МукалSAN для приема внутрь № 30 порошок
Тауарлардың көрінісі фотосуретте көрсетілгеннен өзгеше болуы мүмкін

МукалSAN для приема внутрь № 30 порошок

Қолжетімділігі
Тауар қолда жоқ
Үлгі
4870005152815
Елі
Казахстан
Өндіруші
Химфарм АО
  • Сипаттама

Сипаттама

Саудалық атауы

Мукалтин

Халықаралық патенттелмеген атауы

Жоқ

Дәрілік түрі

Көпіршитін ұнтақ, 50 мг

Құрамы

Бір пакеттің ішінде

белсенді зат: 50.0 мг дәрілік жалбызтікен құрғақ экстрактісі (Мукалтин)

қосымша заттар: натрий гидрокарбонаты, Effer-Soda®12, сусыз лимон қышқылы, маннитол, аспартам, банан хош иістендіргіші

Сипаттамасы

Өзіне тән иісі, едәуір ашық немесе күңгірт бөлшекті теңбілдері бар ашық-крем түстіден күңгірт-крем түске дейінгі гигроскопиялық ұнтақ.

Фармакотерапиялық тобы

Суық тию және жөтел симптомдарын жоюға арналған препараттар. Қақырық түсіретінпрепараттар.

АТХ коды R05CA

Фармакологиялық қасиеттері

Мукалтин дәрілік жалбызтікен шөбінен жасалған полисахаридтер қоспасы болып табылады, қақырық түсіретін қасиеттері бар. Рефлекторлы көтермелеудің

арқасында жыпылықтайтын эпителий белсенділігін және бронх бездері секрециясының күшеюімен қосылған тыныс алу бронхиолаларының перистальтикасын күшейтеді. Натрий гидрокарбонаты қақырықты сұйылтады және бронх секрециясын біршама арттырады.

Қолданылуы

Бөлінуі қиын тұтқырлығы жоғары қақырық түзілуімен қатар жүретін тыныс алу жолдарының жедел және созылмалы ауруларында (трахеобронхиттер, обструкциялық бронхит, бронхоэктаз, пневмония) кешенді ем құрамында.

Қолдану тәсілі және дозалары

Ішу арқылы, тамақтану алдында қолданылады.

Көпіршитін ұнтақты 100 мл жылы суда еріту қажет.

Ересектерге және балаларға 6 жастан бастап 1-2 пакеттен тәулігіне 3-4 рет қабылдау керек.

Емдеу курсы әдетте 7-14 күнді құрайды.

Балаларға пакеттегі препаратты 1/3 стақан жылы суда ерітіп беруге болады.

Жағымсыз әсерлері

- тері бөртпесі, қышыну түріндегі аллергиялық реакция

- диспепсия, жүрек айну

Қолдануға болмайтын жағдайлар

- препарат компоненттеріне жоғары сезімталдық

- асқазанның және он екі елі ішектің ойық жара ауруы

- 6 жасқа дейінгі балаларға

Дәрілермен өзара әрекеттесуі

Мукалтин препаратын бронх-өкпе ауруларын емдеу кезінде қолданылатын басқа да препараттармен бір мезгілде тағайындауға болады.

Мукалтин препаратын құрамында кодеин және жөтелге қарсы басқа дәрілік заттар бар препараттармен бір мезгілде қолдануға болмайды, өйткені бұл сұйылған қақырықтың жөтелмен шығуын қиындатады.

Айрықша нұсқаулар

Жүктілік және лактация кезеңі

Жүктілік және лактация кезінде ана үшін болжамды пайдасы шаранаға немесе сәбиге төнетін ықтималды қатерден артық болатын жағдайларда ғана қолдануға болады.

Препараттың автокөлікті немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Симптомдары: жүрек айну, құсу.

Емі: препаратты тоқтату, симптоматикалық ем.

Шығарылу түрі және қаптамасы

Үлбірлі қабықпен біріктірілген алюминий фольгадан жасалған пакетке препаратты 2.0 г-нан салады.

30 пакетті медициналық қолдану жөнінде мемлекеттік және орыс тілдеріндегі бекітілген нұсқаулықпен бірге картоннан жасалған қорапшаға салады.

Қорапшаларды картоннан жасалған қорапқа салады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Қаптаушы /өндіруші ұйымның атауы және елі

«Химфарм» АҚ, Шымкент қ., Қазақстан Республикасы, Рашидов к-сі, 81