Біздің компаниямыз жайлы жалпы ақпарат.
Дәрілік затты медициналық қолдану жөніндегі нұсқаулық
Антифлу® Кидс
Саудалық атауы
Антифлу® Кидс
Халықаралық патенттелмеген атауы
Жоқ
Дәрілік түрі
Таңқурай дәмімен ұнтақ
Құрамы
1 пакеттің ішінде
белсенді заттар: 160 мг ацетаминофен,
50 мг аскорбин қышқылы,
1 мг хлорфенирамин малеаты;
қосымша заттар: қант (қант ұнтағы), қант (сахароза), таңқурай хош иістендіргіші, лимон қышқылы, кремнийдің қостотығы, кремнийдің қостотығы (силоид), үш негізді натрий цитраты (үш натрий цитраты дигидраты), титанның қостотығы (Е 171), үш кальций фосфаты (үш негізді кальций фосфаты), жүгері крахмалы, бояғыш FD&C қызыл №40 (Е 129).
Жеңіл таңқурай хош иісті кристалл бөлшектері бар аздаған реңді ақ сусымалы ұнтақ.
Фармакотерапиялық тобы
Анальгетиктер. Басқа анальгетик-антипиретиктер. Анилидтер. Парацетамол, біріктірілімдер, психолептиктерді қоспағанда.
АТХ коды N02BE51
Фармакологиялық қасиеттері
Фармакокинетикасы
Ацетаминофен (парацетамол) – пассивті диффузия жолымен ішектің жоғары бөліктерінде сіңеді, ацетаминофеннің (Т ½) жартылай шығарылу кезеңі 2-2,5 сағ құрайды. Ол жоғары дозаларда қабылдағаннан кейін және бауыры ауыратындарда ұзарады. Ацетаминофен несеппен шығарылады (ацетаминофеннің бір реттік дозасының 85%-ы 24 сағат ішінде шығарылады).
Хлорфенирамин малеаты жіңішке ішекте сіңеді, бауырда биотрансформацияға ұшырайды. Жартылай элиминация уақыты 8 сағатты құрайды. Метаболизм өнімдері және препараттың метаболизденбеген бөлігі несеппен шығарылады.
Аскорбин қышқылы жіңішке ішекте белсенді сіңеді. Плазмадағы ең жоғары концентрациясына ішке қабылдағаннан соң 4 сағаттан кейін жетеді. Плазмадан лейкоциттерге, тромбоциттерге және іс жүзінде барлық тіндерге жеңіл өтеді. Аскорбин қышқылының шығарылуы несеппен өзгермеген қалыпта экскреция жолымен де, несеппен шығарылатын дезоксиаскорбинді жәнедикетогулонды қышқылдар (соңғысы қымыздық қышқылына айналады) биотрансформациясы жолымен де жүреді.
Фармакодинамикасы
Ацетаминофен (парацетамол) орталық жүйке жүйесінде простагландиндердің синтезін тежеуге және термореттеу орталығына әсер етуі есебінен ауыруды және ыстықты басатын, әлсіз білінетін қабынуға қарсы әсер етеді.
Хлорфенирамин малеаты – Н1-гистаминорецепторларының бөгегіші, қабынудың негізгі медиаторларының бірі – гистаминнің әрекетіне кедергі келтіреді. Капиллярлар қабырғаларының өткізгіштігін төмендете отырып, жергіліктіэкссудативті білінулердің айқындығын, мұрынның, мұрынжұтқыншақтың, жоғарғы тыныс алу жолдарының шырышты қабығы ісуін, жас ағуды азайтады.
Аскорбин қышқылының (С дәрумені) антиоксидантты қасиеттері бар, қорғаныс механизмдерін белсенділендіреді, организмнің инфекцияға қарсыластық қабілетін арттырады. Тотығу-тотықсыздану үдерістерін белсенділендіреді, регенерация үдерісін, глюкокортикоидтар және катехоламиндер синтезін көтермелейді; капиллярлар қабырғасын тығыздандырады (жасушааралық заттар түзілуін ұлғайту және гиалуронидаза белсенділігін төмендету есебінен).
Антифлу Кидс бас ауыруын, бұлшықет-буын ауыруларын, тамақтың ауыруын азайтады,ринореяны, көз бен мұрын қышуын басады.
Қолданылуы
2-ден 12 жасқа дейінгі балалар
ЖРВИ, тұмау мен суық тию симптомдарын жою үшін:
- дене температурасының жоғарылауында, қалтырауда
- мұрын бітелуінде, түшкіруде
- көзден жас аққанда
- бас және бұлшықет-буын ауыруларында
- тамақтың ауыруларында, жоғары тыныс жолдары мен маңындағықосалқы қойнау қабынуының басқа да симптомдарында.
Қолдану тәсілі және дозалары
Ас ішуге байланысты емес ішке қабылдау керек. Қабылдар алдында бір пакеттің ішіндегісін 150 мл жылы суда еріту керек. 2-6 жастағы балаларға арналған бір реттік доза 1 пакеттің ішіндегісін құрайды, 6-12 жастағы балаларға - 2 пакеттің ішіндегісін құрайды. Қажет кезде әр 4-6 сағат сайын қайталауға болады, бірақ 4 дозадан асырмай қабылдау керек. Емдеу ұзақтығы 3 күннен аспауы тиіс. Ары қарай тек дәрігердің қадағалауымен пайдалану керек.
Жағымсыз әсерлері
Көптеген жағдайларда препарат жақсы көтерімді. Мынадай жағымсыз әсерлер байқалуы мүмкін:
Қан түзу жүйесі тарапынан: анемия, гемолиздік анемия (егер пациенттеглюкоза-6-фосфатдегидрогеназа тапшылығы болғанда), тромбоцитопения немесе агранулоцитоз, тромбоцитопениялық пурпура, лейкопения.
Тыныс алу жүйесі тарапынан: ацетилсалицил қышқылына немесе басқа да ҚҚСП сезімталдығы бар пациенттерде бронх түйілуі.
Ас қорыту жүйесі тарапынан: жүрек айнуы, құсу, ауыздың құрғап кетуі,эпигастрий аумағының ауыруы, тәбеттің нашарлауы, диспепсия, диарея.
Эндокриндік жүйе тарапынан: гипогликемиялық комаға дейін апаратын гипогликемия.
Гепатобилиарлық жүйе тарапынан: бауыр ферменттері белсенділігінің жоғарылауы (әдетте сарғаю пайда болмағанда), бауыр некрозы (дозаға тәуелді әсер).
Иммундық жүйе тарапынан: аса жоғары сезімталдық, (аллергиялық реакциялар, анафилаксиялық реакциялар, анафилаксиялық шок).
Жүйке жүйесі тарапынан: бас ауыруы, бас айналуы, мазасыздық, ұйқының бұзылуы, ұйқышылдық, сананың шатасуы, талапқа сай емес мінез-құлық, конвульсия, кома.
Жүрек-қантамыр жүйесі тарапынан: тахикардия, стенокардия, гипертония, аритмия.
Көру мүшесі тарапынан: көрудің бұзылуы, көздің құрғауы, мидриаз, көзішілік қысымның жоғарылауы.
Несеп шығару жүйесі тарапынан: несеп шығарудың қиындауы, дизурия.
Тері және теріасты шелі тарапынан: қышыну, бөртпе, есекжем, шырышты қабықтағы өзгерістер, жедел жайылған экзантематозды пустулез тәрізді, мультиформалы эритема (соның ішінде Стивенс-Джонсон синдромы) және уытты эпидермальді некролиз (Лайелл синдромы).
Қолдануға болмайтын жағдайлар
-2 жасқа дейінгі балалар
Дәрілермен өзара әрекеттесуі
Жекелеген белсенді ингредиенттер үшін мынадай өзара әрекеттесулер белгілі.
Парацетамол:
Хлорфенамин малеаты:
Айрықша нұсқаулар
Тыныштандыратын және ұйықтататын препараттармен бір мезгілде пайдалануға болмайды. Дәрі тек дәрігердің пайда-қауіп арақатынасын бағалағаннан кейін қолданылуы тиіс:
Ұсынылған дозаны және емдеу ұзақтығын арттыруға болмайды. Жоғары дозаны ұзақ пайдалану бауыр мен бүйректің зақымдалуына әкеп соқтыруы мүмкін; алкоголизм аясында, алкогольдік бауыр ауруы, сепсис немесе қант диабеті кезінде көптеген дәрілерді қатар қолдану парацетамолды емдік дозада тағайындаған кезде бауырдың уытты зақымдалу қаупін арттыруы мүмкін. Парацетамол мен аскорбин қышқылы зертханалық зерттеу көрсеткіштерін бұрмалауы мүмкін (глюкоза мөлшерін және плазмадағы несеп қышқылын сандық анықтау). Әр пакетте 11,59 г сахароза бар, бұны қанттың төмен мөлшерімен диета ұстағанда немесе қант диабеті жағдайында күнделікті қолданған кезде назарда ұстау қажет. Аса жоғары сезімталдық белгілері мен симптомдары хлорфенамин малеатымен бүркемеленуі мүмкін. Хлорфенамин малеаты тері тестілерінің нәтижелеріне әсер етуі мүмкіндігін ескеру қажет.
Жүктілік және лактация кезеңі
Қолданылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың ұйықтататын әсеріне байланысты дәріні қабылдағаннан кейін 4 сағат бойы балаларға жоғары зейін қоюды талап ететін жұмыстар жасамау ұсынылады.
Артық дозалануы
Парацетамолдың артық дозалану симптомдары: алғашқы 24 сағатта бозаңдану, жүрек айнуы, құсу, анорексия және іштің ауыруы. Артық дозаланған жағдайда қозу, бас айналуы, ұйқының бұзылуы байқалуы мүмкін. Парацетамолмен артық дозаланған кезде жедел бүйрек жеткіліксіздігінің жекелеген жағдайлары жөнінде мәліметтер түскен. Ауыр жағдайларда бауырдың зақымдануы (гепатоцеллюлярлы некроз) және бауыр функциясының бұзылуы пайда болуы мүмкін, ол энцефалопатияға, бауыр комасына әкелуі және өліммен аяқталуы мүмкін. Бауыр зақымдануының клиникалық белгілері артық дозаланғаннан кейін 12-ден 48 сағат аралығында байқалмауы мүмкін.Глюкоза метаболизмінің және метаболизмдік ацидоздың бұзылуы байқалуы мүмкін. Бауыр жеткіліксіздігі 150 мг/кг астам қолданғаннан кейін дамуы мүмкін. Хлорфенамин малеатымен артық дозалану антимускариндік, экстрапирамидалық, асқазан-ішек және ОЖЖ-әсерлеріне байланысты. Сәбилер мен балаларда ОЖЖ қозуы атаксияны, қозуды, треморды, психозды, елестеулерді және құрысуларды туғыза отырып, ОЖЖ бәсеңдетеді. Балалардағы артық дозаланудың басқа да симптомдары қарашықтың ұлғаюын, ауыздың құрғап кетуін, беттің бозаруын, терең команы және кардиореспираторлық коллапсты қамтиды.
Емі: парацетамолмен артық дозаланғаннан кейін алғашқы 6 сағаттың ішінде асқазанды шаю. Цитоуытты әсерлер метионинді ішке қабылдаудың немесе артық дозаланғаннан кейін сегіз сағаттың ішінде N-ацетилцистеинді вена ішіне енгізудің салдарынан азаюы мүмкін. Симптоматикалық ем.
Шығарылу түрі және қаптамасы
Ұнтақ ламинацияланған материалдан (қағаз/полиэтилен/ фольга/полиэтилен) жасалған пакетке тұмшаланып қапталған. 5 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз.
Өндіруші фирманың атауы, елі, мекенжайы
Контракт Фармакал Корпорейшн,
135 Адамс Авеню, Хопог, Нью-Йорк 11788, АҚШ
Тіркеу куәлігі ұстаушының атауы мен елі
Байер Консьюмер Кэр АГ, Швейцария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электрондық пошта)
«Байер КАЗ» ЖШС
Тимирязев к-сі, 42, 15 павильон, 301 кеңсе
050057 Алматы, Қазақстан Республикасы,
тел. +7 727 258 80 40, факс: +7 727 258 80 39
e-mail: kz.claims@bayer.com
Егер сіз жағымсыз жағдай туралы немесе препараттың сапасы туралы хабарлағыңыз келсе, денсаулық сақтау саласындағы маманына (мысалы, дәрігер немесе фармацевт) немесе бақылаушы органдарына жүгініңіз. Сонымен қатар, өтініштерді pv.centralasia@bayer.com мекен-жайына жіберуге болады немесе +7 701 715 78 46 телефонына хабарласуға болады.
