Тауарлардың көрінісі фотосуретте көрсетілгеннен өзгеше болуы мүмкін

Йодомарин 200 мкг № 100 табл

2506
Қолжетімділігі
Сатылымда бар
Үлгі
4013054004654
Елі
Германия
Өндіруші
Берлин-Хеми АГ (Менарини
0-0-4 бөліп төлеу
627 x 4 ай
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ЙодомаринÒ 200

Саудалық атауы

ЙодомаринÒ 200

Халықаралық патенттелмеген атауы

Калий йодиді

Дәрілік түрі

Таблеткалар 0,200 мг

Құрамы

Бір таблетканың құрамында

белсенді зат – 0,262 мг калий йодиді (0,200 мг йодидке баламалы),

қосымша заттар: лактоза моногидраты, негізгі жеңіл магний карбонаты, желатин, натрий крахмалы гликоляты (А типі), сусыз коллоидты кремнийдің қостотығы, магний стеараты.

Сипаттамасы

Жайпақбеткейімен, бір жағында ойығы мен сызығы бар, ақтан ақ дерлік түске дейінгі таблеткалар.

Фармакотерапиялық тобы

Қалқанша без ауруларын емдеуге арналған препараттар. Йод препараттары.

АТХ коды Н03СА

Фармакологиялық қасиеттері

Фармакокинетикасы

Йод әдетте организмге асқазан-ішек жолы арқылы келіп түседі, бірақ тері арқылы да және дене қуыстарынан да түсуі мүмкін. Бұны йодты кездейсоқ дәрілей енгізген кезде ерекше ескеру қажет.

Сіңуі

Органикалық емес йод жіңішке ішекте 100% дерлік, ал бұл ретте тері арқылы сіңуі – елеусіз болады және бақылауға келмейді.

Таралуы

Дені сау адамдарда таралу көлемі – орташа алғанда 23 литрге жуық (дене салмағының 38%). Қан сарысуындағы органикалық йод мөлшерінің көрсеткіштері әдетте 0,1 және 0,5 мкг/дл. аралығында болады.Организмде йодид қалқанша безде және сілекей бездері, емшек бездері және асқазан сияқты басқа тіндерге жиналады.

Сілекейде, асқазан сөлінде және сүтте йодидтің концентрациясы оның қан плазмасындағы концентрациясынан 30 есе жоғары.

Шығарылуы

Йодтың, көбінесемкг/г креатининмен көрсетілетін, несеппен бірге шығарылуы йодпен қамтамасыз етудің критерийі болады, өйткені тепе-тең жағдайда ол йодтың аспен бірге тәуліктік түсуінеқатысты болады.

Фармакодинамикасы

Әсер ету механизмі

Адам организміне экзогенді түрде енгізілген йодтың әсері тәулікте қабылданатын йод мөлшеріне, құрамында йоды бар препараттың түріне, сондай-ақ қалқанша бездің жағдайына (сау ағза, жасырын және манифестік ауру) байланысты болады.

Қалқанша без гормондарының – тироксиннің және трийодтирониннің синтезіне қатысатын элемент ретінде йод астың елеулі компоненті болып табылады.Оған, яғни эндемиялық зобтың дамуының алдын алу үшінорганизмге күн сайын түсуге тиісті йодтың мөлшеріне қажеттілік – тәулігіне шамамен 100-150 мкг құрайды. ДДСҰ ұсынған тәуліктік доза 150-ден 300 мкг дейінді құрайды.

Электрохимиялық жолмен йодтың жұтылуынан кейін (йодизация) қалқанша без фолликулаларының эпителиальді жасушаларында косубстрат болып табылатын сутегінің асқын тотығы (Н2О2) йодид-пероксидаза ферментімен катализденетін йодтың тотығуы жүреді, соның нәтижесінде элементарлы йод бөлінеді. Бұл кезде глюкопротеиннің тирозинді қалдықтарының (тиреоглобулин) бөлігі 3 қалыпта және ішінара 5 хошиісті сақинада (йодтау) йодталады.

Тирозиннің иодталған тобы тиронин каркасын түзіп, қышқылды конденсация нәтижесінде қосылады.Негізгі өнімі тироксин (Т4) және трийодтиронин (Т3) болып табылады. Осылайша түзілген "тиронин – тиреоглобулин" кешені оның фолликуласының коллоидына қалқанша без гормонының депо-формасы түрінде бөлінеді.

Фармакодинамикалық әсері

Йодтың физиологиялық мөлшері (шамамен 300 мкг дейін) йод тапшылығы кезінде орын басатын әсерді иеленеді және йод тапшылығына негізделген зобтың пайда болуына жол бермейді, жаңа туған нәрестелерде, балаларда және жасөспірімдердеқалқанша без өлшемі қалыпқа келуіне мүмкіндік береді, сондай-ақ бұзылған биохимиялық параметрлердің бірқатарына (Т3/Т4 арақатынасы, ТТГ деңгейі) әсер етеді.

Йодтың фармакологиялық белсендідозалары (тәулігіне1 мг-ден аса) келесі әсерлерді туындатуы мүмкін:

а) Вольф-Чайков (Wolff-Chaikoff effect) әсері:

артық йод оның интратиреоидальді органификациясының тежелуіне әкеледі. Йодтың шамадан тыс болуы сақталған жағдайда тежелуі йодтың сіңірілуінің төмендеуіне ауысады. Егер Вольф-Чайков әсері патологиялық жағдайларда сақталса, бұлгипотиреозге және нәтижесінде зобтың түзілуіне әкеледі.

б) Йодтың интратиреоидальді алмасуының және коллоид протеолизінің қысқаруы және осыған байланысты гормондардың бөлініп шығуының төмендеуі.

Осы әсер гипертиреозда айқын білінеді және әсіресе иммунды тиреопатияларда – қанмен қамтамасыз етілуінің төмендеуімен, ағзалардың өлшемінің азаюымен, содай-ақ оның тығыздануымен жүреді.

Қолданылуы

  • йод тапшылығының алдын алуда (мысалы, эндемиялық зобтың алдын алуда және йод тапшылығынан туындаған зобтың резекциясынан кейін)
  • балаларда, оның ішінде емшектегі, жасөспірімдерде және жас кезінде ересектерде диффузды эутиреоидты зобты емдеуде

Қолдану тәсілі және дозалары

Йод тапшылығы ауруларының профилактикасы (организмге тәулігіне кемінде 150-300 мкг құрайтын алиментарлық йодтың жеткіліксіз түсуі жағдайларында, ересектер тұтынатын ДСҰ таныған йод деңгейінің шекті деңгейі):

Емшектегі балалар, 2 – 12 жастағы балалартәулігіне ½ таблетка Йодомарин® 200(ол 100 мкг йодқа сәйкес)

12 жастан асқан балалар мен ересектер – тәулігіне ½ бастап 1 таблетка Йодомарин® 200 дейін (ол 100 - 200 мкг йодқа сәйкес)

Жүкті және бала емізетін әйелдер: тәулігіне 1 таблетка Йодомарин® 200 (ол 100-200 мкг йодқа сәйкес).

Эутиреоидты зобқа байланысты жасалған операциядан кейін аурудыңқайталануының профилактикасы немесе оны медикаментозды емдеу:тәулігіне ½ бастап 1 таблетка Йодомарин® 200 дейін (ол 100-200 мкг йодқа сәйкес).

Эутиреоидті зобты емдеу:

Жаңа туғандар нәрестелер, балалар және жасөспірімдер – тәулігіне ½ бастап 1 таблетка Йодомарин® 200 дейін (ол 100-200 мкг йодқа сәйкес).

Ересек жас кезеңде: тәулігіне 1 ½ бастап 2 ½ таблетка Йодомарин® 200 дейін (ол 300-500 мкг йодқа сәйкес)

Қолдану әдісі

Препаратты, тамақтанудан кейін, сұйықтың жеткілікті мөлшерімен ішіп қабылдайды.

Қолдану ұзақтығы

ЙодомаринÒ 200 препаратын профилактикалық қабылдау әдетте бірнеше жыл бойы, жиі – бүкіл өмір бойыжүргізіледі.

Жаңа туған нәрестелерде зобты емдеу үшін көптеген жағдайларда 2-4 апта жеткілікті; балаларда, жасөспірімдерде және ересектерде әдетте 6-12 ай немесе одан көбірек уақыт қажет.

Препаратты қолдану ұзақтығын емдеуші дәрігер анықтайды. Балаларға, оның ішіндежаңа туған балаларға препаратты алдын ала ұнтақтап және сүттің немесе судың аздаған мөлшерінде араластырып беру керек.

Жағымсыз әсерлері

Йодидті профилактикалық қолданғанда, кез келген жаста, сондай-ақ жаңа туған нәрестелер, балалар және жасөспірімдерді емдеуде қолданғанда жағымсыз әсерлері, әдетте, байқалмайды. Алайда, қалқанша бездің автономды ауқымды ошақтары болғанда және йодты 150 мкг асатын тәуліктік дозада тағайындағанда айқын гипертиреоз пайда болуын толық жоққа шығару мүмкін емес.

Жағымсыз әсерлері туындау жиілігі бойынша былайша жіктеледі:

Өте жиі: (³ 1/10)

Жиі: (³ 1/100-ден < 1/10 дейін)

Кейде: (³ 1/1000-нан < 1/100 дейін)

Сирек: (³ 1/10000-нан < 1/1000 дейін)

Өте сирек: (< 1/10000)

Белгісіз: қолда бар деректер негізінде бағалау мүмкін емес

Иммун жүйесі тарапынан бұзылулар

Өте сирек

Аса жоғары сезімталдық реакциялары (мысалы, йод туындатқан ринит, буллезді немесе туберозды йододерма, эксфолиативті дерматит, ангионевроздық ісіну, қызба, акне және сілекей бездерінің ісінуі).

Эндокриндік жүйе тарапынан бұзылулар

Өте сирек

Ересектерде зобты емдеу кезінде (тәуліктік дозасы 300-ден 1000 мкг йодқа дейін) йод туындатқан гипертиреоз дамуы мүмкін. Көптеген жағдайларда мұның алғышарты қалқанша безде диффузды немесе автономды шектеулі бөліктердің бар екендігі болып табылады. Әдетте егде жастағы адамдар, манифестті зобпен ұзақ уақыт зардап шегетін пациенттерде қауіпті.

Зерттеулер

Белгісіз

Пероксидазаға анти-тиреоидты антиденелер (АТ-ТПО) аутоиммунды ауруларға бейім пациенттерде пайда болуы мүмкін.

Болуы мүмкін жағымсыз реакциялар туралы хабарламалар

Дәрілік препаратты тіркеуден кейін болуы мүмкін жағымсыз реакциялар туралы хабарламалардың атқаратын рөлі зор. Бұл осы дәрілік затқа қатысты «пайда/қауіп» арақатынасын бақылауды жалғастыруға мүмкіндік береді. Денсаулық сақтау қызметкерлерінен кез келген болуы мүмкін жағымсыз реакциялар туралы хабарлау талап етіледі.

Қолдануға болмайтын жағдайлар

- препараттың әсер ететін затына немесе басқа да компоненттерінің біреуіне жоғары сезімталдық

- манифестті гипертиреоз

- тәулігіне 150 мкг йодтан асатын дозада латентті гипертиреоидизм

- қалқанша бездің уытты аденомасы, сондай-ақ қалқанша бездің ошақтық және диффузды автономды бұзылыстары

Дәрілермен өзара әрекеттесуі

Гипертиреозды тиреостатикалық дәрілермен емдеуге реакцияны йод тапшылығы жоғарылатады, ал йодтың артық болуы төмендетеді; осыған байланысты гипертиреозды емдер алдында немесе емдеу кезінде, мүмкіндігінше, йодты кез келген түрде қабылдаудан тартыну ұсынылады. Тиреостатикалық дәрілік заттар қалқанша бездің ішінде йодтың органикалық затттармен байланысты формаға айналуын тежейді және сондықтан зобтың түзілуін туындатуы мүмкін.

Қалқанша безге сол «қармау» механизмі бойынша сіңетін заттар, йодид те, йодтың қалқанша безге сіңуін бәсекелестік механизмімен тежеуі мүмкін (мысалы, калий тиоцианаты немесе перхлорат, ол сондай-ақ қалқанша без ішінде йодтың рециркуляциясын бәсеңдетеді). Тежеу, мысалы, 5 мг/дласатын концентрациядағы тиоцианат сияқты, өзі сіңбейтін дәрілік заттар тарапынанда болуы мүмкін.

Йодтың қалқанша безге сіңуі және оның алмасуы эндогенді және экзогенді тиреотропты гормондармен (ТТГ) көтермеленеді.

Қалқанша без гормондарының ішке шығарылуын бәсеңдететін йодтың жоғары дозаларымен және литий тұздарымен бір мезгілде емдеу зобтың және гипотиреоздың пайда болуына ықпал етуі ықтимал.

Калий йодидінің өте жоғары дозаларын калий жинаушы диуретиктермен біріктіру гиперкалиемияға әкелуі мүмкін.

Айрықша нұсқаулар

Емді бастар алдында пациентте гипертиреоз немесе түйінді уытты зоб барын, сондай-ақ анамнезде осы аурулардың болуын жоққа шығару қажет.

Емнің алдында спецификалық диагностикалық әдістерді қолдану арқылы қалқанша без диффузды немесе шектеулі автономды бұзылыстардың бар екендігін жоққа шығару қажет, өйткені йодтың 150 микрограмм немесе одан жоғары тәуліктік дозасын пайдаланылатын мұндай емдеу гипертиреозға әкелуі мүмкін.

Қалқанша безді йодпен қанықтыру емдік немесе диагностикалық мақсатта пайдаланылатын радиоактивті йод жинақталуына кедергі келтіруі ықтимал. Осыған байланысты препаратты радиоактивті йод қолданар алдында қабылдау ұсынылмайды.

Йодомарин® препаратының құрамында лактоза бар. Галактоза жақпаушылығының сирек тұқым қуалайтын түрімен, лактаза ауыр тапшылығы немесе глюкоза мен галактоза мальабсорбциясы синдромымен зардап шегетін пациенттергеЙодомаринді® қабылдауға болмайды.

Жүктілік және лактация кезеңі

Жүктілік және бала емізу кезеңінде йодқа қажеттілік артады, сондықтан йодтың организмге мол (тәулігіне 200 мкг) түсуі аса маңызды болып табылады. Препарат плацентарлық бөгет арқылы өтеді. Йодтың диаплацентарлық өтуіне және шарананың оның фармакологиялық белсенді дозасына сезімталдығынабайланысты, йодты дозаның миллиграмды диапазонында тағайындау ұсынылмайды. Препарат емшек сүтімен бөлінеді. Егер бала емізетін әйел Йодомарин® 200 қабылдайтын болса, онда препаратты емшек еміп жүрген нәрестелерге қосымша тағайындау қажет етілмейді.

Йодид концентрациясының қан сарысуындағыға қарағанда сүттегі концентрациясы 30 есе жоғары. Радиацияның жоғары деңгейіне байланысты апаттан кейінгі жоғарыдозалы йодтық алдын алудың оған қатысы жоқ. Препаратты жүктілік және емшекпен қоректендіру кезеңінде тек ұсынылған дозада ғана қолдануға болады.

Препаратпен бір мезгілде қолданылатын тағам өнімдері мен тағамдық қоспалардағы йод мөлшерін ескеру қажет.

Дәрілік заттың көлікті немесе қауіптілігі зор механизмдерді басқару қабілетіне әсер ету ерекшеліктері

Йодомарин® 200 автомобиль жүргізу және механизмдерді пайдалану қабілеттілігіне әсер етпейді.

Артық дозалануы

Уыттану симптомдары:

Шырышты қабықтардың қоңыр түске боялуы, рефлекторлы құсу (тағамда крахмал болу жағдайында көк түске боялады), іш тұсының ауыруы және диарея (қан аралас болуы мүмкін).Сусыздану және шок дамуы мүмкін. Сирек жағдайларда өңештің тарылуы орын алады. Йодтың көп мөлшерін (30-ден 250 мл йод тұндырмасына дейін) қабылдағаннан кейін ғана өлім жағдайлары байқалған.

Ұзақ артық дозалану сирек жағдайларда йодизм деп аталатын феноменге әкеледі: ауызда металл тату, шырышты қабаттың ісінуі мен қабынуы (тұмау, конъюнктивит, гастроэнтерит, бронхит). Туберкулез секілді жасырын қабынуларйодид әсерімен белсенділенуі мүмкін. Ісінулер, эритема, безеу және буллезді бөртпелер, геморрагиялар, қызба, сілекей безі өзегінің кеңеюі және жүйке қозуының дамуы орын алған.

Емі:

Жедел уыттануда емдеу

асқазанды крахмал, ақуыз ерітінділерімен немесе йодтың барлық іздерін шығарғанға дейін 5 % натрий тиосульфат ерітіндісімен шаю керек. Сулы және электролиттік бұзылуларды белгісіне қарай емдеу, шокқа қарсы ем.

Созылмалы уыттануда емдеу

Йод қабылдауды тоқтату.

Йодпен индукцияланған гипотиреоидизм

Йодты тоқтату, қалқанша без гормондарының көмегімен зат алмасуды қалпына келтіру.

Гипертиреоидизм, йодпен индукцияланған

Бұл артық дозалану емес, өйткені гипертиреоз кейбір елдерде физиологиялық болып табылатын йод мөлшерімен туындауы мүмкін.

Ағымының түріне сәйкес емдеу: жұмсақ түрлері белгілі жағдайларда емді қажет етпейді, айқын түрінде тиреостатикалық ем жүргізуді қажет етеді (олардың тиімділігі әрқашан кешеуілдеп білінеді).

Ауыр жағдайларда (тиреоуытты криз) қарқынды емдеу, плазмаферез немесе тиреоидэктомия қажет.

Шығарылу түрі және қаптамасы

25 таблеткадан ақ, қатты, поливинилхлоридті (ПВХ) үлбірден және қатты алюминий фольгадан жасалған пішінді ұяшықты қаптамаға салынған.

1, 2 немесе 4 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Сақтау мерзімі өткеннен кейін дәрілік затты пайдалануға болмайды.

Дәріханалардан босатылу шарттары

Рецептісіз

Өндіруші

Берлин-Хеми АГ (Менарини Групп), Германия

Тіркеу куәлігінің иесі

Берлин-Хеми АГ (Менарини Групп)

Глиникер Вег 125, 12489 Берлин, Германия

Қаптаушы

Менарини – Фон Хейден ГмбХ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайты және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Берлин-Хеми АГ» АҚ ҚР өкілдігі

050051, Алматы қ., Луганский к-сі, 54, № 2 коттедж

Телефон нөмірі:+7 727 2446183, 2446184, 2446185

факс нөмірі: +7 727 2446180

электронды пошта: Kazakhstan@berlin-chemie.com

Дәріханалар

Тауар артығымен бар
Тауар аз қалды
Аптека № 90, Нур-Султан, (13 магистраль)
г.Нур-Султан, ул. Бауыржан Момышулы, 16 Ж/К "Восток"
Круглосуточно
Аптека № 56, Нур-Султан, (Хайвилл)
ул.Байтурсынова 3, Ж/К "Хай вил"
09:00-00:00
Аптека №17 ПТ, Нур-Султан (Мангилик)
г. Нур-Султан Мангилик Ел 19
Круглосуточно
Аптека №190, Нур-Султан, (Лазурный Квартал)
г.Нур-Султан ул.Сарайшык 5(ВП-18)
Круглосуточно
Аптека №161, Нур-Султан, (поликлиника №10)
г.Нур-Султан, ул. 188 дом 3/1 ВП-3/1
09:00-21:00
Аптека №62
г.Нур-султан Алаш 23/1 внутри Магнума
9:00-21:00
Аптека №95 ПТ
г. Нур-Султан, пр. Мангилик ел, 53
Круглосуточно
Аптека №220, Нур-Султан (ЖК ЭКСПО Плаза)
г Нур-Султан ул Улы Дала 56
Круглосуточно
Аптека №277, Нур-Султан (Империал)
г. Нур-Султан, ул.Кенесары, д.47, ВП-3
09:00-00:00
Аптека №278, Нур-Султан (Иманбаева 8)
г. Нур-Султан, ул. Иманбаева, 8 ВП, 1A
09:00-00:00
Аптека №276
Рыскулбекова д.16/3
Круглосуточно
Аптека №193, Нур-Султан (Сатпаева)
г.Нур-Султан ул.Сатпаева 23/1 (ВП-3)
08:00-22:00
Аптека №273, Астана (Бараева)
г.Нур-Султан (Астана), ул. Бараева 21
Круглосуточно
Аптека №47 ПТ Астана (БЦ Кайнар)
г.Астана, ул. Иманова 50 (БЦ Кайнар)
Круглосуточно
Аптека №312
Керей-Жанибека хандар 12,
Круглосуточно
Аптека № 54, Нур-Султан, (Болашак)
г. Нур-Султан, пр.Сары-Арка дом 3 Вп-1 Ж/К "Болашак
09:00-21:00