Анальгин раствор для вв и вм введения 500 мг/мл, 2мл №10,амп
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Анальгин раствор для вв и вм введения 500 мг/мл, 2мл №10,амп

Қолжетімділігі
Тауар қолда жоқ
Үлгі
4602212000111
Елі
Россия
Өндіруші
Новосибхимфарм ОАО
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Анальгин

Халықаралық патенттелмеген атауы

Натрий метамизолы

Дәрілік түрі, дозалануы

Вена ішіне және бұлшықет ішіне енгізуге арналған ерітінді 500 мг/мл, 2 мл

Фармакотерапиялық тобы

Жүйке жүйесі. Анальгетиктер. Басқа анальгетиктер және антипиретиктер. Пиразолондар. Натрий метамизолы.

АТХ коды N02BB02

Қолданылуы

- Жарақаттан немесе операциядан кейінгі жедел қатты ауыруда

- Шаншуда

- Обыр аурулары кезіндегі ауыруда

- Басқа емдеу әдістеріне көрсетілімдер болмаған кезде әртүрлі жедел немесе созылмалы қатты ауыруда

- Басқа емдеу әдістеріне жауап бермейтін жоғары қызбада

Энтеральді енгізуді жүзеге асыру мүмкін болмаған жағдайда ғана парентеральді енгізу көрсетілген.

Препаратты қолдану орындылығы әр жағдайда қызбаның ауырлығына, сипатына және төзімділігіне байланысты шешіледі.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

Анальгинді келесі жағдайларда қолдануға болмайды:

- Белсенді затқа немесе қосымша заттардың кез келгеніне жоғары сезімталдық.

- Басқа пиразолондарға (мысалы, феназон, пропифеназон) немесе пиразолидиндерге (мысалы, фенилбутазон, оксифенбутазон) жоғары сезімталдық, сондай-ақ анамнезінде осы препараттардың бірін енгізгеннен кейін пайда болған агранулоцитоздың болуын қоса.

- Сүйек кемігі функциясының жеткіліксіздігі (мысалы, цитостатикалық препараттармен емдеуден кейін) немесе қан түзу жүйесінің аурулары.

- Белгілі болғандай, науқастарда салицилат, парацетамол, диклофенак, ибупрофен, индометацин, напроксен сияқты ауыруды басатын дәрілерге бронх түйілуі немесе басқа анафилактоидты реакциялар (мысалы, есекжем, ринит, ангионевроздық ісіну) дамуы мүмкін.

- Бауырдың жедел қайталанатын порфириясы (порфирия ұстамаларын индукциялау қаупі).

-Туа біткен глюкоза-6-фосфат дегидрогеназа тапшылығы (гемолиз қаупі).

- Гипотониясы немесе тұрақсыз гемодинамикасы бар пациенттерге анальгинді енгізуге болмайды

- Жүктіліктің үшінші триместрі

- 12 айға дейінгі балаларға вена ішіне енгізу.

Басқа дәрілік препараттармен өзара әрекеттесуі

Натрий метамизолы плазмадағы циклоспорин концентрациясының төмендеуіне әкеп соғуы мүмкін, сондықтан оларды бір мезгілде қолданған кезде циклоспорин концентрациясын бақылау керек.

Натрий метамизолын хлорпромазинмен бір мезгілде қолданғанда ауыр гипотермия дамуы мүмкін.

Натрий метамизолы мен метотрексатты немесе басқа миелоуытты дәрілерді бір мезгілде қолдану соңғысының гемоуыттылығын, әсіресе егде жастағы пациенттерде күшейтуі мүмкін. Сондықтан мұндай біріктірілімнен аулақ болу керек.

Бір мезгілде қолданғанда тікелей емес антикоагулянттардың, пероральді гипогликемиялық препараттардың, ГКС, индометациннің белсенділігі олардың натрий метамизолының әсерінен қан ақуыздарымен байланысты ығысуына байланысты күшейеді.

Трициклді антидепрессанттар, пероральді контрацептивтер, аллопуринол бауырдағы натрий метамизолының метаболизмін бұзады және оның уыттылығын арттырады.

Барбитураттар, фенилбутазон және бауырдың микросомалық ферменттерінің басқа индукторлары натрий метамизолының әсерін әлсіретеді.

Тыныштандыратын дәрілер мен транквилизаторлар натрий метамизолының ауыруды басатын әсерін күшейтеді.

Натрий метамизолын бір мезгілде қолданғанда тимазол лейкопенияның даму қаупін арттырады.

Кодеин, H2 гистаминдік рецепторлардың блокаторлары және пропанолол натрий метамизолының әсерін күшейтеді.

Ацетилсалицил қышқылымен (АСҚ) бір мезгілде қолданғанда натрий метамизолы АСҚ-ның тромбоциттер агрегациясына әсерін азайтуы мүмкін. Сондықтан осы біріктірілімді АСҚ-ны антиагрегантты дәрі ретінде қабылдайтын пациенттерді емдеу кезінде сақтықпен қолданған жөн.

Бір мезгілде қолданған кезде натрий метамизолы қандағы бупропион концентрациясын төмендетуі мүмкін.

Пиразолон туындылары тікелей емес антикоагулянттармен, каптоприлмен, литиймен және триамтеренмен әрекеттесетіні, сондай-ақ гипотензивті дәрілер мен диуретиктердің тиімділігіне әсер ететіні белгілі.

Натрий метамизолымен емдеу кезінде анафилаксиялық/анафилактоидты реакциялардың даму қаупінің жоғарылауына байланысты рентгенконтрасттылы заттарды, коллоидты қан алмастырғыштарды және пенициллинді қолдануға болмайды.

Миелоуытты дәрілік заттар натрий метамизолының гематоуыттылық көрінісін күшейтеді

Зертханалық талдау жүргізу кезіндегі өзара әрекеттесу:

- Метамизол қабылдайтын пациенттерде Триндер реакциясын (мысалы, сарысу креатининін, триглицеридтерді, тығыздығы жоғары липопротеин холестеринін және несеп қышқылын өлшеуге арналған тесттер) пайдалана отырып, зертханалық талдаулар барысының бұзылуы тіркелді.

Арнайы ескертулер

АгранулоцитозМетамизолмен индукцияланған агранулоцитоз-кем дегенде бір аптаға созылатын иммуноаллергиялық бұзылыс. Бұл өте сирек кездесетін реакция, бірақ ол ауыр түрде өтуі немесе өліммен аяқталуы мүмкін. Реакция дозаға тәуелді емес және емдеу кезінде кез келген уақытта пайда болуы мүмкін.Агранулоцитозды көрсетуі мүмкін мынадай белгілер немесе симптомдар: қызба, мұрынның бітелуі, тамақтың ауыруы, ауыз қуысының ойық жаралануы пайда болған жағдайда пациентке емдеуді тоқтату және дереу дәрігерге жүгіну қажеттілігі туралы хабарлау қажет.Агранулоцитоз (<1500 нейтрофил/мм3) жағдайында емдеуді дереу тоқтатып, қан талдауын жасап, оның нәтижелерін қалыпты жағдайға оралғанға дейін бақылап отыру керек.Панцитопения

Панцитопения жағдайында емдеуді дереу тоқтатып, гемограмма нәтижелері қалыпты жағдайға келгенше тексерілуі керек.Метамизолды қабылдаған кезде барлық пациенттерге қанның дискразиясын (мысалы, жалпы дімкәстану, инфекция, персистентті қызба, гематомалар, қан кету, бозару) көрсететін белгілер мен симптомдар пайда болған жағдайда дереу дәрігерге қаралу ұсынылады.Анафилаксиялық шок

Мұндай реакциялар негізінен сезімталдығы жоғары науқастарда пайда болады. Сондықтан метамизолды демікпемен немесе атопиямен ауыратын науқастарға тағайындау сақтықпен жүргізілуі керек.Метамизол енгізілгеннен кейін анафилактоидты реакция дамыған пациенттер есірткілік емес басқа анальгетиктер енгізілгеннен кейін осындай реакциялардың пайда болу қаупі жоғары болады.Метамизолды енгізгеннен кейін анафилаксиялық немесе аллергиялық реакция (мысалы, агранулоцитоз) дамыған пациенттер басқа пиразолондарды немесе пиразолидиндерді енгізгеннен кейін осындай реакциялардың пайда болу қаупі жоғары болады.Анафилаксиялық / анафилактоидты реакциялар

Енгізу әдісін таңдау кезінде парентеральді енгізумен байланысты анафилаксиялық / анафилактоидты реакциялардың жоғары даму қаупін ескеру керек. Төменде атап көрсетілген пациенттерді емдеу кезінде ерекше сақтық таныту керек, себебі олар метамизолды енгізгеннен кейін ауыр анафилактоидты реакциялардың даму қаупіне бейім болады:

Бронх түйілуі немесе ауыруды басатын дәрілерге (мысалы, салицилат, парацетамол, диклофенак, ибупрофен, индометацин, напроксен) басқа анафилактоидты реакциялардың (мысалы, есекжем, ринит, ангионевроздық ісіну) даму қаупі белгілі пациенттер.- Бронх демікпесімен ауыратын пациенттер, әсіресе ол полиптерден туындаған риносинуситпен байланысты болғанда.- Созылмалы есекжеммен ауыратын науқастар

- Алкоголь көтере алмаушылығы бар пациенттер, яғни кейбір сусындарда аз мөлшерде алкогольдің болуына қатты әсер ететін пациенттер. Симптомдары беттің айқын қызаруы, түшкіру, сондай-ақ көзден жас ағумен айқындалады. Алкоголь көтере алмаушылығы диагнозы анықталмаған анальгетикалық демікпе синдромын көрсетуі мүмкін.- Бояғыштарға (мысалы, тартразинге) немесе консерванттарға (мысалы, бензоаттарға) көтере алмаушылығы бар пациенттер.Метамизолды енгізер алдында пациентті сұрастыру керек. Анафилактоидты реакциялардың даму қаупі тобындағы пациенттерде метамизолды қолдануды пайда/қауіп арақатынасы негізінде бағалау керек. Препаратты осындай жағдайларда енгізген кезде қатаң медициналық бақылау, сондай-ақ шұғыл емдеу әдістерінің болуы талап етіледі.Оқшауланған гипотензивті реакциялар: Метамизолды енгізу оқшауланған гипотензивті реакцияларға әкелуі мүмкін. Мұндай реакциялар дозаға байланысты болуы мүмкін. Олар негізінен парентеральді енгізгеннен кейін пайда болады.

Осындай ауыр гипотензивті реакцияларды болдырмау үшін:

- вена ішіне енгізуді баяу орындау

- сусыздануы немесе көлем тапшылығымен гипотензия немесе қан айналымының тұрақсыздығы немесе басталған қантамыр жеткіліксіздігі байқалатын науқастардың гемодинамикасын қалпына келтіру

- температурасы жоғары пациенттерге назар аудару қажет.Мұндай пациенттерге метамизол енгізу мүмкіндігін аса мұқият бағалау керек, сондай-ақ оны енгізу қатаң медициналық бақылаумен қатар жүргізілуі тиіс. Гипотензия қаупін азайту үшін қан айналымын тұрақтандыру сияқты профилактикалық шаралар қажет болуы мүмкін.Ауыр түрдегі тері реакциялары

Метамизолды пайдалану кезінде пайда болатын тері реакциялары, Стивенс-Джонсон синдромы (СДС) өмірге қауіпті токсикодермальді некролиз (ТДН) туралы хабарланды. СДС немесе ТДН белгілері немесе симптомдары пайда болған жағдайда (көбінесе күлдіреуікпен немесе шырышты қабықтың зақымдануымен қатар жүретін үдемелі бөртпе сияқты) емдеуді дереу тоқтатып, оны ешқашан қайта бастамау керек.Пациенттер белгілер мен симптомдар туралы хабардар болуы керек және терінің ықтимал реакцияларын, әсіресе емдеудің алғашқы бірнеше апталарында анықтау үшін мұқият бақылауда болуы керек.Метамизолды артериялық қысымның төмендеуі мүлдем қолайсыз пациенттерге тағайындаған кезде гемодинамикалық көрсеткіштерді мұқият бақылау қажет. Оларға жүректің ауыр ишемиялық ауруы бар немесе миды қамтамасыз ететін тамырлар стенозы бар пациенттер жатады.Бүйрек немесе бауыр жеткіліксіздігі бар пациенттерді емдеу кезінде метамизолдың организмнен шығарылу жылдамдығының төмендеуіне байланысты оның үлкен дозаларын енгізуден аулақ болу керек.Анафилаксиялық немесе анафилактоидты шоктың алғашқы белгілері кезінде енгізуді дереу тоқтату үшін венаішілік инъекцияны минутына 1 мл-ден аспайтын жылдамдықпен өте баяу енгізу керек.

Анальгин пациентке артериялық қысымды, жүректің жиырылу мен тыныс алу жиілігін тұрақты бақылай отырып, жатқан қалпында өте баяу (1 мл/мин аспайды) енгізіледі. Егер тым тез енгізілсе, қан қысымының төмендеуі мүмкін.Анафилаксиялық шок қаупін төмендетуге тікелей жалпы дозаны енгізер алдында алдын ала тест (0,1-0,2 мл енгізу және пациентті 1-2 минут бойы бақылау) жүргізу ықпал етеді.Егер қызба сақталса немесе анальгин сияқты пиразол туындыларын енгізгеннен кейін пайда болса немесе емдеу кезінде терінің немесе ауыздың немесе жұтқыншақтың шырышты қабаттарының ауыруы байқалса, соңғысын енгізуді дереу тоқтатып, басқа ауыруды басатын немесе ыстықты басатын дәрілерді қолданбау керек. Бұл әдетте 2-ден 3 аптаға дейін созылады, оның барысында кең ауқымды антибиотиктер мен зеңге қарсы препараттарды қолдану көрсетілген.

Кейде несептің қызыл түске боялуы байқалуы мүмкін: бұл қауіпсіз белгі және зиянсыз метаболит - рубазон қышқылының шығарылуына байланысты. Бояғыштарға (мысалы, тартразинге) немесе консерванттарға (мысалы, бензоатқа) төзімсіздік немесе жоғары сезімталдық (анафилаксиялық/анафилактоидты реакциялардың даму қаупінің жоғарылауы).

Бауыр мен бүйрек функциясы бұзылған пациенттер.

Натрий метамизолының шығарылуын баяулату мүмкіндігіне байланысты төмен дозаларды қолдану ұсынылады

Педиатрияда қолданылуы

1 жасқа дейінгі, бірақ 3 айдан асқан немесе дене салмағы 5 кг-нан асатын балаларға препаратты тек бұлшықет ішіне енгізеді, курсы 3 күннен аспауы керек.

Жүктілік немесе лактация кезінде

Жүктіліктің I және III триместрлері кезінде қолдануға бомлмайды

Жүктілік кезінде препарат тек өмірлік көрсеткіштер бойынша тағайындалады (жүктіліктің II триместрі).

Метамизолды жүкті әйелдерді емдеу кезінде қолдану туралы мәліметтер шектеулі.

Метамизолды бірінші триместрде қабылдаған жүкті әйелдер туралы жарияланған мәліметтер негізінде (n = 568) препараттың тератогенді немесе эмбриоуытты әсері туралы ешқандай дәлел табылған жоқ. Басқа емдеу нұсқалары болмаған жағдайда кейбір жағдайларда бірінші және екінші триместрде метамизолдың бір реттік дозаларын қабылдауға болады. Алайда, метамизолды бірінші және екінші триместрде қабылдау әдетте ұсынылмайды. Препаратты үшінші триместрде қабылдау фетоуыттылықты туындатуы мүмкін (бүйрек жеткіліксіздігі және артериялық түтіктің тарылуы), метамизолды қолдану жүктіліктің үшінші триместрінде қарсы көрсетілімді болып табылады. Үшінші триместрде метамизолды байқаусызда қабылдаған кезде УДЗ және эхокардиография көмегімен қағанақ суы мен артериялық түтіктің жағдайын бақылау қажет.

Метамизол плацентарлы бөгетке ене алады.

Жануарларда метамизол репродуктивті уыттылықты туындатады, бірақ тератогенді уыттылықты туындатпайды.

Бала емізу

Натрий метамизолымен емдеу кезеңінде бала емізуді тоқтату керек.

Метамизолдың ыдырау өнімдері емшек сүтімен көп мөлшерде шығарылады, сондықтан еметін нәресте үшін қауіпті жоққа шығаруға болмайды. Атап айтқанда, емізу кезінде метамизолды қайта қабылдаудан аулақ болу керек. Метамизолды бір рет қабылдаған кезде қабылдағаннан кейін аналарға емшек сүтін қабылдағаннан кейін 48 сағат ішінде жинап, сауып алу ұсынылады.

Фертильділігі.

Деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың автокөлікті немесе басқа механизмдерді басқару қабілетіне әсері туралы клиникалық деректер жоқ, сондықтан емдеу кезінде зейін қоюды және психомоторлық реакциялардың жылдамдығын талап ететін автокөлікті басқарудан немесе басқа механизмдермен жұмыс істеуден бас тартқан жөн.

Қолдану бойынша ұсынымдар

Дозалау режимі

Енгізу тәсілі.

Вена ішіне немесе бұлшықет ішіне.

Енгізер алдында дене температурасына дейін қыздыру ұсынылады.

Доза ауырсынудың немесе қызбаның қарқындылығына, сондай-ақ науқастың Анальгинге реакциясының сезімталдығына байланысты анықталады. Ауыруды азайтуға және қызбаны басуға болатын ең төменгі дозаны таңдау өте маңызды.

15 жастағы және одан үлкен ересектер мен жасөспірімдер:

14 және одан кіші жастағы балалар мен жасөспірімдер дене салмағының бір килограмына 8-16 мг метамизол есебінен препараттың бір реттік дозасын қабылдай алады. Қызба кезінде балаларға дене салмағының килограмына 10 мг метамизол мөлшерінде доза жеткілікті.

15 және одан жоғары жастағы ересектер мен жасөспірімдер (> 53 кг) 1000 мг көлемінде бір реттік дозаны қабылдай алады.

Ең жоғары тәуліктік дозаға байланысты бір реттік дозаны 6-8 сағат аралықпен тәулігіне 4 ретке дейін қабылдауға болады.

Көрінетін әсер парентеральді енгізгеннен кейін 30 минуттан соң көрінеді.

Гипотензияның пайда болу қаупін мейлінше азайту үшін венаішілік инъекцияны өте баяу енгізу керек.

Төмендегі кестеде дене салмағына және жасына байланысты ұсынылатын бір реттік және ең жоғары тәуліктік дозалар келтірілген:

Дене салмағы

Бір реттік доза

Ең жоғары тәуліктік доза

кг

жасы

мл

мг

мл

мг

5 - 8

3-11 ай

0,1 - 0,2

50 - 100

0,4 - 0,8

200 - 400

9 - 15

1-3 жас

0, 2 - 0,5

100 - 250

0,8 - 2,0

400 - 1 000

16 - 23

4-6 жас

0,3 - 0,8

150 - 400

1,2 - 3,2

600 - 1 600

24 - 30

7-9 жас

0,4 - 1,0

200 - 500

1,6 - 4,0

800 - 2 000

31 - 45

10-12 жас

0,5 - 1,4

250 - 700

2,0 - 5,6

1 000 - 2 800

46 - 53

13-14 жас

0,8 - 1,8

400 - 900

3,2 - 7,2

1 600 - 3 600

> 53

> 15 жас

1,0 - 2,0*

500 - 1 000*

4,0 - 8,0*

2 000 -

4 000*

* Қажет болған жағдайда бір реттік дозаны 5 мл - ге дейін (бұл 2500 мг метамизолға сәйкес келеді), ал тәуліктік дозаны 10 мл-ге дейін (бұл 5000 мг метамизолға сәйкес келеді) арттыруға болады.

Пациенттердің ерекше топтары.

Балалар

1 жасқа дейінгі, бірақ 3 айдан асқан немесе дене салмағы 5 кг-нан асатын балаларға препаратты тек бұлшықет ішіне енгізеді, курсы 3 күннен аспауы керек.

Егде жастағы пациенттер

Егде жастағы пациенттерді емдеу кезінде дозаны азайту керек, себебі метамизолдың метаболизмдік өнімдерін организмнен шығару ұзаққа созылуы мүмкін.

Жағдайы ауыр және креатинин клиренсі бұзылған пациенттерге аз дозаларды қолдану қажет, себебі метамизолдың метаболизмдік өнімдерін организмнен шығару ұзақ уақыт алуы мүмкін.

Бауыр немесе бүйрек функциясы бұзылған пациенттерде

Метаболизмдік өнімдерді шығару жылдамдығы бүйрек немесе бауыр жеткіліксіздігінде төмендейтіндіктен, бірнеше жоғары дозаларды енгізуден аулақ болу керек. Қысқа мерзім ішінде қабылдаған кезде дозаны төмендету талап етілмейді. Бүгінгі күні метамизолды бауыр мен бүйрек жеткіліксіздігінің ауыр түрімен ауыратын пациенттерді емдеу үшін ұзақ уақыт қолдану тәжірибесі жоқ. Қысқа мерзімді емдеу кезінде дозаны түзету қажет емес.

Енгізу режимі

Негізінде, дозаны және енгізу әдісін таңдау пациенттің қалаған ауыруды басатын әсеріне және физикалық жағдайына байланысты. Көптеген жағдайларда қажетті ауыруды басатын әсерге қол жеткізу үшін бір рет ішке қабылдау жеткілікті.

Егер тез әсер ету қажет болса немесе ішке қабылдау көрсетілімдер болмаса, вена ішіне немесе бұлшықет ішіне енгізу ұсынылады

Енгізу әдісін таңдау кезінде парентеральді енгізу кезінде анафилаксиялық/ анафилактоидты реакциялардың жоғары даму қаупін ескеру керек.

Анальгин инъекцияға арналған ерітіндіні келесі ерітінділерде ерітуге болады: 5% глюкоза ерітіндісі, физиологиялық ерітінді (0,9% NaCl) және Рингер лактаты.

Алайда, ерітінділерді дайындағаннан кейін бірден енгізу керек, себебі олардың тұрақтылығы шектеулі.

Метамизол ерітіндісін басқа препараттармен бірге бір шприцке олардың арасындағы реакцияның пайда болу қаупіне байланысты енгізуге болмайды.

Емдеу ұзақтығы

Ауыруды басатын дәрі ретінде қолданғанда ұзақтығы 1-5 күн. Ыстықты түсіретін дәрі ретінде қолданған кезде 1-3 күн.

Ескерту.

Барлық парентеральді дәрілік заттарды енгізу алдында қатты бөлшектердің болуына және/немесе ерітіндінің түсінің өзгеруіне көзбен қарап тексеру керек.

Енгізу әдісі мен жолы

Вена ішіне және бұлшықет ішіне қолдануға арналған.

Қабылдау уақыты көрсетілген қолдану жиілігі

Препарат медициналық мекеме жағдайында қолдану үшін ұсынылады. Препаратты әрдайым қосымша параққа немесе емдеуші дәрігердің ұсынымдарына сәйкес қабылдаңыз.

Емдеу ұзақтығы

Емдеу курсын дәрігер анықтайды.

Артық дозаланған жағдайда қабылдануы қажет шаралар

Жануарларға жүргізілген тәжірибелер Анальгиннің емдік ауқымы өте кең екенін көрсетті. Расталған уытты дозасы белгісіз, бірақ ол өте жоғары мәндерді құрайды.

Симптомдары:

Жедел артық дозалану жағдайында мынадай реакциялар туралы хабарланды: бүйрек функциясының нашарлауы, жедел бүйрек жеткіліксіздігі (мысалы, интерстициальді нефритке байланысты) және, сирек жағдайда, орталық неврологиялық симптомдар (бас айналуы, ұйқышылдық, кома, құрысулар), артериялық қысымның төмендеуі (кейде шок), жүрек аритмиясы (тахикардия).

Емі: Метамизолдың спецификалық антидоты белгісіз.

Негізгі метаболитті (4-N-метиламиноантипирин) гемодиализ, гемофильтрация, гемоперфузия немесе плазмафильтрация арқылы организмнен шығаруға болады.

Дәрілік препараттың бір немесе бірнеше дозасын өткізіп алған кезде қажетті шаралар

Дәрілік зат медициналық мекеме жағдайында қолдануға арналған. Өткізіп алған дәрі-дәрмектің орнын толтыру үшін еселенген дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге қаралыңыз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Препаратты әрдайым қосымша параққа немесе емдеуші дәрігердің ұсынымдарына сәйкес қабылдаңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Бұл реакциялар метамизолды енгізу кезінде немесе бірнеше сағаттан кейін пайда болуы мүмкін. Әдетте, олар қабылдағаннан кейінгі алғашқы сағаттарында пайда болады.

Әдетте, тері мен шырышты қабаттарда әлсіз анафилаксиялық және анафилактоидты реакциялар, мысалы, қышыну, есекжем, терінің қызаруы, ісіну, күйік, ентігу және сирек асқазан-ішек аурулары пайда болады.

Бұл әлсіз реакциялар жайылған есекжем, ауыр ангионевроздық ісіну (соның ішінде көмей деңгейінде), ауыр бронх түйілуі, жүрек аритмиясы, артериялық қысымның төмендеуі (кейде артериялық қысымның жоғарылауына дейін), сондай-ақ кардиогенді шок сияқты ауыр түрлеріне айналуы мүмкін.

Ауырудан туындаған демікпесиндромы бар пациенттерде көтере алмаушылық реакциясы әдетте демікпе ұстамалары түрінде болады.

Емдік дозаларда препарат әдетте жақсы төзімді.

Ықтимал жағымсыз реакциялардың жиілігі былайша жіктелген: өте жиі (≥ 1/10), жиі (≥1/100 < 1/10 дейін), жиі емес (≥1/1000 < 1/100 дейін), сирек (≥1/10 000 < 1/1000 дейін), өте сирек (<1/10 000 дейін) және жиілігі белгісіз (қолда бар деректер негізінде бағалау мүмкін емес).

Қан түзу және лимфа жүйесі тарапынан:

сирек- лейкопения, өте сирек – агранулоцитоз, тромбоцитопения, жиілігі белгісіз – апластикалық анемия, панцитопения. Панцитопения пайда болған кезде препаратты дереу тоқтатып, оның көрсеткіштері қалпына оралғанға дейін қанның жалпы талдауын бақылау керек. Натрий метамизолын бір аптадан артық қолданған кезде агранулоцитоз қаупі артады.

Мұндай реакциялар иммунологиялық болып саналады және тіпті бұрын Анальгинді бірнеше рет қабылдаған пациенттерде де асқынусыз пайда болуы мүмкін.

Агранулоцитоздың клиникалық симптомдары төменде көрсетілген:

- шырышты қабықтардың қабыну зақымдануы, мысалы, ауыз қуысының, жұтқыншақтың, жыныс мүшелерінің немесе аноректальді қабықтардың ойық жаралануы,

- қызба, болжанбайтын персистентті және қайталанатын, бұл сепсис болуы мүмкін екенін көрсетеді,

- қалтырау,

- стенокардия,

- жеңіл лимфаденопатияда немесе оның болмауы кезінде шөгу жылдамдығының қатты артуы,

- спленомегалияның болмауы,

- гемоглобин, эритроциттер және тромбоциттер деңгейі нормада.

Емдеу тоқтатылғаннан кейін лейкоциттер 2-3 апта ішінде өздігінен қалпына келеді.

Осы кезеңде кең ауқымды антибиотиктер мен зеңге қарсы дәрілерді қабылдау талап етіледі.

Ескерту: антибиотиктерді қабылдаған пациенттерде агранулоцитоздың әдеттегі симптомдары ең төмен болуы мүмкін.

Тромбоцитопенияның клиникалық симптомдары төменде көрсетілген:

Теріде және шырышты қабаттарда қан кету мен петехияларға бейімділіктің жоғарылауы.

Иммундық жүйе тарапынан:

сирек - аллергиялық немесе анафилаксиялық реакциялар. Терідегі немесе шырышты қабаттардағы бөртпелер (мысалы, терінің қышынуы, терінің қызаруы, бөртпе, ісіну) ентігумен, сирек - асқазан-ішек жолдарының бұзылуымен қоса жүруі мүмкін. Өте сирек – жайылған есекжем, ангионевроздық ісіну, бронх түйілуі, артериялық гипотензия, анафилаксиялық шок және анафилаксиялық/анафилактоидты реакциялар, олар ауыр әрі өмірге қауіпті болуы мүмкін, ал кейбір жағдайларда тіпті өлімге әкелуі мүмкін.

Жүрек-қантамыр жүйесі тарапынан:

жиі емес - артериялық қысымның оқшауланған төмендеуі (анафилаксиялық реакция көріністерімен қатар жүрмейді), артериялық қысымныңжоғарылауы, жүрек ырғағының бұзылуы. Коунис синдромы

Тері және тері асты тіндері тарапынан:

жиі емес– тұрақты дәрілік бөртпе, сирек - бөртпе (мысалы, макуло – папулезді), өте сирек – Стивенс-Джонсон синдромы немесе Лайелл синдромы, уытты эпидермальді некролиз.

Бүйрек және несеп шығару жолының тарапынан:

өте сирек – бүйрек функциясының жедел бұзылуы, протеинурия, олиго- және анурия, жедел бүйрек жеткіліксіздігі, жедел интерстициальді нефрит.

Жалпы реакциялар: несептің қызыл түске қысқа мерзімді боялуы, несепте төмен концентрацияларда рубазон қышқылының (натрий метамизолының метаболиті) бар болуына байланысты болуы мүмкін.

Жергілікті реакциялар: бұлшықет ішіне енгізген кезде енгізу орнында инфильтраттар болуы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді зат – натрий метамизолы, 500 мг

қосымша заттар - инъекцияға арналған су.

Сыртқы түрінің, иісінің, дәмінің сипаттамасы

Мөлдір түссіз немесе сәл боялған сұйықтық.

Шығарылу түрі және қаптамасы

2 мл-ден бейтарап шыны ампулаларда.

Медициналық қолдану жөніндегі қазақ және орыс тілдеріндегі нұсқаулықпен бірге 10 ампуладан картон қорапқа салынған.

5 немесе 10 ампуладан поливинилхлоридті үлбірден және алюминий фольгадан немесе полиэтиленмен қапталған қағаздан жасалған немесе фольгасыз немесе қағазсыз пішінді ұяшықты қаптамаға салады.

1 немесе 2 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде 15 °С-ден 25 °С-ге дейінгі температурадасақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.