зерттеу жүргізер алдында бета-адреноблокатормен емдеуді тоқтату керек. Бета-адреноблокатормен емді жалғастыру қажет болған жағдайда дәрігер қарқынды ем жүргізу үшін тиісті жағдайларды қамтамасыз етуі тиіс.
«Пируэт» типті полиморфты қарыншалық тахикардияны қоса, жүрек ырғағының қарыншалық бұзылыстарын туындатуға қабілетті препараттармен
Бетаксололды мынадай препараттармен бір мезгілде қолданғанда жүрек ырғағының қарыншалық бұзылу, атап айтқанда «пируэт» типті полиморфты қарыншалық тахикардия қаупінің ұлғаюы:
Бетаксололды көрсетілген дәрілік заттармен бір мезгілде қолданғанда мұқият клиникалық және электрокардиографиялық бақылау талап етіледі.
Холинэстераза тежегіштерімен (донепезил, галантамин, неостигмин, пиридостигмин, ривастигмин)
Брадикардияның күшею қаупі (аддитивті әсер). Тұрақты клиникалық бақылау талап етіледі.
Орталықтық әсер ететін гипотензиялық дәрілермен (клонидин, альфа-метилдопа, гуанфацин, моксонидин, рилменидин)
Брадикардияның даму қаупінің жоғарылауы, атриовентрикулярлық өткізгіштіктің бұзылуы. Орталықтық әсер ететін гипотензиялық дәріні күрт тоқтату кезінде АҚ елеулі жоғарылауы. Гипотензиялық дәріні күрт тоқтатудан аулақ болу және клиникалық бақылау жүргізу қажет.
Назарға алу керек біріктірілімдер
Циклооксигеназа-2 (ЦОГ-2) селективті тежегіштерін қоса, қабынуға қарсы стероидты емес препараттармен (ҚҚСП) (жүйелі әсері бар препараттармен)
Бетаксололдың гипертензияға қарсы әсерінің төмендеуі (ҚҚСП простагландиндер синтезін тежейді және пиразолон туындылары бола отырып, су мен натрийдің кідіруіне әкеледі).
Дигидропиридиндер тобындағы (нифедипин) «баяу» кальций өзекшелерінің блокаторларымен
«Баяу» кальций өзекшелерінің блокаторлары мен бетаксололдыңгипертензияға қарсы әсерінің өзара күшеюі, латентті немесе бақыланбайтын жүрек жеткіліксіздігі бар пациенттерде жүрек жеткіліксіздігінің дамуы. Бета-адреноблокаторлармен емдеу дигидропиридиндер тобындағы «баяу» кальций өзекшелері блокаторларының әсерінен вазодиляцияға жауап ретінде симпатикалық жүйке жүйесінің рефлекторлық белсенділігін төмендетуі де мүмкін.
Трициклдік андидепрессанттармен (имипрамин типі), нейролептиктермен
Бетаксололдың гипертензияға қарсы әсерінің күшеюі және ортостаздық гипотензияның даму қаупі (аддитивті әсер).
Мефлохинмен
Брадикардияның даму қаупі (аддитивті әсер).
Дипиридамолмен (вена ішіне енгізу)
Бетаксололдың гипертензияға қарсы әсерінің күшеюі.
Урологияда қолданылатындарды қоса, альфа-адреноблокаторлармен (альфузозин, доксазозин, празозин, тамсулозин, теразозин)
Бетаксололдың гипертензияға қарсы әсерінің күшеюі. Ортостаздық гипотензия қаупінің жоғарылауы.
Амифостинмен
Бетаксололдың гипертензияға қарсы әсерінің күшеюі.
Иммунотерапия үшін қолданылатын аллергендермен немесе тері сынамалары үшін аллерген экстрактілерімен
Бетаксолол қабылдайтын пациенттерде ауыр жүйелі аллергиялық реакциялардың немесе анафилаксияның жоғары туындау қаупі.
Фенитоинмен (вена ішіне енгізу)
Кардиодепрессиялық әсер айқындығының және АҚ төмендеу ықтималдығының жоғарылауы.
Ксантиндермен
Бетаксолол ксантиндер (дифиллиннен басқа) клиренсін төмендетеді және, әсіресе теофиллин клиренсі бастапқыдан жоғары пациенттерде (мысалы, темекі шегудің әсерінен) олардың қан плазмасындағы концентрациясын арттырады.
Эстрогендермен
Бетаксололдың гипертензияға қарсы әсерінің әлсіреуі (натрий мен судың кідіруі).
Глюкокортикостероидтармен және тетракозактидпен
Бетаксололдың гипертензияға қарсы әсерінің бәсеңдеуі (глюкокортикостероидтар мен тетракозактидтің әсерінен натрий мен судың кідіруі есебінен).
Диуретиктермен
АҚ шамадан тыс төмендеуі мүмкін.
Деполяризацияланбайтын миорелаксанттармен
Бетаксолол деполяризацияланбайтын миорелаксанттардың әсерін ұзартады.
Кумариндермен
Кумариндердің антикоагулянттық әсерінің күшеюі.
Этанолмен (алкоголь), седативті және ұйықтататын дәрілік заттармен
Орталық жүйке жүйесі тежелуінің күшеюі.
Гидратталмаған қастауыш алкалоидтарымен
Гидратталмаған қастауыш алкалоидтары бетаксололды қабылдау кезінде шеткері қан айналымы бұзылыстарының даму қаупін арттырады.
Симпатомиметиктермен
Бета-блокаторлар әсерінің төмендеу қаупі
Синустық түйіннің тоқтауын индукциялайтын препараттармен
Синустық түйіннің тоқтауы Бетак препаратын қоса, бета-адреноблокаторлармен, синустық түйіннің тоқтауын тудыруы мүмкін препараттармен бір мезгілде қолданған кезде мүмкін болады.
Арнайы ескертулер
Педиатрияда қолдану
Бетаксололды балаларда қолданудың қауіпсіздігі мен тиімділігі анықталмаған, сондықтан препаратты 18 жасқа дейінгі балаларда қолдану ұсынылмайды.
Жүктілік және лактация кезінде қолдану
Бета-блокаторлар плацентарлы қан айналымын азайтуға қабілетті, бұл жатырішілік өлімге, шарананың өлі туылуына, түсік түсіруге немесе мерзімінен бұрын босануға әкелуі мүмкін. Сондай-ақ, шаранада жағымсыз реакциялар (атап айтқанда гипогликемия және брадикардия) пайда болуы мүмкін.
Бетаксололды жүктілік кезінде қолдану пайда/қауіп бағаланғаннан кейін аса қажет болған жағдайда ғана мүмкін болады.
Егер анасы жүктілік кезінде бета-блокаторлармен емделсе, олар туылғаннан кейінгі бірнеше күн ішінде нәрестеге әсер етуі мүмкін, босанғаннан кейінгі кезеңде жүрек және өкпе асқынуларының пайда болу қаупі бар. Нәрестеде жүрек жеткіліксіздігі пайда болған жағдайда қарқынды емдеу бөлімшесіне жатқызу қажет. Плазманы алмастырғыштарды қолдану ұсынылмайды (жедел өкпе ісінуінің пайда болу қаупіне байланысты). Брадикардия, тыныс алу жеткіліксіздігі, гипогликемия жағдайлары да байқалды.
Босанғаннан кейінгі алғашқы 3-5 күн ішінде нәрестені мамандандырылған бөлімшеде (жүрек ырғағы, қандағы глюкоза деңгейі) мұқият қадағалау қажет.
Бетаксолол емшек сүтіне шығарылады, сондықтан препаратты қабылдаған кезде емшек емізу ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Бетак препаратын қабылдау кезінде көлік құралдарын немесе басқа да қауіпті механизмдерді басқару кезінде сақ болу керек (бас айналуы, әлсіздіктің даму қаупіне байланысты, бұл зейін қою мен қызмет түрлеріне қажетті психомоторлық реакциялардың жылдамдығын төмендетуі мүмкін).
Қолдану жөніндегі нұсқаулар
Дозалау режимі
Артериялық гипертензия: артериялық гипертензияның жеңіл дәрежесінде бастапқы доза тәулігіне 1 рет 10 мг құрайды. Қажет болса, 7-14 күннен кейін дозаны 20 мг-ға дейін арттыруға болады. Орташа гипертензия кезінде стандартты доза тәулігіне 1 рет 20 мг құрайды. 20 мг асатын доза жағатын жағдайда да, гипертензияға қарсы әсерді күшейтпейді.
Тұрақты стенокардия ұстамаларының профилактикасы: стандартты доза тәулігіне 20 мг. Кейбір жағдайларда клиникалық әсерге байланысты дозаны 40 мг дейін арттыруға болады.
Пациенттердің ерекше топтары
Егде жастағы пациенттер
Бастапқы доза 5 мг құрайды.
Бүйрек жеткіліксіздігі бар пациенттер
Креатинин клиренсі 20 мл/мин артық болған кезде дозаны түзету талап етілмейді, алайда емдеу басталғаннан бастап 1 апта ішінде клиникалық бақылау ұсынылады.
Креатинин клиренсі 20 мл/мин төмен пациенттерде және гемодиализдегі немесе перитонеальді диализдегі пациенттерде бастапқы доза 5 мг құрайды
Тәулігіне 1 рет (диализдің жиілігі мен уақытына қарамастан). Қажет болса, 7-14 күн сайын дозаны 5 мг-ға, ең көбі 20 мг-ға дейін арттырады.
Бауыр жеткіліксіздігі бар пациенттер
Дозаны түзету талап етілмейді, бірақ емнің басында стационарда бақылау ұсынылады.
Енгізу әдісі және жолы
Ішуге арналған таблеткалар. Тамақтануға қарамастан тәулігіне бір рет қабылдайды.
Емдеу ұзақтығы
Гипотензиялық әсер 2-5 күн қолданғаннан кейін басталады, тұрақты әсер 1-2 айдан кейін байқалады.
Емдеуді тоқтату біртіндеп, 2 апта ішінде дәрігердің бақылауымен жүзеге асырылады. Осы кезең ішінде пациенттерге мониторинг жүргізу ұсынылады.
Артық дозалану жағдайында қабылдануы қажет шаралар
Симптомдары: брадикардия, атриовентрикулярлық блокада, артериялық қысымның төмендеуі, естен тану, жүрек жеткіліксіздігі, бронх түйілуі, құрысулар.
Емі: симптоматикалық және демеуші. Артериялық гипотензия кезінде, егер өкпе ісінуінің белгілері болмаса, плазма алмастырғыштардың в/і тамшылатып инфузиясы, тиімсіздігі кезінде - адреналин, допамин, добутамин ұсынылады. Брадикардияны жою үшін атропин тағайындалады. Жедел жүрек жеткіліксіздігі жағдайында ем дереу дигиталис препараттарымен, диуретиктермен, оттегімен толықтырылады. Бронх түйілуін β2-агонистермен жояды. Аминофиллинмен қосымша емдеу болуы мүмкін. Атриовентрикулярлық блокада кезінде атропин, алупент немесе адреналин в/і енгізу, уақытша кардиостимулятор; құрысулар кезінде диазепам қолданылады.
Спецификалық антидоты жоқ.
Тоқтату симптомдары қаупінің болуын нұсқау
Бетаксололмен емдеуді, әсіресе ЖИА бар пациенттерде кенеттен тоқтатпаған жөн. Кенеттен тоқтату жүрек ырғағының ауыр бұзылуына, миокард инфарктісіне немесе жүрек тоқтауына әкелуі мүмкін. Дозаны біртіндеп, яғни 2 апта ішінде азайту керек, қажет болса стенокардия ұстамаларының жиілеуін болдырмау үшін басқа антиангинальді дәрімен орын басу емін бір мезгілде бастауға болады.
Дәрілік препаратты қолдану тәсілін түсіндіру үшін медицина қызметкерінің кеңесіне жүгінген жөн
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Жиі
Сирек
Өте сирек
Жиілігі белгісіз
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір таблетканың құрамында
белсенді зат - бетаксолол гидрохлориді 10.00 мг,
қосымша заттар: микрокристалды целлюлоза, лактоза моногидраты, натрий крахмал гликоляты (А типі), сусыз коллоидты кремнийдің қостотығы, магний стеараты,
қабық құрамы: Опадри ақ YO-B-28920: поливинил спирті, титанның қостотығы Е171, тазартылған тальк, лецитин, ксантан шайыры, тазартылған су.
Сыртқы түрінің, иісінің, дәмінің сипаттамасы
Дөңгелек пішінді, дөңес беткейлі, ақ түсті үлбірлі қабықпен қапталған таблеткалар.
Шығарылу түрі және қаптамасы
10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.
3 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
Өндіруші туралы мәлімет
«Медокеми Лтд», Лимассол, Кипр
1-10 Constantinoupoleos Street, 3011, Limassol, Cyprus
tel. 357-25-867600, fax. 357-25-560863
e-mail: office@medochemie.com
Тіркеу куәлігінің ұстаушысы
«Медокеми Лтд», Лимассол, Кипр
1-10 Constantinoupoleos Street, 3011, Limassol, Cyprus
tel. 357-25-867600, fax. 357-25-560863
e-mail: office@medochemie.com
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Медокеми Лтд» Қазақстан Республикасындағы өкілдігі
050008 ж. Алматы, Қазыбек би көшесі 41, 1-кеңсе
телефон / факс 8(727) 321-05-05
e-mail: kazakhstan@medochemie.com
