Катеджель с лидокаином 12,5мл №1, (гель в шприце)
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Катеджель с лидокаином 12,5мл №1, (гель в шприце)

Қолжетімділігі
Тауар қолда жоқ
Үлгі
9001505000916
Елі
Австрия
Өндіруші
Монтавит Гез
  • Сипаттама

Сипаттама

Дәрілік затты медициналық қолдану

жөніндегі нұсқаулық

Катеджель лидокаинмен

Саудалық атауы

Катеджель лидокаинмен

Халықаралық патенттелмеген атауы

Жоқ

Дәрілік түрі

Сыртқа қолдануға арналған гель, 12,5 г

Құрамы

100 г гельдің құрамында

белсенді зат: лидокаин гидрохлориді 2,0000 г,

хлоргексидин дигидрохлориді0,0500 г,

қосымша заттар: гидроксиэтилцеллюлоза (гиетелоза), глицерол, на­трий лактаты, инъекцияға арналған су

Сипаттамасы

Мөлдір түссіз гель

Фармакотерапиялық тобы

Жүйке жүйесі. Анестетиктер. Жергілікті анестетиктер. Амидтер. Басқа препараттармен біріктірілген лидокаин.

АТХ коды N01BB52

Фармакологиялық қасиеттері

Фармакокинетикасы

Лидокаин шырышты қабықтар арқылы жылдам сіңіріледі. Қан плазмасындағы ең жоғарғы концентрацияларына 0,06 - 0,2 мкг/мл лидокаин уретра ішіне 10-40 мл 2% лидокаин гелін енгізгеннен кейін (200-800 мг лидокаин) 45-60 минуттан соң жетеді.

Лидокаиннің таралу көлемі 1,3-1,6 л/кг, барлық тіндерге, әсіресе өкпе, бүйрек, қаңқа бұлшықеттері сияқты васкуляризациясы жоғары барлық тіндерге жылдам таралады. Лидокаин қан плазмасы протеиндерімен және альфа-1-гликопротеинмен (AAG) шамамен 65%-ға байланысады. Лидокаин гематоэнцефалдық бөгет арқылы өтеді.

Лидокаиннің дозасының 90%-ға жуығы белсенділігі аздау метаболиттерге метаболизденеді. Жартылай шығарылу кезеңі - 1,8 сағат, ол егде жастағыларда 2,3 сағатқа ұзаруы мүмкін. Белсенді метаболиттерінің жартылай шығарылу кезеңі 0,9 сағатты құрайды. Лидокаиннің 5%-дан азы өзгеріссіз күйде несеппен шығарылады. Уретраның шырышты қабығының айқын қабынуы кезінде лидокаиннің сіңірілуі арта түсетінін ескеру қажет.

Бүйрек, бауыр және жүрек жеткіліксіздігі

Лидокаиннің жартылай шығарылу кезеңі 2 есе және одан да көп, бауыр функциясының бұзылуы бар пациенттерде 4,5-6 сағатқа дейін, жүректің ауыр жеткіліксіздігі бар пациенттерде 4-10 сағатқа дейін артуы мүмкін.

Хлоргексидин. Хлоргексидиннің тек өте азғантай мөлшері ғана жергілікті қолданғаннан кейін сіңіріледі.

Фармакодинамикасы

Катеджель лидокаинмен – бұл жергілікті жансыздандырғыш әсері бар стерильді және антисептиктік гель. Ол трансуретральді емшаралармен байланысты ауыруды азайтады және едәуір дәрежеде катете­ризациялаудан кейінгі несеп шығару жолдары инфекцияларының алдын алады.

Лидокаин жергілікті анестетик болып табылады, импульстердің сезімтал жүйке талшықтары арқылы өткізгіштігін бәсеңдетеді, соның салдары ретінде суықты/жылуды, жанасу мен қысымды сезіну азаяды. Оның әсері 5-10 минуттан соң басталады, ал әсері 20-30 минутқа созылады. Лидокаин аритмияға қарсы әсер етеді және басқа жергілікті анестетиктерден айырмашылығы, тамырды кеңейтетін әсер бермейді.

Хлоргексидин грамоң (Staphylococcus aureus, Streptococcus salivarius, Staphylococcus epi- dermidis) және грамтеріс бактериялардың (Micrococcus pyogenes, E. coli, Pseudo- monas pyocyanea және Salmonella typhi, E. coli, Pseudomonas aeruginosa) көпшілігіне микробқа қарсы, сондай-ақ зеңдер (Candida utilis) мен вирустардың бірқатарына қарсы әсер көрсетеді. Бұл концентрациясында ол жергілікті қолданылғанда өрлемелі инфекцияның профилактикасы үшін қолданылады.

Қолданылуы

Жергілікті анестезияда және жұқпалы асқынулардың алдын алу үшін:

- несеп шығару жолын (уретраны) кате­терлеуде, зондтауда және эндоскопияда (проктология, гинекология және урологияда)

- трахеальді интубацияда

Қолдану тәсілі және дозалары

Катетерді, эндоскопты немесе басқа медициналық құралдарды енгізер алдында қолданылуы

Құралдарды енгізер алдында уретраға баяу инстилляциялау үшін (дәрігер немесе сәйкесінше үйретілген маман) төмендегілер қажет:

  • уретраның сыртқы тесіктерін тазалау және зарарсыздандыру
  • блистерді ашып, мөлдір корпусындағы қағазды алып тастау (мүмкіндігінше тек тартылуына дейін)
  • қорғағыш қалпақшасының ұшын айтарлықтай күш салмай (мүмкіндігінше әлі қаптамада тұрса) сындыру.Сонымен қатар, несеп шығару жолы шырышты қабығының зақымдалуын болдырмас үшін, ұшының толығымен алынып тасталғанын қадағалау қажет. Аппликациялық конусты енгізуді жеңілдету үшін, алдын ала Катеджельдің бір тамшысын сығып шығару ұсынылады.
  • құралды гельдің инстилляциясынан кейін 10 минуттан соң енгізу ұсынылады.
  • белсенді заттарға немесе толтырғыштарының біріне аса жоғары сезімталдық
  • амидтік типті жергілікті анестетиктерге аса жоғары сезімталдық
  • бульбокаверноздық рефлекс
  • жүректің ауыр жеткіліксіздігі, айқын брадикардия, AV-блокада, кардиогендік немесе гиповолемиялық шок
  • жедел порфирия
  • 2 жасқа дейінгі балаларға

Ерлерде бір емшара үшін ұсынылатын дозасы - уретра ішіне 10 г (гофрланған шприцте 12,5 г гельден).

Әйелдер, балалар (2-12 жасар) мен жасөспірімдерде (18 жастан кіші) пайдалану қажеттігін дәрігер анықтайды. 2-12 жасар балаларда 2,9 мг/кг лидокаин гидрохлоридін құрайтын ең жоғарғы дозасынан асырмау керек.

Тұтас алғанда анестезия үшін және трахея интубациясында қолданылуы

Ересектер мен 15 жастағы және одан үлкен жасөспірімдер

5 мл жуық гельді түтіктің төменгі үштен біріне біркелкі жағыңыз. Құрғап қалуын болдырмас үшін, гель құралға тікелейқолданар алдында жағылады. Гель түтік қуысына кіріп кетпеуі тиіс. Ең жоғарғы дозасы16 г гельді құрайды.

2 жастан бастап балалар мен 15 жасқа дейінгі жасөспірімдер

Дозасы 6 мг/кг лидокаиннен аспауы тиіс. 24 сағат ішіндетөрт дозадан асырмай қолдануға болады.

Егде жастағы, әлсіреген пациенттерде, сондай-ақ бауыр функциясы бұзылған және бүйректің ауыр дисфункциясы жағдайында дозалау жөніндегі ұсынымдар

Ең жоғарғы дозасы 2,9 мг/кг лидокаин гидрохлоридін құрайды.

Жағымсыз әсерлері

Сирек

- күйгелектік, бас айналуы, көрудің бұлыңғырлануы, тремор, ұйқышылдық, апноэ

- гипотензия, брадикардия, асистолия

- аса жоғары сезімталдық реакциялары болуы мүмкін (бронх түйілуі, асфиксиялық пневмония, терінің зақымдалулары, есекжем) ангионевроздық ісіну, аллергиялық дерматит), аппликация орнының ашуы

- эндотрахеальді түтік үшін лубрикантты қолданғанда қырылдау жергілікті реакция ретінде пайда болуы мүмкін

Қолдануға болмайтын жағдайлар

Дәрілермен өзара әрекеттесуі

Катеджель лидокаинмен құрамында лидокаин гидрохлориді немесе басқа амидтік типті жергілікті анестетиктер бар дәрілермен бір мезгілде қолданылмауы тиіс, өйткені бұл әсерлерінің күтпеген жерден екіжақты күшеюіне алып келуі мүмкін.

Жүрекке қосалқы әсер етуі мүмкін болғандықтан, лидокаин аритмияға қарсы дәрілерді, бета-адреноблокаторларды немесе кальций өзегінің антагонистерін бір мезгілде қабылдап жүрген пациенттерде сақтықпен қолданылуы тиіс.

Пропранолол, дилтиазем және верапамил лидокаиннің жартылай шығарылу кезеңінің едәуір ұзаруына алып келеді

Циметидин лидокаиннің деңгейін бауыр перфузиясының төмендеуі және микросомалық ферменттерді тежеудің есебінен арттыруы мүмкін.

Йод препараттарымен бірге қолданбаған дұрыс.

Сабынмен, сондай-ақ құрамында анион тобы бар (сапониндер, натрий лаурилсульфаты, натрий карбоксиметилцеллюлозасы) детергенттермен үйлеспейді.

Айрықша нұсқаулар

Препарат стерильді және бір реттік қолдануға арналған.

Катеджель лидокаинмен төмендегі жағдайларда сақтықпен қолданылуы тиіс:

- бауырдың немесе бүйректің ауыр жеткіліксіздігі және жүректің немесе респираторлық дисфункциясы бар пациенттерде жоғары дозаларда.

- жоғары дозаларда немесе дозалары арасында қысқа уақыт аралықтарымен. Бұл плазмадағы жоғары деңгейлеріне және ауыр жағымсыз әсерлеріне алып келуі мүмкін. Шырышты қабық арқылы сіңірілу көлемі ауытқып тұрады, бірақ ол әсіресе бронх тармағында жоғары. Соған орай, бронх тармағында пайдаланылуы жылдам артуына немесе плазмадағы деңгейлерінің жоғары болуына алып келуі мүмкін және конвульсиялар сияқты уытты симптомдарының жоғары қаупімен байланысты.

- егде жастағы, әлсіреген және ауыр науқасқа шалдыққан пациенттерде, сондай-ақ құрысуларға бейімдігі барларда

- жаралары бар, шырышты қабығы жарақаттанған, тіндердің ойық жаралары немесе қолданылу көзделген жерде сепсисі бар пациенттерге. Шырышты қабықтың зақымдануы жүйелі сіңірілуінің артуына алып келеді.

- ауыз-жұтқыншақта қолданылуы. Нәтижесінде, дисфагия орын алуы және аспирация қаупі артуы мүмкін. Тілдің немесе ауыз аймағының ұюы тістелеуден жарақат алу қаупін арттыруы мүмкін.

- аритмияға қарсы III класты препараттармен емделіп жүрген пациенттер (мысалы, амиодаронмен); оларға мұқият бақылау жүргізілуі тиіс, және ЭКГ мониторингі мүмкіндігін қарастыру керек , өйткені жүрекке тигізетін әсерлері қосылуы мүмкін.

Егер бір шприцтің ішіндегіден артық енгізілсе немесе гельдің едәуір мөлшері қуыққа түссе немесе уретра қабынған немесе ойық жараланған болса, лидокаиннің сіңірілуі тұтас алғанда артуы мүмкін, бұл орталық жүйке жүйесі мен жүрек-қантамыр жүйесіне жағымсыз әсерлерімен артық дозалануға алып келуі мүмкін.

Астениялық бульбарлық салданудан зардап шегетін пациенттер, әсіресе жергілікті анестетиктерге сезімтал.

Катеджель лидокаинмен жансыздандырғыш гель, көзге тимеуі тиіс.

Жүктілік және лактация кезеңі

Препараттың жүктілік және лактация кезіндегі қауіпсіздігі мен тиімділігі анықталмаған. Шарана үшін ықтимал қаупі белгісіз.

Катеджель құрамындағы хлоргексидинге қатысты лидокаинмен іс жүзінде ешқандай қауіп жоқ деуге болады, өйткені хлоргексидиннің өте аз мөлшері ананың жүйелі қан ағымына түседі.

Катеджель лидокаинмен жүктілік және лактация кезінде тек ана мен шарана үшін пайда/қауіп арақатынасын мұқият саралағаннан кейін ғана қолданылуы тиіс. Жүктілік кезінде қайта пайдалану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналуы, ұйқышылдық түріндегі жағымсыз әсерлерінің болуына байланысты, Лидокаинмен катеджель көлік құралын немесе қауіптілігі зор механизмдерді басқару қабілетіне әсер етуі мүмкін.

Артық дозалануы

Симптомдары: артық дозалануының алғашқы белгілері – ОЖЖ қозу симптомдары (мазасыздық, бас айналуы, тремор, есту және көру бұзылыстары, тіл мен ерін аймағының шаншуы, нистагм, жүрек-қантамыр стимуляциясы – тамыр соғысы жиілігінің жеделдеуі, қан қысымының жоғарылауы, терінің қызаруы), жоғары уытты дозаларда – ОЖЖ және жүрек-қантамыр жүйесінің депрессиясы (ұйқышылдық, бозару, құрысулар, коллапс, кома, брадикардия).

Емі: лидокаинді қолдануды дереу тоқтату, тыныс жолдарын ашықтығын қамтамасыз ету, организмнің барлық өмірлік маңызы бар функциялары қалпына түскенше оттегіні қолдану, қан қысымына, тамыр соғысы мен қарашықтардың кеңеюіне мониторинг жүргізу керек. Гипотония кезінде: аяқтарды көтеру және в/і баяу бета-симпатомиметик (200 мл глюкозаның 5% ерітіндісіндегі 1 мг изопреналин ерітіндісі минутына 10-20 тамшы) және айналымдағы сұйықтық көлемін толықтыру; брадикардия кезінде – вена ішіне 0,5-1,0 мл атропин; құрысулар кезінде – қысқа әсері бар барбитураттар немесе миорелаксанттар.

Шығарылу түрі және қаптамасы

12,5 г препараттан түтікті аппликаторы және ұшы сындырылатын гофрланған полипропиле­н шприцте. Шприцке өздігінен желімденетін заттаңба жапсырылады және поливинилхлоридті үлбір мен балауыз жағылған қағаздан жасалған пішінді ұяшықты қаптамаға қапталады. 1, 5 немесе 25 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салады.

Сақтау шарттары

25 °С-ден аспайтын температурада, жарықтан қорғауға арналған сыртқы қаптамасында сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

"Монтавит Гес.м.б.Х", Salzbergstrasse 96 A-6067 Absam, Австрия

Тіркеу куәлігінің ұстаушысы

"МонтавитГес.м.б.Х", Salzbergstrasse 96 A-6067 Absam, Австрия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Sabipharm» ЖШС, Қазақстан Республикасы, Алматы, Әл-Фараби 19, 1Б блок, 202 кеңсе, тел/Факс: 8(727)31105-91, email: sabipharm@yandex.ru