Сипаттама
Дәрілік затты медициналық қолдану
жөніндегі нұсқаулық
ТромбоштадÒ
Саудалық атауы
ТромбоштадÒ
Халықаралық патенттелмеген атауы
Жоқ
Дәрілік түрі
Сыртқа қолдануға арналған гель (300 ХБ / 2,5 мг / 2,5 мг) және (500 ХБ / 2,5 мг / 2,5 мг), 40 г
Құрамы
1 г гельдің құрамында
белсенді заттар: натрий гепарині, 300 ХБ немесе 500 ХБ
аллантоин, 2,5 мг
декспантенол, 2,5 мг,
қосымша заттар: динатрий эдетаты, лимонды эфир майы, изопропил спирті, карбомер 940, Рine silvestris майы (кәдімгі қарағайдың), Dwarf pine майы (аласа қарағайдың), левоментол, полисорбат 80, макрогол 6 глицерол каприлокапраты, сұйық сорбитол (кристалданбайтын), троламин, тазартылған су.
Сипаттамасы
Қарағай иісі және 2-пропанол бар мөлдір түссіз гель
Фармакотерапиялық тобы
Жүрек-қантамыр жүйесі. Вазопротекторлар. Варикозға қарсы ем. Гепарин немесе жергілікті қолдануға арналған гепариноидтар. Гепарин, біріктірілімдер.
АТХ коды С05ВA53
Фармакологиялық қасиеттері
Фармакокинетикасы
Жергілікті қолданған кезде теріде гепариннің жүйелі-емдік тиімді концентрациясына қол жеткізілмейді. Гепарин теріге өтеді және терінің мүйізгекті қабатында жинақталады, осылайша жергілікті әсер көрсетеді. Гепариннің болымсыз бөлігі өзгермеген түрде, яғни төмен молекулалы ыдырау өнімдері ретінде сүзілумен және өзекшелік секрециямен шығарылады. Несепке шығарылған урогепарин гомогенді зат болып табылмайды, аздаған коагуляциялық-физиологиялық әсері болуы мүмкін белсенді және өзгермеген гепариннің қоспасынан және төмен молекулалы ыдырау өнімдерінен тұрады. Гепарин плацентарлық бөгет арқылы және емшек сүтіне өтпейді. Аллантоин мен декспантенол гепариннің босап шығуына және терінің терең қабаттарына жақсы өтуіне ықпал етеді. Декспантенол терінің барлық қабаттарына енеді. Теріге сіңгеннен кейін пантотен қышқылына айналады, қан плазмасының ақуыздарымен байланысады. Пантотен қышқылы метаболизмге ұшырамайды және өзгермеген түрде шығарылады.
Фармакодинамикасы
Жергілікті қолдануға арналған біріктірілген препарат.
Гепарин – тікелей әсер ететін антикоагулянт. Ұюды болдырмайды, сол арқылы, қантамырлық жүйеде тромб түзілуінің алдын алады. Жергілікті әсер көрсетеді. Жоғары анионды зарядының арқасында гепарин ақуыздармен, соның ішінде антитромбин III (АТ III), α2-глобулинмен кешендер түзеді, оның тежеу реакциясының жылдамдығы осылайша бірнеше есе артады. Осылайша, гепарин катализатор функциясына ие, сондықтан АТ III аффинитетіне сәйкес ұю жүйесіндегі кейбір ферменттерге серин протеазаларын тежейді. Бұл тромбиннің (IIa), сондай-ақ XIIa, IXa, Xa және калликреиннің белсенділігін жою факторларына әкеледі. Белсенділігін жою дәрежесі дозаға байланысты.
Аллантоин және декспантенол тіндердің эпителизациясын, грануляциясын және регенерациясын жақсартады. Аллантоин жаралардың жазылуына ықпал етеді және тіндердің суды ұстап тұру қабілетін арттырады, тыныштандыратын әсері бар.
Қолданылуы
- беткейлік тромбофлебит
- жарақаттан кейінгі ісінулер (көгерулер, гематомалар)
- аллергиялық реакциялар
- жаққан жердегі қызару, шаншу және ашыту сезімі
Қолдану тәсілі және дозалары
Сыртқа. Гельді зақымданған аймаққа біркелкі жұқалап, күніне 2-3 рет жағады. Қолданудың ұзақтығы – 10 күннен артық емес.
Жағымсыз әсерлері
Қолдануға болмайтын жағдайлар
- препарат компоненттеріне аса жоғары сезімталдық
- қанап тұрған трофикалық ойық жаралар
- терінің ашық немесе инфекция жұқтырған зақымданулары
- гепаринмен индукцияланған ІІ типті тромбоцитопения (оның ішінде анамнезінде)
- 18 жасқа дейінгі балалар мен жасөспірімдер
Дәрілермен өзара әрекеттесуі
Басқа дәрілік препараттармен өзара әрекеттесуі анықталмаған. Сыртқа қолдануға арналған басқа препараттармен бір уақытта қолдану ұсынылмайды.
Айрықша нұсқаулар
Препаратты терінің тек зақымданбаған бөліктеріне жағу қажет. Ашық жараларға немесе суланатын экземаға жағуға болмайды.
ІІ типті тромбоцитопенияға күдіктенген кезде және препаратты қолдану қажет болғанда қандағы тромбоциттер санын бақылау керек.
Жүктілік және лактация кезеңі
Жүктілік және лактация кезеңінде препаратты қолдануға болмайтыны туралы деректер жоқ. Препаратты жүктіліктің ІІ және ІІІ триместрінде қолдануға болады. Препаратты жүктіліктің I триместрінде сақтықпен тағайындау керек.
Натрий гепарині плацентарлық бөгет арқылы және емшек сүтіне өтпейді.
Бала емізу кезеңінде қолданылуы мүмкін.
Жүктілік кезеңінде және бала емізу кезінде препаратты қолдану қажет болған жағдайда дәрігермен кеңесу керек.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препараттың автокөлікті және қауіптілігі зор механизмдерді басқару қабілетіне әсер ететіні туралы деректер жоқ.
Артық дозалануы
Анықталмаған
Шығарылу түрі және қаптамасы
Жарғақшаны тесуге арналған құрылғысы бар, пластмассадан жасалған бұрандалы қақпақпен тығындалған қорғағыш алюминий жарғақшасы бар алюминий сықпада 40 г-ден.
Сықпа медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау шарттары
25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Сықпаны алғаш ашқаннан кейінгі қолданылу кезеңі 12 айдан аспайды.
Жарамдылық мерзімі өткеннен кейін қолдануға болмайды.
Босатылу шарттары
Рецептісіз
Өндіруші / Қаптаушы
Хемофарм А.Д. Вршац,
Шабац өндірістік алаң-филиалы, Сербия
15000, Шабац қ.,
Hajduk Veljkova н/ж
тел.: 13/803100
факс: 13/803424
Тіркеу куәлігінің ұстаушысы
Хемофарм А.Д. Вршац, Сербия
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Нижфарм» ААҚ Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e-mail: almaty@stada.kz
