Сипаттама
БЕКІТІЛГЕН Дәрілік затты медициналық қолдану жөніндегі нұсқаулық
КОКАРБОКСИЛАЗА ГИДРОХЛОРИДІ
(COCARBOXYLASE HYDROCHLORIDE)
Саудалық атауы
Кокарбоксилаза гидрохлориді
Халықаралық патенттелмеген атауы
Жоқ
Дәрілік түрі
Инъекцияға арналған ерітінді, 50 мг/2 мл
Құрамы
1 ампула (2 мл) құрамында:
белсенді зат - 50 мг кокарбоксилаза гидрохлориді;
қосымша заттар: натрий цитраты, динатрий эдетаты, малеин қышқылы, инъекцияға арналған су.
Сипаттамасы
Мөлдір түссіз немесе түссіз дерлік ерітінді.
Фармакотерапиялық тобы
Ас қорыту жолы және зат алмасу. Дәрумендер. В1 дәрумені және оның В6 және В12 дәрумендерімен біріктірілімі. В1 дәрумені.
АТХ коды А11DА
Фармакологиялық қасиеттері
Фармакокинетикасы
Организмде жинақталмайды. Несеппен шығарылады.
Фармакодинамикасы
Кокарбоксилаза алмасу үдерістерін реттейтін ферменттің ақуыздық емес бөлігінің (коферменті) құрамдасы болып табылады. Организмде тиаминнен, оның фосфорлануы салдарынан түзіледі. Әсіресе көмірсу алмасуында, атап айтқанда кетоқышқылдардың тотығу карбоксилсізденуінде (пирожүзімді, α-кетоглютарлы), сондай-ақ глюкозаның пентозофосфатты ыдырау жолында маңызды рөл атқарады. Организмде сүт және пирожүзім қышқылының деңгейін төмендетеді, глюкозаның сіңірілуін, жүйке тіндерінің трофикасын жақсартады, жүрек-қантамыр жүйесі функциясының қалпына келуіне ықпал етеді.
Гиповитаминозды және В1 авитаминозды емдеу үшін кокарбоксилазаны қолданбау керек, өйткені оның биологиялық қасиеті тиаминнің қасиетімен толығымен сәйкес келмейді.
Қолданылуы
Кешенді ем құрамында:
- көмірсу алмасуы бұзылған патологиялық үдерістер;
- қан диабеті туғызған асқынулар;
- ырғақ бұзылуымен қатар жүретін жүрек аурулары (экстрасистолия);
- шеткері невриттер.
Қолдану тәсілі және дозасы
Әдетте кешенді ем компоненті ретінде қолданады. Препаратты бұлшықет ішіне, сирек – тері астына немесе вена ішіне енгізеді. Вена ішіне сорғалатып енгізген кезде натрий хлоридінің 0,9 % ерітіндісін немесе глюкозаның 5 % ерітіндісін қосып көлемін 10 – 20 мл дейін, тамшылатқан кезде – 200-400 мл дейін жеткізеді. Енгізуге арналған дозаны пациенттің жай-күйінің ауырлығын және ауру сипатын ескере отырып, жекелей анықтайды. Ересектерге тәулігіне бір рет 50-100 мг енгізеді. Емдеу курсы – 15 – 30 күн. Қажет болған кезде көрсетілген доза 1 – 2 сағаттан соң қайта енгізілуі мүмкін. Әрі қарай демеуші емге – тәулігіне 1 рет 50 мг өту керек.
Балаларға тері астына немесе бұлшықет ішіне енгізеді: туылғаннан өмірінің үш айлық кезеңіне дейін – тәулігіне 1 рет 25 мг; 4 айдан 7 жасқа дейін – тәулігіне 1 рет 25–50 мг, 8–18 жаста – тәулігіне 1 рет 50–100 мг. Қажет болғанда көрсетілген тәуліктік дозаны екі рет енгізуге болады.
Жағымсыз әсерлері
Иммун жүйесі тарапынан: аса жоғары сезімталдық реакциялары, мыналарды қоса: қышыну, есекжем, ангионевроздық ісіну, тұншығу, қабақтың ісінуі, тері гиперемиясы, акроцианоз, анафилаксиялық шок.
Жүрек-қантамыр жүйесі тарапынан: артериялық гипертензия, артериялық гипотензия.
Жергілікті реакциялар: енгізген жердегі реакциялар, гиперемия, қышыну, инъекция орнының ісінуін қоса.
Жалпы бұзылулар: әлсіздік, қалтырау, гипертермия, сананың бұзылуы, мәңгіру, белдің ауыруы.
Қолдануға болмайтын жағдайлар
Препарат компоненттеріне жоғары сезімталдық.
Дәрілермен өзара әрекеттесуі
Кокарбоксилаза жүрек гликозидтерінің кардиотонустық әсерін күшейтеді және олардың көтерімділігін жақсартады.
Айрықша нұсқаулар
Кешенді ем жүргізген кезде кокарбоксилазаның жүрек гликозидтері кардиотонустық әсерін күшейтетін қасиетін ескеру қажет.
Жүктілік және лактация кезеңі
Жүкті әйелдерді емдеу үшін немесе емшек емізу кезеңінде “Кокарбоксилаза гидрохлоридін” қолдану тиімділігі мен қауіпсіздігі анықталмаған, сондықтан бұл кезеңде препаратты тағайындау ұсынылмайды.
Балалар. Препаратты вена ішіне қолдануға болмайды.
Дәрілік препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Зерттелмеген.
Артық дозалануы
Анағұрлым айқын түрдегі жағымсыз реакциялар түрінде байқалады. Препаратты қолдануды тоқтату, тыныс алуды және жүрек-қан тамыр жүйесі қызметін қалпына келтіруге бағытталған симптоматикалық ем ұсынылған.
Шығарылу түрі және қаптамасы
2 мл препараттан ампулада. 5 ампуладан пішінді ұяшықты қаптамада,
1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.
Сақтау шарттары
Жарықтың әсерінен қорғау үшін түпнұсқалық қаптамасында 2 °С-ден 8 °С дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«ФЗ «БИОФАРМА» ЖШҚ, Украина
09100, Киев облысы, Белая Церковь қ., Киев к-сі, 37.
Тіркеу куәлігінің иесі
«ФЗ «БИОФАРМА» ЖШҚ, Украина
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«ФЗ «БИОФАРМА» ЖШҚ ҚР өкілдігі
05000, Қазақстан Республикасы, Алматы қ., Назарбаев даңғ. 124, 11 кеңсе; тел. +77272297044, bc_pak@mail.ru
