Сипаттама
Дәрілік затты медициналық қолдану
жөніндегі нұсқаулық
Глюкозамен аскорбин қышқылы
Саудалық атауы
Глюкозамен аскорбин қышқылы
Халықаралық патенттелмеген атауы
Жоқ
Дәрілік түрі
Таблеткалар
Құрамы
Бір таблетканың құрамында
белсенді заттар - 100 мг аскорбин қышқылы, 877 мг глюкоза моногидраты,
қосымша заттар: картоп крахмалы, тальк, стеарин қышқылы.
Сипаттамасы
Ақтүсті,жалпақцилиндр пішінді,сызығыжәнеойығыбартаблеткалар.
Фармакотерапиялық тобы
Дәрумендер. Аскорбин қышқылы, басқа препараттармен біріктірілімдерін қоса
АТХ коды А11GВ
Фармакологиялық қасиеттері
Фармакодинамикасы
Аскорбин қышқылы негізінен он екі елі және аш ішекте жақсы сіңеді.
Енгізгеннен кейін 30 минуттан кейін қандағы аскорбин қышқылының құрамы айтарлықтай жоғарылайды, оның энергетикалық шығынсыз жасуша жарғақшасы арқылы өтуге және жасушада тез қалпына келугеқабілетті дегидроаскорбин қышқылына алғашқы айналуы арқылы тіндермен қарқынды қармалуы басталады. Аскорбин қышқылы жасушаішілік үш түрде анықталады – аскорбин және дегидроаскорбин қышқылдары және аскорбиген (аскорбин қышқылымен байланысты). Ағзалар арасында таралуы бірқалыпты емес: ол ішкі сөлініс бездерінде, әсіресе бүйрекүсті бездерінде көп, мида, бүйрек, бауыр, жүрек және қаңқа бұлшықеттерінде аз. Аскорбин қышқылы ішінараметаболизденеді және90 %-ға дейін бүйректерменоксалат түрінде, ішінара бос түрінде шығарылады. Глюкоза жеңіл сіңеді, метаболизмнің негізгі жолы гликолиз және көмірқышқылгазын және су түзуменАТФ босатып шығарумен және басқа макроэргиялық қосылыстар түзумен аэробты тотығу болып табылады.
Фармакокинетикасы
Дәрумендік зат, метаболикалық әсер етеді, тотығу-тотықсыздануүдерістерін, көміртегі алмасуын қалпына келтіруге, қан ұю, тіндердің регенерациясы, стероидты гормондардың синтезіне қатысады, организмнің жұқпаларға төзімділігін арттырады, қантамырларының өткізгіштігін төмендетеді, В1, В2, А, Е дәрумендеріне, фолий қышқылы, пантотен қышқылына қажеттілікті төмендетеді.
Қолданылуы
- С дәруменінің гипо - және авитаминозында
- аскорбин қышқылына жоғары қажеттілікте (қарқынды өсу кезеңі, жүктілік, лактация кезеңі, жоғары физикалық жүктемелер, реконвалесценция кезеңі).
Қолдану тәсілдері және дозалары
Ішке қабылданады. Профилактикалау мақсатында (аскорбин қышқылына шаққанда):
ересектерге тәулігіне 50-100 мг, 6-дан 14 жасқа дейінгі балаларға тәулігіне 50 мг, 14 жастан асқан балаларға тәулігіне 50-75мг.
Емдік мақсатта (аскорбин қышқылына шаққанда):
ересектерге күніне 3-5 рет 50-100 мг, 6 жастан асқан балаларға - күніне 2-3 рет 50-100 мг. Емдеу ұзақтығын және дозаны емдеуші дәрігер анықтайды.
Жағымсыз әсерлері
- аллергиялықреакциялар,
- асқазан-ішек жолы (АІЖ) шырышты қабығының тітіркенуі (жүректің айнуы, құсу, диарея, АІЖ түйілуі)
- ұйқы безінің инсулярлы аппараты қызметінің бәсеңдеуі (гипергликемия, глюкозурия)
-гипероксалурия және оксалатты нефрокальциноз (үлкен дозаларды қабылдағанда).
-тромбоцитоз, гиперпромбинемия, эритропения, нейтрофильді лейкоцитоз,
гипокалиемия
- артериялық қысымның жоғарылауы, миокардиодистрофия
Қолдануға болмайтын жағдайлар
- препарат компоненттеріне жоғары сезімталдық
- глюкоза/галактоза мальабсорбциясы бар тұлғалар
- 6 жасқа дейінгі балалар
- тромбофлебиттер
- тромбоздарға бейімділік.
Дәрілермен өзара әрекеттесуі
Аскорбин қышқылы қанда бензилпенициллин мен тетрациклиндер концентрациясын жоғарылатады; тәулігіне 1 г дозада этинилэстрадиолдың (оның ішінде ішу арқылы қабылданатынконтрацептивтердің) биожетімділігін жоғарылатады.
Ішекте темір препараттарының сіңуін жақсартады, дефероксаминмен бір мезгілде қабылдағанда темірдің шығарылуын жоғарылатуы мүмкін.
Гепарин мен тікелей емес антикоагулянттардың тиімділігін төмендетеді.
Ацетилсалицил қышқылы, ішу арқылы қабылданатын контрацептивтер, жаңадан дайындалған шырындар және сілтілі сусындар оның сіңуі мен қорытылуын төмендетеді.
Салицилаттар мен қысқа әсер ететін сульфаниламидтермен емдеуде кристаллурияның даму қаупі артады, бүйректермен қышқылдардың шығарылуы баяулайды,сілтілі реакцияға ие дәрілік заттардың шығарылуы жоғарылайды (оның ішінде алкалоидтардың, қандағы ішу арқылы қабылданатын контрацептивтердің концентрациясын төмендетеді). Өз кезегінде аскорбин қышқылының организмдегі концентрациясын төмендететін, этанолдың жалпы клиренсін жоғарылатады.
Жоғары дозаларда мексилетиннің бүйректермен шығарылуын жоғарылатады.
Барбитураттар аскорбин қышқылының несеппен шығарылуын жоғарылатады.
Антипсихотикалық дәрілік заттардың (нейролептиков) – фенотиазин туындыларының емдік әсерін, амфетамин мен үшциклдікантидепрессанттардың өзекшелік реабсорбциясын азайтады.
Айрықша нұсқаулар
Аскорбин қышқылының кортикостероидты гормондар синтезін ынталандыратын әсеріне байланысты, бүйрек функциясы мен артериялық қысымды бақылау керек. Үлкен дозаларда ұзақ уақыт қабылдағанда ұйқы
безінің инсулярлы аппараты қызметі бәсеңдеуі мүмкін болғандықтан, емдеу
үдерісінде оны үнемі бақылау керек.
Организмінде темірдің жоғары мөлшерімен емделушілерге аскорбин қышқылын төмен дозаларда қабылдау керек.
Аскорбин қышқылын тез пролиферацияланатын және қарқынды метастаздалатын ісіктерімен емделушілерге тағайындау үдеріс ағымын қиындатуы мүмкін.
Аскорбин қышқылы қалпына келтіргіш ретінде зертханалық тесттер нәтижесін (қандағыглюкоза, билирубин құрамын,«бауыр» трансаминазалары және ЛДГ белсенділігін) бұрмалауы мүмкін.
Жүктілік және емшекпен қоректендіру кезеңінде қолдану
Жүктілік жәнелактация кезеңінде егер анаға деген күтілген пайдасы ұрық пен балаға деген қауіптен жоғары болған жағдайда ғана қолданылады. Жүктілік жәнелактация кезеңінде аскорбин қышқылы тек дәрігердің тағайындауымен қолданылады. Жүктіліктің II-III триместрінде аскорбин қышқылының күнделікті қажеттілігі 90-100 мг. Ұрықтың жүкті әйел қабылдайтын аскорбин қышқылының жоғары дозаларына бейімделу мүмкіндігінен, жаңа туған балада «тоқтату» синдромы даму мүмкіндігін ескеру керек. Іс жүзінде емшекпен қоректендіретін аналармен аскорбин қышқылының жоғары дозалары қабылдануы(емшекпен қоректендіретін аналармен аскорбин қышқылының күнделікті қажеттілігін асырмау ұсынылады) балаға қауіпті. Аскорбин қышқылының лактация кезінде ұсынылған күнделікті қажеттілігі 120 мг.
Дәрілік заттың көлікті немесе қауіпті механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары: 1 г-нан жоғары қабылдағанда– бас ауыруы, ОЖЖ қозғыштығыныңжоғарылауы, ұйқысыздық, жүрек айнуы, құсу, диарея, гиперацидті гастрит, АІЖ шырышты қабатының ульцерациясы, ұйқы безінің инсулярлы аппараты функциясының бәсеңдеуі (гипергликемия, глюкозурия), гипероксалурия, оксалатты нефролитиаз, бүйректіңгломерулярлы аппаратының зақымдануы, орташа поллакиурия (тәулігіне 600 мг-ден жоғары дозада қабылдағанда). Капиллярлар өткізгіштігінің төмендеуі (тіндер трофикасы нашарлауы мүмкін, артериялық қысымның жоғарылауы, гиперкоагуляция,микроангиопатияның дамуы).
Емі: препаратты тоқтату, симптоматикалық терапия (артериялыққысымды бақылау, антиагреганттар, инсулин, сілтілендіретін дәрілердітағайындау). Арнайы антидоты жоқ. Гемодиализ және перитонеальді диализ тиімсіз.
Шығарылу түрі және қаптамасы
Дәрілік препараттарды қаптауға арналған, поливинилхлорид үлбірден немесе пластификацияланбаған ПВХ үлбірден жасалған пішінді ұяшықты қаптамада және алюминий фольга, немесе баспалы лакталған алюминий фольга, немесе біріктірілген материал негізіндегі иілгіш қаптамада 10 таблеткадан.
Пішінді ұяшықты 2 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.
Полиэтилен жабынды қаптамалыққағаздан немесе қағаз және картон негізді біріктірілген материалдан жасалған пішінді ұяшықсыз қаптамада 10 таблеткадан.
Пішінді ұяшықсыз қаптама немесе пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықтардың сәйкесінше санымен бірге топтық қаптамаға салынады.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Жарамдылық мерзімі
1 жыл
Жарамдылықмерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Борисов медициналық препараттар зауыты» ашық акционерлік қоғамы,
Беларусь Республикасы, Минск облысы, Борисов қаласы, Чапаев көшесі, 64, тел/факс 8-(10375177)734043.
Тіркеу куәлігінің иесі
«Борисов медициналықпрепараттар зауыты» ашық акционерлік қоғамы, Беларусь Республикасы
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
Қазақстан Республикасы, 050026. Алматы қ., Нұрмақов к-сі 26/195, 39 пәтер,тел/факс: +7 (727) 2911 198, тел: +7 777 7040709, +7 777 2306494;
Е-mail: pvqa-bzmp-kz@mail.ru
